last day of 2011

上年都知今年係好重要既一年
但話咁快又到最後一日
望返轉頭
真係咩都可以捱得過
其實所有野都唔駛諗太多
有時有D事真係大家預期唔到
所以無可能會有所準備
慢慢講下今年發生咩事啦
今年係FINAL YEAR
哇..我完成到個FINAL YEAR我真係好好彩
出黎見工有D人問起我final year proj係做咩
講完大家都係不屑既表情
雖然我都有咁覺得
但好慶幸alvin對我咁好..咁包容我
最後我以1 st hon畢業又係另一個好彩
不過到搵工..我確實覺得唔係一個好既開始
搵工好快就可以搵到好多工
但無一份係我想入既
唔係package有問題就覺得間公司有問題
最後煩左幾個月..試左1份工最後都決定左入大新
講真..銀行我只見左大新同創興ONLY
好多人都話入銀行係好對IT黎講
所以先係咁想入銀行
唔係入IBM名夠勁
入HA人工夠高
入宏利公司夠大
我都唔入就係因為佢地都唔係銀行
所以最後我決定左大新..
不過我真係從心底裡覺得呢間唔係一間好公司
所以不久我已經有"異心"
成日想跳槽
但又驚呢樣又驚個樣
點知咪拖到而家囉
比較好彩地
而家有多返D野做
遲D應該都有排我忙..
所以真係今日唔知聽日事
可能好快我就係個大做左幾年
so far黎講同事同HA個D無得比
但至少唔會害我住..某D人我唔敢講..
人工, package, 上司個D都係比上不足比下有餘咁囉
再睇下點先啦
唔係我既alvin叫住我我真係頭也不回咁走
我親愛既alvin係畢業禮同我講個翻說話我仲記得
佢話你個profile好重要..唔好咁快就轉工
話programming skill唔係重最要..好多野更重要
話HR, accounting system咪好囉
好多公司都要用
我講每個problem佢都好似可以將佢講到好正面咁
最後佢就係叫我讀個master..management既
後黎知道master要interview我淆哂底
遲下先啦
仲未有咁多錢讀住
講起畢業禮就提下啦
其實真係無咩特別野
上下台
我阿MA同becky個日都有黎
我諗最令我深刻唔係佢地而係個朝同之後發生既事
我真係覺得我處事一D都唔成熟
我一D都唔了解人地
成日以為自己係HA可以建立到一個咁好既人濟關係代表我已經識得待人接物
但個時先發現我睇得自己太勁..
真係仲有好多事要學
希望同一件事唔好再發生
希望我有所得著啦
唔好再傷害到任何一個愛我既人..
畢業禮後係一連串既影相
我真係唔太鐘意
同一個post同一個人同一件服飾影幾百張相..意義到底係邊呢..
完哂畢業既事就已經接近年尾LU
年尾亦都有一件好重要既事
就係我既感情事
不過我個人好怕羞
所以將篇blog放係private個到算啦
總括黎講2011年我學到好多野
亦都感受左好多我未感受過既野
2012希望唔係世界未日啦
至少我想繼續有新野去感受下同去學下

第一次做義工

其實自從開始返工後
所有既生活都好似變得好規律
每日行屍走肉咁返工...做野...食lunch...做野..放工...返屋企
每日如是
每日就係等六日
但...到六日
個人又無鬼聊
對住部腦無野做
感覺自己好似虛耗緊自己既光陰咁
所以開始不停咁搵唔同野做下諗住充實下
至少可以填滿我六日無聊既時間
一至五我都會隔住咁去做GYM
雖然好辛苦..我係指每日帶鞋返工又帶佢走個下
但驚肥返都要KEEP住
六日我就諗不如做下義工啦
所有前排勁搵唔同機構睇下有無義工做
居然俾我搵到VAS
報左名, 上埋training 就apply左第一份義工
個次係係我仆親前兩日既事
星期六黎
係同D小朋友玩
係元朗一個渡假營
係由智樂呢個機構搞既
咁個日就準時係MTR到集合
都幾多人呀
我諗有30人到
有中年人, 都有D後生仔女
都好多人係自己一個黎
佢地都幾慘家
自己一個咁
好彩我有蕩蕩陪
到之後分開幾個人搭車
我地同邊個搭已經唔記得LU
但我地全程一句野都無講囉
到左之後就要搬D物資入去個HALL到
之後再分人去起返D攤位出黎
辛勞左一個早上就終於有飯食
坐底食飯..識左個HKU讀dental既女仔
望住佢覺得佢好勁
拔尖!!
前途一定一片光明
好啦..食完就開始俾個負責人將我地分組
幾個人負責一個攤位
條友真係離哂大譜
佢一開始就問我同蕩蕩係咪想一齊
咁我地梗係話係啦
咁佢就話
你地去睇住個2間房啦
哇...頂
個2間房都要睇既咩
講下個2間係咩房
佢地係一個壁球室
咁我地就一間放左好多積木
另一間我地就放左好多大正方體
2間都係俾D小朋友同家長自由咁入去玩
我地心諗..睇D咩
之後個男人可能見我地2個樣變變地
即刻好串嘴咁話: 而家咪分你地一齊囉
FINE
你話點就點囉
咁我地就走去個2間房出面
企係到望住2間房
一間房係無任何人係入面玩
另一間多D
有幾個小朋友同佢地爸爸媽鎷係到推積木
咁我地2個咪係到吹水囉
真係唔知有咩好睇
驚D積木壓死佢地咩
吹左我諗1,2個字到
個男人又好急咁走過黎
就問你地應該無咩野做家啦..借一個人黎用下
之後就叫左我走
原來有個最大型既彈彈床唔夠人手
咁我就看住個後門
每次小朋友玩完都係由個後門出返黎
咁我就幫手扶下D小朋友
都OK
至少有得對下小朋友
唔係望住2間房
至於蕩蕩
後黎問返佢先知佢企左無耐個男人都好同情佢咁悶
就叫左佢去一個攤位幫手
我睇左無耐後門都有上去彈床睇小朋友
哇...D小朋友真係勁活躍
打交既有
百厭既一定有啦
最得意係有D好驚
會係咁捉住你隻手係到跳
有D驚到係喊..要即刻放返佢落去
不過好多小朋友都好得意
鐘意小朋友既人真係值得去下呢到做義工
到中間會休息十幾分鐘
大家再轉下位
我就俾人調左去另一個攤位
個攤位係個小朋友坐係個車上面
再由爸爸/媽媽拉佢地幾圏
都OK多人玩呀
D爸爸媽媽都幾狼死
拉得好快
拉到有D小朋友應該feel到有離心力
有時我睇到都一額汗
最後辛苦左一日仲要收拾返D野
你咪話唔tired
我都懷疑係咪個日攰左一日..第二日又出左成日街
所以先搞到我暈
所以下次再去做義工
第二日真係唔好再出街
好好留係屋企休息下
因為真係好tired家
後黎同蕩蕩傾返
都覺得個男人唔係露
我地都覺得佢係將佢識既義工編去一D好玩既攤位
之後我地呢D第一次JOIN既人就投閒置散
佢真係好唔得LAW我覺得

