其實係讀大學時個牙醫已經叫我剝
但當時我覺得佢都無痛無盛, 梗係唔搞佢啦
但跟住個幾年開始就間唔中會腫
牙醫就話係因為我下面既智慧齒訓左係到生唔到出黎
之後佢同前面個大牙中間個牙縫成日就zip左D野食係入面
一刷唔乾淨就會發炎
牙醫仲話, 除左發炎, 最驚係會蛀埋前面者大牙
咁到時就連隻大牙都保唔住
我已經係無咩牙可以咬野食, 所以D大牙對我黎講係好珍貴
再加上, 隻智慧齒開始越生越多, 有D頂住我前面隻牙
最後, 我就決定要剝
牙醫都好好, 佢話因為我2隻智慧齒都算近神經線
所以一係去專科到剝, 一係去菲臘牙科到剝
因為近神經線, 一唔小心整到就會有機會無知覺
所以都係決定搵專科..始終, 菲臘牙科做手術既都係學生
都係俾多D錢...買個安心啦
首先, 我係牙醫到照個360度既x ray
張x ray真係睇得好清楚
牙下面個條白色線就係神經線
一望就睇到隻智慧齒同佢真係幾近下
最後我決定剝哂上下智慧齒
牙醫話一齊剝一黎平D XDDDDDDDDD
Total: $4300
二黎, 如果只剝下面, 有機會上面隻智慧齒會成日頂到下面
加上, 智慧齒留黎都無用, 只會蛀
做好哂檢查, 就BOOK日子~好彩個專科醫生每個都有一日會黎我個牙醫個診所到做手術
咁我就book左4月尾既一個星期五下午做
到做個一日, 牙醫已經千叮萬囑叫我食飽D先好去
所以我食飽飽, 就去到
首先牙醫好好, 會俾2粒消炎藥同止痛藥俾我食左先
再簽左同意書
等左一陣, 見到前面出黎個阿伯面都腫哂就嚇一嚇
不過, 馬死落地行, 都要去家啦~
入到去, 個專科醫生就講多次個手術既風險
我見佢講野都木無表情, 睇黎佢已經做到熟哂, 段野都講到爛
咁一開始, 就打麻醉針
雖然, 我係之前杜牙根時已經打左N咁多次
但其實都仲會驚痛
我又無勇氣叫個牙醫幫我查定D麻醉藥膏係個牙肉到先
首先打下面牙肉, 打三支, 都接受到個痛
到上面, 打2支..但呢2支真係超級痛
痛到想死
過左最痛苦既時候, 我都安心D
跟住就等個麻醉藥發揮功力
一等就等左10MIN
之後就開始
正當我諗住高枕無優既時候
突然牙醫好大力咁係咁"叫"我隻牙
個時我都唔知佢係剝緊我上面個隻定下面個隻
後黎先知係剝緊上面
不斷聽到骨裂開個隻聲音
佢不斷"叫"同用儀器好似磨隻牙
我雖然唔覺得痛
但感覺到佢私既力同聽到D聲就覺得好驚
最後, 佢幾時剝左上面個隻同下面個隻我都分唔到
因為佢做既野好似都一樣
最後, 到佢逢線個下我先知原來剝左下面
反而, 逢線個下有D扯扯地
唔係咁舒服
一逢完, 居然就話做完啦
全程都不過係半個鐘
太快了~
個醫生最後就話好順利, 無整到條神經線
最後, 腫住半邊面出去
醫生開左止痛藥, 消炎藥, 同埋漱口水俾我
一開始要咬住個棉花
反到去每隔2個鐘左右要換一次
我覺得換棉花係最horrible
因為要將個紅淋淋既棉花拎出黎
我一共換左3次先無再出去
護士教我話每次拎走個棉花後, 要睇住佢有無再流血, 如果只係沉沉下就由佢
但如果係湧出黎就一定要再咬棉花
我咬到差唔到9點先止到血
幾驚止唔到要去急診室
5個鐘後左右就開始麻醉藥會散
個時開始覺得有D痛
不過我個隻痛係好似瘀左俾人係咁桉個隻痛
但個痛都接受到
第一晚咩都無食, 同埋只可以入, 唔可以出
即係只可以吞口水, 唔可以吐出黎
因為吐個下有機會搞到傷口凝左個血塊整走埋
咁又會再流過血
個晚好攰, 就即刻去訓
到第2,3日, 塊面開始慢慢消腫
好好彩, 我無越黎越腫
我唔知係關醫生個手勢事定係關個人既體質
頭幾日都係食D流質野e.g.粥同雪糕
同埋個口唔太開得大
其實, 我終於明點解醫生叫我準備多D雪糕
佢地話因為腫所以對凍野有感覺D
但我覺得, 雪糕一入口就會變液體, 唔易ZIP D野食落個傷口到
再加上雪糕有糖份, 都叫頂得住個肚餓
到第4日, 我已經去左返工
已經無咩腫, 就咁睇係唔太覺
但自己會覺得個牙肉都係腫
同埋模都會覺
一星期後, 去拆線
上網睇有人話好痛
我真係完全唔覺
入到去, 同醫生吹左幾句水後
只見佢拎住個交剪, 2下
唔駛20秒, 就話搞掂
我諗: 下? 佢有掂過我家?
佢之後話我埋口都埋得幾好
叫我要刷下個位, 因為下面有個洞, 好易跌D野入去
我問佢: 咁最後個位係會漲起定係平家
佢話係平
我都諗咁都好D
後黎, 開始食返D固體D既野
真係會跌落去個洞到
一開始想用牙籤剔佢出黎
但發現一黎太暗睇唔到
二黎好驚牙籤篤到佢流血
所以, 我發現含住個水係咁用水既衝力就可以將個洞D野食沖返出黎
希望個洞快D消失
咁我就可以真正既高枕無優
另外, 成日見人係網上問: 隻智慧齒無痛, 又係橫生, 駛唔駛剝
我另一邊就係咁, 未生出黎, 又無發炎
但我都諗住剝
其實我覺得既然剝牙個價錢我都俾到
我就想一勞永逸
唔想成日好似有個計時炸彈係到
唔通到佢痛, 發炎先整?
到時又唔係即刻話剝就剝得
咪自己攞苦黎受
再加上有機會佢一直蛀緊前面個隻, 如果到後黎先發現可能就太遲
我就寧願用一個星期既辛苦, 換取一生既安樂~
當然, 有好多原因, e.g. 錢、驚 搞到好多人都唔想面對隻智慧齒
但想講, 其實剝智慧齒真係唔咪咁horrible, 反而好多人係俾自己嚇到自己者~
