BECKY狂恥笑我帶個支綠茶返屋企
但個支綠茶係最得到我一家人一致既好評
咁大支都係4,5蚊到
又平到喊
但我揹都揹到喊
好彩我有帶龜瞉去
其他個D都係幾蚊鷄
最後我地就揹哂呢D野食返香港
成個大陸之旅既結論就係小心挑選同你一齊去既人
唔係佢發癲你真係耐佢唔可
另外小心D玩機動遊戲坐係旁邊既人
遇到半邊男都好
至少之後可以恥笑佢
佢又唔煩你
但遇到個HIGH HIGH女就麻煩D
成日係到嘈住哂
嘈我都由佢呀..咪煩人啦
我打唔打開手關你咩事先
唉~
另外要記得接受大陸人插隊既美德
其實好多大陸人都會排隊
但一有機會佢地就會插隊
我同BECKY就見証過一位人兄最犀利既插隊法
BECKY可能未能接受到呢個行為
佢居然想公然「串」個位大陸人
佢梗係想出唔到個歡樂谷
其實呢D陋習..講黎都無用啦
大陸人出左名係咁
講左出黎..佢咪又好似個個男人咁當聽唔到
聽到都唔會因為你既一句話而改變囉
不如留返啖氣黎暖肚仲好啦
最後就係BECKY覺得100蚊入場都算抵
但如果用返原價入，佢就覺得唔抵啦..
(完)
我地休息左一陣BECKY就嘈住要去鬼屋
FINE..咁就去囉
搵左一陣就搵到
BECKY一見到門就唔理三七二十一咁衝入去
我入到去見到點解會有位坐既
心諗BECKY又入錯地方
BECKY話唔緊要啦反正入左黎
咁我就話好
D椅子真係幾好坐
咁入面就好似一個小型lecture room咁
有幾級一排排既椅子圍成一個半圓
半圓中間就係一個幾高既台
台中間後少少位置有D類似幾組大型電腦
而中間就係一條好粗既透明管
管入面有D液體，入面沉住一隻巨型既怪物
睇住中間條筈真係幾驚
咁過左無耐燈就全部熄哂
只有一D燈射住中間個演講台
之後就有一個著住手術衫既男人上台
佢開始演講，大約就係話佢地發現左一個外星生物
講左無耐突然全部燈就熄哂
就有玻璃既破裂聲
之後聽到個男人既慘叫聲
我早就諗到家啦
但我幾驚，因為我坐係走廊旁邊既位
我feel到會"拿"野
咁我就好自然咁捉實BECKY
成隻鵪鶉咁
之後就陸陸續續聽到D觀眾既慘叫聲
應該就係D工作人員會行埋黎整我地
我就知應該差唔多到我地
佢地只係吹氣係你耳仔邊同埋拍一拍個頭
勁無奈囉
咁都好叫
隔左一陣有人捉一捉我隻腳
我都係縮一縮就算
點知到捉BECKY時，佢居然慘叫一聲
我勁無奈
佢真係癲線
不過係漆黑一片驚都係正常既
過左無耐就開返燈
我地就見到中間個條管真係裂左
入面個怪獸不翼而飛
呢個就係尾升
之後BECKY就發表下頭先既偉論
但因為都比較無聊，所以表過不提
出左呢個「魔獸探密」我地就搵到間鬼屋
無咩人玩
我地前面有對情侣，後面都係
我地排隊時幾驚佢會兩個兩咁送入去玩
好彩佢俾我地6個人一齊行
我第一次入鬼屋
好驚
所以我全程係無咩打開眼，一直都捉住BECKY
BECKY都係痴實前面個對情侣
而前面個個女仔都好驚
咁我地三個女仔就縮左係個個女仔既男朋友後面
佢就帶領住我地行
BECKY覺得最好笑既係個個男仔居然係鬼屋行行下傾電話
睇黎佢真係好不屑呢個鬼屋
驚既位真係無咩
無人彈出黎嚇你
大部份都係死物
郁都唔郁
同埋可能有人打頭陣
前面有咩驚既野都知道哂
玩完呢個鬼屋得出既結論就係男仔同女仔去真係好吃香
吃香過去睇咩恐怖電影
玩完出返黎都5點幾
好多機動遊戲已經收哂檔
咁我地就決定離去
因為我地仲諗住去家樂福到行下
行返去大門口時真係好tired
本身諗住玩埋門口個個旋轉木馬家
因為個個旋轉木馬真係超靚
點知去到已經CLOSE左啦
又一個遺憾
之後我就要履行返IF BECKY去玩小型跳樓機我就要玩UFO既承諾
我覺得UFO都不外如事
因為比起UFO旁邊既機動遊戲
佢既慘叫聲係最少
同埋我連discovery都玩過啦
有咩會難到我?
咁我就排隊，排左無耐就到我
BECKY就係下面同我拍片
最唔開心係隻腳又會咁到好無安全感
因為無野俾隻腳頂住
成個人就靠後面一舊黑色野將個人壓實
安全帶都無條
我就已經有少少驚
不過我隔離個女仔就勁HIGH
係咁同我講佢每次黎都會玩呢個
佢覺得超好玩，咩飛上去既感覺好FREE
我都唔知俾咩反應佢
之後個GAME就開始
個時我發誓我一定要打開隻眼
睇下成個歡樂谷既樣
開始無問題
之後FING FING下就好驚
個人都好似俾佢FING出去咁，我唯有捉實個扶手
準備盒埋眼AND大叫
但我發現我隔離個個女仔仲係大開雙手係到發出歡呼聲
佢隨住個UFO越升越高，佢既情緒都越黎越HIGH
我心諗..唔係呀..隻手都放開..如果後面舊野一鬆你咪死個人飛出去
個時就真係you can fly啦
我都唔得閒理佢fly 唔fly
我已經盒埋左隻眼大叫緊
但都聽到固個女仔係到叫「快來打開雙手感受一下風，好舒服喔~」
佢應該係叫我掛
我彩你都ON99.
我個時驚到死
你想FLY我唔想FLY
我記得佢仲係某個MOMENT個女仔個指甲居然括到我
個時我如果唔係我BUSY緊我真係想打爆佢個頭
經過一輪折磨後
我得返半條人命咁落返去會合返becky
睇返段片
好彩個女仔咋
唔係我都搵唔返我自己
我就係個個打開隻手個女仔右手邊個個。。後一Ｄ就見到
最後我地就事但影左幾張單人照就算
（待續）