remaining things

返大陸
畢業禮

杜牙根

經過我一番google後
我決定去荃灣既張心怡醫生到睇牙
第一因為佢係女
覺得可能細心D
第二見佢係網上都有人讚佢幾好
再打過電話去問佢最快要幾時有得睇時
佢都好似幾FULL咁
所以我唯有請左一日SL去睇佢
個日約左12點
去到坐左都幾耐
等左差唔多4,5個字先到我
入到去張醫生雖然戴住口罩
但都feel到佢係幾靚女
但個時我都無咩心情考究呢D野
直接同佢講我個情況
佢再檢查下我裂左個隻牙齒
之後佢就同我講返話我要去睇專科
我O哂嘴
咩牙醫都有係咪專科既咩
佢就話去睇專科就有機會救到你個牙齒..即係杜牙根
但佢繼住話專科好貴
因為佢地用既技術同科技係高好多
影張X-ray都要千幾二千蚊
我聽到梗係O嘴啦
咁我就問: 如果我唔睇專科直接剝左佢呢?
佢就好可惜話就算剝都唔會而家幫你整到
因為我裂左入去
裂得應該都算深
唔可以直接用普通方法咁夾佢出黎
要做手術
即係開刀
所以佢話又要搵專科黎幫我做呢個手術
所以都係要排期同等
我又O嘴
心諗: 唔係掛...仲要等..我已經痛苦左成2個星期..
最後佢都係勸我盡力保住隻牙
唔好咁易話剝就剝左佢
但我諗專科咁貴
睇完都係要剝咪仲哂錢
最後佢開左張假紙..專介信同埋專科個個醫生既咭片俾我
專科個牙醫係麥耀輝醫生
睇返佢個title
原來係牙髓治療師
原來呢D就叫專科
返到屋企即係又google下
原來全港得11位專科牙醫家咋
怪唔得佢地收咁貴啦
再打去問下佢個價錢同其他專科醫生既價錢
原來佢已經算平
其他專科醫生杜牙根都要過萬
麥醫生到杜個牙根就7千至9千幾
之後各個專科醫生檢查費都要500-550一次
通常佢地都係由其他牙醫轉介
所以會問你有無轉介信
有既話就可以免收個檢查費
同埋麥醫生個到會講得清楚D佢個做法同收費
我打去同佢講左我個情況
個女人就話裂左既話
醫生會先拔開你裂左個part出黎睇佢裂左幾深
如果醫生發現杜唔到牙根就會補返佢叫你自己去返其他牙醫到剝左隻牙
就咁就會收2000蚊
但佢發現杜到..就即刻開始幫我杜牙根
咁就只會收杜牙根既錢
檢查費同個2000蚊就唔駛收
X-RAY就好似唔知100定120蚊一張
所以就睇我博唔博去保住隻牙
最後我都決定去專科睇
因為真係唔想就咁無左隻牙
無左隻牙真係好煩
不過呢間牙醫仲有一樣野好串嘴
就係唔寫假紙
只有到診紙
駛唔駛串嘴到咁呀
杜牙根都唔俾假紙我
所以我約左8號下午2點去睇都係用AL
離哂大譜
專科真係專科
串嘴過人收費又貴
不過我咁樣只好俾佢禁住黎搶
個日準時去到
但等左都幾耐下
等左都係3,4個字先到我
原來間診所佢係同另一個專科醫生一齊開家
好彩個時我無打埋俾另一位醫生
唔係佢地咪知我係到格價囉
咁我入到去個牙醫就幫我睇下隻牙
佢係敲下我隻牙
佢之後問我個3個位有咩分別
我話2號位痛
之後影左2張X-RAY
之後又叫翻我起身聽佢講野
佢又拎哂模型...書咁講我隻牙既情況
佢話要拎開裂左個part睇我個裂法
原來裂都有打直裂同唔記得左咩裂
佢話打直裂就大煲好多..杜唔到
其他情況都杜到
之後佢就講埋杜牙根係做咩
其實個時我都無聽咩留心
因為我已經上網google左百幾二百次杜牙根
我已經知杜牙根係咩
最後佢就話埋我個牙裂左個part成個都唔要得
都無左幾大部份
所以佢就話補牙要一千(O嘴..第一次聽人講補牙要一千蚊..補咩牙咁巴閉)
另外因為我補個位都幾大範圍..所以要加一條柱仔係入面HOLD住我補個PART..呢到又收一千
就係咁...只係補牙都收我二千
杜牙根我呢隻牙就收七千八
加加埋埋就一萬
哇~
咁就一萬
牙醫幾好賺
之後佢就話OK咁就開始
我訓低後
佢問: 你驚唔驚整牙?
比起蕩蕩..我算唔驚啦下嘛
佢連去睇牙洗牙都唔敢去
我至少每年有去檢查同洗牙呀
我小學又勁去牙科保健補牙
基本上我所有大牙都補過咁滯
D鑽聲我已經聽慣聽熟
補牙只係當食生菜
所以我話麻麻地..我只驚痛
之後佢仲suggest我可以拎電話出黎聽歌
我又覺得唔需要
因為我唔驚D聲
所以我話唔駛
佢就幫我查上一D麻藥係我兩邊牙肉上
佢話打麻醉時就會無咁痛
我個刻心底裡好欣賞佢
因為我上網睇D人話打麻醉針係最痛
再加上個屎忽鬼之前兇過我話打麻醉針點痛法時
我真係幾驚
查完一陣佢就打麻醉針
第一下都係驚到合埋眼
點知發現又唔痛喎
只係覺得有野掂到牙肉咁
好啦
到第二支
我就無咁驚
點知....打落去...好痛囉好無?
唔知佢個位無查到麻藥定係個位比較敏感
打落去係好明顯feel到痛
但又唔係痛到接受唔到
比起我之前連針時打個支麻醉針
呢支唔算係咩
只係比打針痛少少
好啦
之後佢就叫我坐返係到等5MIN
要等個麻醉藥發揮作用
其實我覺得等個5MIN痛苦過打個時
因為打左針個邊好似有條線係入面頂住
我唔知咩感覺
總之口水會不斷流出黎
我就好以痙攣既人咁吐出黎又吐唔到
唯有等佢流出黎自己用紙巾抺左佢
我之後有同蕩蕩講
佢應該陪我黎幫我抺口水
5MIN後醫生返黎
正試開始杜牙根
過程當中好多野我唔知係咩
所以我pass through佢
只講下我記得個D
首先佢會用一塊膠既布將我成個口封住
只突我隻要杜既牙出黎
當然佢都有放到一舊牙膠係我口入面俾我咬住
話哂都要做成個鐘..會tired..
一開始見佢拎個鉗仔出黎
其實個鉗唔應該叫仔
因為個個鉗真係好大
大到我覺得我阿BA裝修用個D一樣
見到已經想暈
之後佢就出盡九牛二虎之力係到鉗
我個時諗佢應該係鉗我裂左個part掛
一D都唔痛
只覺得佢係到搞緊我D牙
點知搞幾搞我居然見到有D粉飛出黎
我心諗唔會係我隻牙俾佢鉗碎左掛..
之後佢就開始係到鑽
似係幫我磨緊牙
我諗係磨細我隻牙掛
因為佢好似之後不斷想套隻"羅絲" 入我隻牙到
但佢試左幾次都唔得
所以不斷磨我D牙
最後放到..我心諗唔係掛
咁都放得入去
當然佢梗係有用好大既力氣塞入去
個下幾痛家

之後佢又鑽我D牙
我一開始唔知佢原來就係鑽緊入我D牙根
因為個隻鑽似係補牙個D鑽
唔似鑽得咁入
真係無咩感覺
只係間中會有D痺痺既感覺
之後佢就會拎一條好幼既既銅線掛我諗
就好似上圖咁
醫生就好出哂力咁係咁塞支野入我隻牙
佢每次都介哂起身咁插支野入我隻牙到勁插我隻牙
每次都要換幾次個支銅線
不斷咁插
係完全感覺到佢插得好入
仲會聽到銅線同我牙根磨擦既聲入
但每次佢係到插支線入黎時都好酸痛
佢不斷係到搞我都覺得好酸痛
真係痛到我係心底裡係咁係到鬧佢
鬧網上話唔痛既人
又開始質疑麻醉藥一D都唔work
我諗重覆做左好多次之後
佢就會用支針打D野入去
哇~
第一次打時我半邊面麻痛到連佢插銅線個個痛我都唔care
我唔知佢做咩黎會令我突然覺得咁麻痛
連頭, nose都會痛
後黎google過,...佢可能打左D消毒劑
唔係阿FA
個隻麻痛仲係會last for 幾個字先會消退
我幾個字我幾想死
想講出黎又唔講唔到
只能自己默默承受
醫生係理得你死繼續整死我D神經細飽
最後佢見我個樣咁痛苦
佢就話忍耐多陣
好快就得
我個時太感動
最後feel到佢幫我補返隻牙
佢叫我合埋口睇下
再左右磨下D牙
好快佢就話我走得
我都未ready佢就叫我走
佢又無講咩
只係話2日後你仲覺得面腫就打返黎
我話喔
好彩我臨走前有問下佢個隻牙食唔食得野
佢話食得
但刷牙要刷得大力D
因為有個鋼片圍住隻牙保護住佢
佢話塊鋼片會一直係到直到我做左牙套..
我心諗唔係掛...
一開始唔慣
呢幾日好似習慣左佢係到
但問題黎啦
過左3日
腫好似仲有少少但唔係好明顯
所以我無再去打返俾醫生
但係...我一咬野時
隻牙又痛
同我未整時無咩分別
我就覺得好怪
醫生叫得我食野
即係應該唔痛
但仲係痛喎
即係有問題囉
我一開始以為頭一兩日痛都正常
但第3日都係咁
我忍唔到打左去診所到問下佢地
聽電話個姐姐問左我D情況後
叫我睇埋星期一先
如果仲痛就打返去幫我搞下
上網google過後又係無咩人有呢D問題
有人話應該係D神經細胞未清乾淨
唔係掛
好驚要剝呀
再杜過都無咁驚
驚係話我杜都無用
一定要剝
咁我一定崩潰
希望唔會啦...
出左咁多錢...忍左咁耐痛
居然都係白白咁付出
點解要咁對我呢?
下一篇: 杜牙根完成篇

我陰公的牙齒

上一篇講到我暈左入左院
跌完之後d牙好痛
一開始兩邊都幾痛
咬唔到肉
所以一直都食粥
慢慢右身邊好似好返
但左手邊一咬任何一樣野都酸到無力
以為佢會慢慢好返..好似右手邊
點知佢都係咁痛
我好擔心佢有咩事
所以星期五就請左半日假睇肥婆介紹既一個牙醫: 謝杰明醫生
去之前當然SEARCH過佢d資料
哇..好多頭銜喎
哇...成日上電視報紙喎
好似好勁
咁為左d牙好
我都願意俾多d錢去既
準時去到見到醫生
佢人都好好
我同佢講左我暈左啦..之後就食唔到野咁樣
咁佢一開始幫我按下面部唔同位睇下有無傷到
之後就話都無咩問題
再訓係到睇下d牙齒
都好似睇唔到邊隻牙有裂痕咁
之後帶左我去照x光
再用佢部相機係我個口到影數十張相
之後佢就係電腦開哂d相黎同我講解下我d牙
佢話睇到我下巴無碎到
d牙都見唔到有咩裂痕
之後就開始講下我d智慧齒、蛀牙、咩神經線生得好高咁
我個時就同佢講我舌頭FEEL到有一隻牙好似有裂痕啦
咁佢問我邊隻
我開大隻口俾佢睇
佢即刻開返張相指住隻牙話: 喔..咪呢隻囉...佢d牙紋黎家
咁佢話係牙紋我都無辦法
之後就叫我觀察多三星期到睇下仲痛唔痛
如果仲痛就代表真係有裂痕啦
就係咁send我走
俾錢時..佢居然收我700蚊
我聽到都OO地嘴
我咩都無做過..只係照左一張X光同影左D相就700蚊
講真..你話到俾我知我有咩問題我都覺得gur d
佢仲要講到我好似唔係好嚴重咁
真係任佢魚肉囉
我諗問左佢點收費都無用..D價佢講
佢要收700點都整到出黎既
咁我唯有俾錢走人
夜晚返到屋企..仍然覺得個隻牙個條唔係牙紋係裂縫
所以我搵隻手去督下佢
哇...酸痛到呢
我知道隻牙一定裂左啦
唔係個個醫生講既咩牙紋
第二日朝早就去青衣城個牙科車到聽下另一個牙醫既意見
信多次謝杰明真係死左都唔知咩事
我同返個醫生講返我暈左啦..同埋睇過牙醫佢講咩
咁呢個醫生就專同我睇返我覺得痛個隻呀
佢話個條係裂痕黎既
話應該補唔到
要杜牙根
我即刻晴天霹靂
我完全無諗過會咁嚴重
佢無用無崩但居然都要杜牙根
返到屋企即刻google下杜牙根係咩
原來係殺死隻牙..將佢D神經細胞殺死哂
留返個外瞉係到
個醫生臨走前仲叮囑我要盡快去整左佢
因為有細菌同野食會走入去
影響牙骨
因為而家有2個醫生講唔同野
所以我今日再去荃灣睇多個牙醫
個牙醫都係話有裂縫
但佢講得重嚴重
話好大機會杜牙根都唔得
一定要拔左隻牙佢
不過真正係點都係要整走裂左個part再睇睇
唉...
真係好sad囉
好地地一隻牙搞到咁
個隻仲要係大牙
唉~
真係又哂錢又辛苦
好煩呀我覺得
最嬲都係第一個牙醫
仲叫我觀察多3星期
好彩我睇多2個牙醫者
唔係我隻牙死多幾錢重
仲要無啦啦收我咁貴
真係講起就氣忿
我一定會唱衰佢
出名又如何
連牙紋定裂縫都分唔到
連邊隻牙出事都唔知
點做醫生家!!!
算啦
而家要煩去邊到整隻牙

多災多難的十月

話說今個星期一(24/10)
我朝早起身覺得肚仔有少少唔舒服
但因為唔係好勁
所以都無咩理返工
返到公司開始覺得越黎越凍
我就諗應該係我今日著背心裙所以先係咁者
但食lunch開始覺得好似越黎越唔舒服
所以草草食完個飯盒就請左半日SL諗住返屋企抖下
打算睇埋醫生先返屋企
點知去到青衣城個間醫療中心一問..居然已經有28個人排緊
仲叫我拎籌到時再返返黎睇醫生
我心諗我死左啦到時
咁就返屋企樓下睇西醫啦唯有
點知去到居然無開
佢開3點
離哂大譜家
開咁晏
D病人等到都死
咁唯有返屋企訓下先
返到屋企開始覺得全身好熱..頭好痛
我知道自己發燒了..
但照訓
到4點到我BA BA MA MA就搖醒左我叫我落去睇醫生
我BABA陪我落去睇
出門行左幾步就覺得想嘔
以防萬一..叫baba帶定個袋落去
搭LIFT時都OK
但點知由36樓到G樓時
我已經覺得好暈...睇野好濛
之後我講左句: 我好暈
之後發生咩事已經無左記憶
到我記返起就係我baba抱住坐係地下既我係到打緊電話
打緊電話叫我mama落黎
我留意到我自己訓左係個大門口到
旁邊有D人圍觀啦
聽到D人話我面色好倉白..而家好左好多啦
又聽到D人話我下巴流好多血
好彩有好多好心既人俾紙巾我, 幫我地拎住D銀包、眼鏡
我baba就不斷幫我抺汗同埋血
我當時仲係軟手軟腳..連講野既力都無
頭又超痛
過左幾分鐘我MAMA就落左黎
佢即刻幫我查萬金油
哇~~好攻nose呀
但我覺得對我無咩幫助
都係咁軟手軟腳
之後D路人就叫我baba mama扶我去D chair 到坐下
坐左無耐就有一批藍色衫既求護員出現
佢地係咁圍住我量血壓、探熱、幫我戴氧氣罩
有一位救護員就問我一D問題e.g.叫咩名..你點解會出現係到等等
之後佢地幫我檢查我個手腳肋骨等等
最後佢地叫我抬頭俾佢地睇下個下巴時
佢地一睇個個都哇左一聲
話好嚴重..應該要綘針
我心諗唔係掛
過左無耐警察同救傷車就黎左
藍色衫個班救護員同救傷車班救護員交待左我情況後佢地就徹退
之後佢地就送左我上白車
咁佢地話只可以有一個家人跟車
我baba跟車
車上仲有2個救護員
佢地開車到瑪嘉烈
沿途其中一個救護員係咁同我傾計
問我做邊行, 人工幾多等等
其實個時我仲係好頭痛
所以都唔係太想同佢講野
問問下佢就勸我考公務員
又話做銀行唔好
佢知我連二萬蚊一個月都無又係到驚叫
話大學畢業居然連二萬蚊都賺唔到
我都幾無奈
好啦..搖左我諗都有3-4個字終於到左醫院
佢地轉交左俾急症室個邊就閃左人
醫生就黎問下我有咩唔舒服咁
之後就係到等
過一陣就照X光
再過一陣就有人問我個傷口要唔要縫針
佢話我個傷口可以縫可以唔縫
縫就靚D一條線
唔縫就一個圖形咁
佢話縫唔縫都一定有疤
我幾SAD
因為我唔知佢正面係咪會睇到
雖然我好驚痛..但為左靚..縫!!
好啦..簽同意書..入手術室
幫我縫針個個男護士幾好人
會同我傾下計
佢曾經語重心長咁同我講如果我唔怕痛既話可以唔好打針直接縫
因為咁樣縫出黎會靚D
NO LA
我人勁驚痛
我連打針都驚..何況連針
所以我話都係打
哇..打支針真係好痛呀
特別係佢吱D藥出黎個下
打左2支針就開始連
其實無咩感覺
但後尾佢拉線個幾下有少少痛
finally搞左3,4個字到就OK
出返去個護士又係到糾纏我駛唔駛打破傷風針呢個問題
因為呢
破傷風針係一支last for 10年
我對上個次打係小六
而家我未過生日所以22歲
岩岩好擇界
所以佢地苦惱左好耐
咁我咁驚打針
梗係想唔駛啦
最後好彩都話唔駛
之後就搞入院
我入內科及老人科(ward E1)
去到訓8A床
張床...係臨時搭出黎
唔係有欄杆個d..又無枱食飯個d
好陰公
隔離得一個婆婆
佢成日自言自語
叫左我MAMA唔駛黎佢都要黎
搞左一輪佢地都返左屋企
我就打算訓一訓聽日閃人啦
訓訓下時俾人搖醒話要抽鼻液
個護士就一路搞d管一邊講叫我個過程會將支管插入我個鼻抽d野
我以為係好簡單拎下鼻涕咁啦
點知佢話: 你到時唔好爭扎呀..唔係又要重做一次..到時你辛苦咋
我就大驚
心諗咁痛苦既咩
之後佢就拎支我諗同飲益力多飲管粗幼差唔到既管出黎俾我睇
佢話: 插入去支管就係呢支勒..好細咋..唔駛驚
我話喔
佢就話咁我而家開始插入去家啦
我除左話好仲可以點
之後佢就將支管插入我左手邊個鼻孔
一直插一直插..直至佢由個喉嚨位個到出返黎
成個過程痛不欲生
比起之前打既麻醉針..打麻醉針只係食菜
佢抽完就拔返出黎
我就係咁咳係咁咳
眼淚係咁流
我望到佢抽出黎個d係血色既算涕狀物體
好噁心
無奈又又護士黎
我又係受難既時候
佢地黎幫我插支"小豆芽"係左手手背到
一開始我以為要打針
好緊張問佢點解
佢話為左方便我之後吊鹽水個d..
好啦咁...
佢拍一拍我手背搵返d靜脈出黎
拎支針出黎..一下桔落去
哇....又係痛到我發出"嗯.........."一聲
真係好痛
佢插落去時FEEL到支針好長
桔得好入
點知訓左一陣到11點到時就叫醒左我去照磁力共振
因為我知係咩所以我唔驚
坐上輪椅推我去照
返返黎打算訓覺
又俾人叫醒
今次係我入院幫我做檢查個個靚仔醫生
我發現而家d醫生都好後生
佢話要抽血
我心諗..我始終都係逃不過抽血呢一劫
我逃避左咁多年都係要抽
佢係我左手搵到血管就插支針入去
比起之前個d抽鼻液、打麻醉針、小豆芽..抽血簡直係飲水一樣
無得比
之後抽左4支試管到就抽完
我個時係第一次望住自己d血流出黎
好感慨
終於可以訓覺啦
點q知
隔離個阿婆隔一個鐘就大叫一次
次次俾佢嚇醒
只記得有一次佢勁大惡咁講: 你做咩唔俾衫我個仔著呀!!! 搞到佢喊哂..求下你俾衫佢著啦
佢不斷咁REPEAT
搞到護士入黎
護士話俾
佢就無鬧
我真係頂佢唔順
就係咁基本上我成晚無訓過就起身食早餐
早餐係粥
之後9點幾就打去公司請假
到左LUNCH
佢地俾左飯我
有肉有菜
點知我食第一塊肉
兩邊牙都痛到喊
其實我入院時已經有同過咁多個醫生講我左手邊牙好痛
但一直無人理
我個下FEEL到出事
呢個係今日都證實左..不過牙呢單野可以開另一篇再提
咁我食唔到飯..唯有同NURSE講轉一日三餐食粥
成日就咁無無聊聊係到訓下覺/呆坐
點知中午時突然又有人黎話抽血
個時我已經麻木左
默默咁拉高衫袖
佢桔支針落黎抽左2支血走
之後下午去做腦電波
做腦電波個個姐姐好好人
又會同我吹下水
臨到夜晚時..房既另一張床又有個阿婆黎左
個阿婆瘦到令我諗起我阿嫲
佢都好慘
又唔識聽廣東話同講
所以同d護士雞同鴨講咁
佢到夜晚突然抽筋
好彩我發現到話俾護士聽
唔係都唔知點算
所以成晚好多醫生護士圍住佢
我又唔駛訓
間唔中又俾人捉起身打抗生素同探熱
好彩我有小荳芽咋
咁個2支抗生素就直接經小荳芽打入我手到
打入去個感覺好怪
你會FEEL到好似有水漏入隻手袖到
凍凍地向下流
其實係d抗生素流入找d血管到
個晚我發誓我第二日一定要走人
唔係我會癲
第二日
等左好耐醫生終於黎
佢居然話我仲有個24小時心電圖未做
可能要等到聽日
我梗係唔肯
佢話咁你一係出院後再做
我好開心
即刻出院
到拔返小荳芽出黎時
一拔出黎
哇~~~~~~原來都有成3-4CM咁張家支針
怪唔得咁痛啦
就係咁勒
第二日即返工
當然俾人圍住咁慰問啦
佢地仲要係到引我笑
明明我講唔好忍我笑..驚整爆個傷口
但佢地係要講埋d低b野..咩hk'小悅悅..咩那些年，我們一起仆街的女孩
佢地真係無聊
但我返工時勁HEA
光明正大HEA
光明正大發呆、玩SMS
HAHA
星期日就去拆得線啦
其實個疤係下巴到
正面係唔好睇到
但
但我隻牙...下一篇就講下佢啦!!

2011哈囉喂

9月25號時同蕩蕩2個人去左哈囉喂
因為有annual pass
所以百四就有一張夜場飛
諗緊去唔去時就已經淆底
我又驚佢又驚
所以問過幾個朋友有無興趣一齊去壯下膽
可惜呀~
無朋友肯陪我地去
全部都話驚喎
咁我地2個只好梗住頭皮咁去啦
個日5點半開始玩得所有鬼屋
但我地驚人多要排隊所以打算早一個鐘到
點知去到IFC個M記食個20蚊餐塞飽個肚後
去到已經5點半LOL

入場巻

手帶: 白色係普通飛..綠色係"打尖"飛

有D coupon送, 都有用家2張, 嘉禾現金巻同思樂冰

咁就算啦
好彩我已經好熟OCEAN PARK入面既位置
再加上叫左蕩蕩PLAN好我地玩咩先
所以一入到去拎左地圖我地就分秒必爭咁衝去我地第一個TARGET: 3D惡夢潛行

以為已經好多人排隊
點知得個十幾人
咁我地就排啦
個時已經開始落緊雨
要拎把遮出黎啦~
都幾狼狽
一手要拎地圖一手拎遮
因為我地算係頭
所以即刻已經可以入去間館入面排隊
後D既人就要係出面淋雨啦
佢分8個人為一組

係間館入面等時..有幾個著住睡衣既鬼
有個男既都好敬業
會同我地傾計
我見D人都有同佢玩
但我就無啦
因為佢個樣真係幾似精神病人
仲有就係佢一開始突然大叫左一聲
嚇親我
我驚佢又會再大叫
之後原來入面有好多間房
8個人入一間
入面地下同牆都係有畫面
咁就每日係後面個櫃拎一個3D眼鏡
之後隻鬼既職員就會陪我地一齊睇
一開始大家都好驚會唔會有其他鬼會陰D陰D入黎嚇我地
係唔會
至於陪我地睇個職員都唔會搞我地
但個3D真係幾真
好過電影院個D好多
真係似隻鬼爬緊出黎咁
D玻璃真係似飛出黎咁
一開始幾驚
但我後來都唔驚
因為我知係假既, 係影像黎者
但蕩蕩癲左咁係咁縮係我後面
搞到我又好驚
點知全程所有人都好鎮定
除左蕩蕩同我
羞家!!
最後陪我地隻鬼會突然對住我地衝過黎大叫左一聲
嚇死我
我諗佢係睇邊個最驚就嚇邊個
睇左我諗5分鐘到就睇完出去


隔離就係另一個鬼屋: 亡魂棺廠
呢個有做過research既人就知佢有個特別既地方
就係佢有一段路係要自己行既
所以我真係唔想玩
無可能第一個鬼屋就玩咁大呀
我嚇死左點算
但蕩蕩話無可能黎左唔玩
我諗又係既
就排下囉
呢個多D人
排左15-20MIN到
一開始又係8個人一齊入去先
入面一間房有一個女仔好似主持咁係到講野
大家又係好驚咁四處望睇下會唔會有鬼衝出黎嚇我地
呢D就係每次去到一個新環境無安全感掛
個主持就講講講啦
講下呢個鬼屋係做棺材既
近排開左條新LINE
叫我地唔駛驚等等
佢教過我地如果驚就大叫一個詞語
但我唔太記得係咩
因為個個詞語我係聽都無聽過
佢話嗌左就有人會黎"幫"我地
都唔知真定假
咁大家就一齊行啦
因為我地係排最尾
所以就跟大隊
不過之前聽同事話最尾都會有鬼係後面出黎
所以我都好驚咁不時望下後面
不過假既
唔會有鬼係後面追我地家
但唔好以為前面有人行先就會預先知邊個位有鬼嚇你
因為D鬼係揀人黎嚇
佢應該識分D人係驚定唔驚
如果你驚..去到你佢先會彈出黎/大叫黎嚇你
我就親身經歷過
明明前面個2個人行過時無事
但我一經過時個鬼突然閃出黎
又大叫囉
不過我係唔係都叫
我係由入去鬼屋既第一秒開始
就用捉實蕩蕩
之後用雙手掩住雙耳
眼就基本上係半開ONLY
口就不斷咁叫
唉~
而家諗返起都有少少羞家
所以唔好問返我每個鬼屋有返D咩
我真係唔知
我只知有人彈出黎/拍牆/大叫時我會嗌
無啦
我基本上無睇過佢地個樣
無睇過我行到去邊
其實真係幾waste家
好似我去個到只係俾佢地嚇
而唔係去感受個到既氣氛
總之我所有鬼屋都係咁啦
講返間亡魂棺廠
去到一個地方停一停
又有個男鬼係到講野
佢類似話而家就係睇條新line
但呢條新line要自己一個行
之後行上條樓梯就會見到4條sir滑梯
R哂底
我同蕩蕩講你排我後面啦
我地SIR同一條
我地2個就好明顯咁排埋同一條滑梯
個職員又唔理我地
我坐係個滑梯到已經feel到個滑梯勁滑
連SIR落去個下我都唔太敢
但馬死落地行
我就梗住頭皮咁SIR
真係超滑
有少少離心力TIM
但我真係太驚..所以滑時用手同腳撐住旁邊諗住可以減慢個速度
當然係無補於事
仲搞到我鄧親個pat pat
所以大家都係唔好咁做
enjoy sir落去個下啦
一落到去
一片迷網
因為一方面驚有鬼出黎
另一方面唔知行邊..因為有兩條路
就係係到猶豫之際
突然隔離有個鬼好大力咁拍個鐵網好惡咁叫: 行個邊呀!!!!
我唯唯諾諾咁行
勁驚囉
成條路得我一個
又暗
我又係同一個post同一個動作一路嗌一路行
最記得係行到有個位我前後都有隻鬼
我呆左係到
望住前面隻鬼仲係到表演緊佢既爭凌同大叫
都表演左有幾十秒
我係驚到問佢地我點行
前面隻鬼見我咁驚唔敢行過佢
佢唯有好無奈咁慢慢閃返去旁邊俾我過
我之後問過蕩蕩
佢話你應該照行佢就會自動閃埋一邊
I SEE
鬼知咩
佢咁恐怖
我點敢行近佢呀
後黎去到個位係前面有一塊布遮住左個入口
我又係勁驚
企左係個入口幾秒
唔敢行
之後我係揭開塊布少少偷睇入面有D咩
咩都無
唯有吸一啖氣衝入去
當然都有D鬼啦
但忽然我俾人拍左一拍個博頭
準備大叫+狂奔時
原來係蕩蕩
佢居然追上我
我都差少少唔記得左佢係我後面
最好我係到等佢啦
蕩蕩遇到我時我都遇到我前面一個女仔
佢一個人
我地2個就跟住佢行
好快就行完LU
有人陪真係好好多
之後玩埋隔離個個清宮殘異錄

根據蕩蕩既記憶
佢話「清宮最後有個荷花池

有個太后同公公

個公公仲叫我地行快D..唔好阻住太后賞花同埋留低D寶貝俾佢」
另外蕩蕩勾返起我個回憶
我係呢間鬼屋到差少少"扇"親
因為出面落兩關係
再加埋個個位既地係令既
隻鬼睇到仲要係咁笑我你差少少"扇"親喎
我都答左佢好多次係呀
佢仲要係咁repeat..
睇黎佢好開心睇到有人"扇"親
另外好似呢間有個位係全黑
真係全黑
行既時候會發現腳踩緊既係D軟林林既野
但因為你都要向前行
所以被迫踩住D唔知咩既野行過
佢應該想我地模擬踩住D人行過
因為實在太驚嚇
無論係視覺上定感觀上
所以我捉住蕩蕩已經覺得唔足夠
我忍唔住要捉住前面個女仔個袋既肩帶
佢又好驚咁同佢前面朋友講點解有人扯住佢個肩帶
我聽到即刻覺得唔好意思所以放手
同佢講: 唔好意思..係我驚得滯
玩完一出到外面
超大雨
我地急急腳去坐海洋列車上山玩
真係好彩我熟OP
唔係夜MA MA又無咩指示
只睇個地圖真係唔知點搵D鬼屋同車
上到山本身諗住玩最近個個猛鬼尾班車
上到去發現好多人
我就話會唔會最遠個個鬼屋會少D人
因為可能D人唔會/唔識行到咁遠
咁我地就去最遠個個紙紮極樂園先



去到真係少好多人
排左15MIN到就入到去
又係排最尾
蕩蕩話:「一開始要烏低身行條好窄的tunnel

仲會有人叫....

嚇親我

開始時有幾條通道揀

個男人叫我地行右面個條我地前後入

」
嗌嗌嗌
玩完
之後沿路上去排個喪屍絕地反擊戰
本身我地唔太想玩
因為射野者
好似好無聊
但因為成條樓梯都用左黎排隊
我地過唔到
所以唯有排囉
去到每人拎住支槍
之後有個男人會教點用
但好差囉佢
只教前面幾個人
我地後面個幾個拎完槍佢已經教完
之後佢就pass through我地教後面個批人
差得佢
拎住支槍都唔知點用
行入去
有D喪屍會彈出黎
拎住枝槍射我地
一開始都有射下既
但望住個MON個分都keep住唔用
又唔知點用把槍
我又驚喎
所以放棄
捉住蕩蕩
佢又行得快
係咁係到射D喪屍唔理我
我有幾個moment忍唔到扯佢D頭髮
等佢等下我
玩完好無奈咁放底把槍走人
真係好無奈囉呢個館
下一個去恐怖創作室
佢用左舊海洋館做間鬼屋
其實所有鬼屋係排緊隊時都有D特別造型既鬼陪我地玩
可以同佢地影相
但我都比較驚
因為驚佢地突然大叫
所以佢地行到黎我都係縮係蕩蕩後面
見好多人排隊時都係玩手機/用手機睇片
我同蕩蕩因為無呢D smart phone
所以我地2個就專係到食野
不斷拎我地帶黎既零食係咁食
幾好
呢個館我地係同一班初中生入去
又係最尾
班男仔一開始係咁係到互相推邊個行前
見到佢地咁都幾好笑
至於我地同2個初中女仔就行後面
我原以為個2個女仔會陪我嗌啦
點知全程得我嗌
個2個女仔勁鎮定
真係堅樣衰
又係嗌嗌嗌就完
玩完之後真係發現D鬼專揀驚既人黎嚇
諗住之後D鬼屋強裝鎮定啦
但發現我都會不期然係咁嗌
去到就忘記哂要扮野
好似嗌出黎會安心D
幫自己壯膽
之後返返上去玩猛鬼尾班車

因為雨停左
所以D鬼都出返黎同人影下相
佢地D造型真係幾靚家有D
有D就望極都唔知佢係扮緊咩
今次我地就行第一
SO TERRIBLE
蕩蕩話:「入面有學校, 同埋有好多靈位的地方

我只係記得呢2個咋」好彩有蕩蕩
點知因為我捉得蕩蕩太緊
所以搞到後面個批人追上左我地=.=
係我唔岩
蕩蕩之後仲complain我捉得佢太大力
大佬呀
驚家嘛
本能反應黎家喎
玩完呢個鬼屋見到個舞台有人表演
都幾好笑
佢地係扮娛樂圏既人載歌載舞
我最鐘意睇人扮野
所以就企係到睇哂
不過我去到睇應該都做到比較尾
無耐就做完



即刻搭列車落返山
玩埋最後個埋腥級片場

最後呢個已經盲目
反正我去到都係嗌
所以嗌埋
再望下個錶
先10點幾咋
本身一開始PLAN係玩到11點就一定要走
點知居然早左咁多
入左手信店玩左D頭飾影下相咁

出左OP後有個男仔問我地做問巻
我見我地無咩野做咪做囉
做完居然有一個OP匙鎖扣送返喎
價值20蚊家
居然蕩蕩全程無參與只係企係我隔離都有
益左佢

d 佈置都OK家

Final decision

創興我做左兩日就resign左
聽聞破左佢地既紀碌
無得解既
只係唔想拖佢一星期再走
當然個2日我都好爭扎
但當時宏利又要左我
佢出既人工又高D
公司又大D
用既lang又new d
所以點都一定去人地到家啦
所以我都唔想拖住創興
見佢地想幫我整返好部電腦
教我SQL我已經好於心不忍
所以我第二日就淆淆地底去resign
我老細都OK喎
無強留我
佢仲幫我打埋resignletter印出黎
我只係簽個名
之後就happy左幾日等返宏利
但....世事點會咁完美
中間..收到大新叫我去Interview
why not?
去IN完hr再in個it manager
第一個感覺已經唔好
個manager又in得hea
真係我in咁多份工最hea既一個
覺得個位唔似要寫好多coding
唔似睇banking system
所以IN完我已經係心裡已經唔打算做
一心入宏利
最後大新個offer出左
人工高過宏利, 福利好過宏利
但我當然同個agent express 我個worry啦
個agent就幫我問返大新個邊我多唔多coding同睇咩system
覆返黎居然係9成係development
一定掂到bank既domain knowledge
E？
咁咪幾好囉
係我要既野
人工又好D
所以...........所以我最後都係揀左大新..
揭開我而家悲慘既序幕

musee 脫毛 (第二 & 三 次)

之從去左第一次脫毛之後
兩星期到後D毛又真係會甩喎
好神奇
但效果又真係唔太明顯
仔細睇就真係有一小地方係無毛生出黎
其他大部份都係有
只係生慢左
幼左都唔太覺
咁2個月後到就去做第二次
又係好快完成
個次只要仔細FEEL就發現真係有少少刺痛家喎
可惜兩星期後
D毛完全唔似第一次咁自己甩
所以我覺得第二次做完同第一次係無分別
毛仍然有...無多無少到
好sad
開始諗係咪間野而家成日搞團購搞優惠所以多左人做
所以都越做越hea底
算啦
係都吹佢唔漲
唯有做多幾次
keep住去
上星期去左第三次
因為上次約埋佢送既大部位
所以今次係做underarm再加小腿
佢一開始做小腿先
我本身小腿就有毛同勁粗
所以就算剃左個毛孔都超大
所以幫我做個姐姐都嚇左一嚇
話你D毛孔真係好大喎
之後佢就幫我括乾淨
但佢括得超大力
我唔知係小腿要咁括定個人問題
不過佢都係括一括就開始做
因為一開始係做小腿後面先
所以我個人就爬係到
開始時我一D都唔驚
可能有個2次既經驗
知道唔會太痛
所以我仲好悠閒咁爬係到
點知佢打第一下
哇...完全feel到俾幾支針吉落去咁痛
我樣都變埋
手唯有查實條毛巾
佢就繼續係咁打啦
當然一路幫我打彩光時佢一路都有sell我join埋小眼plan啦
我唯有分心去同佢傾計黎轉移我既注意力
希望無咁痛
但去到小腿中間係最痛
個staff就話越粗就越痛
我信既..
之後做完一邊小腿後面佢就問我有無唔舒服個D
我忍唔到話好似有少少痛
佢就即刻幫我較細個彩光..我諗係掛
因為聽到D do do聲
之後佢就打埋呢一邊
咁又係間唔中就痛一痛
到前面..真係死人
後面個D都叫唔咩粗同埋唔多
但我前面真係勁粗同勁多
我都no eye see
佢都同我講前面會痛D
無辦法啦
忍一忍
最痛就係中間
佢開始打中間時會好好人咁提一提話而家打個到可能會痛D
就開始打
佢另外一個幾好既地方係居然包埋"失頭哥"
幾好喎
所以真係打得幾多下家
因為我原本都話做
連我Mama都叫我做埋個小腿佢
之後問下佢幾錢
佢話而家舊會員有9折
所以8次就6千幾到
佢話8次通常都OK
但如果你驚就報12次
但我諗12次差唔多成萬蚊喎
算啦..8次得就得..唔得就算
自己再剃下囉
但後黎佢就同我講話原來12次除返開單次係會平過8次既單次
同埋最重要係
報左12次但如果做到8次我已經feel到OK唔駛再做落去
佢係可以全數剩返個4次退返俾我家喎
咁我心諗
我報12次但做8次之後退錢咪會平左囉
因為佢單次會平D
咁又OK喎
所以最後我報左12次
分3期俾錢
12次折實左就9180
呢幾日再望下隻腳
真係有幾個小部份無毛出黎喎
估唔到咁快就work
希望8次就真係OK啦
所以我驚影響個效果
個staff都叫我唔好再剃
要忍下手
2個月最多剃2次就好
唔係真係會affect到個進度家
唉~唯有忍下

buffet+揼骨之第二站: 書城+揼骨+家樂福

食飽飽之後

我地就去少年宫站既書城買BECKY既教科書

我諗唔駛半個鐘已經搵齊佢要既書走人

下一站就係去揼骨

呢個簡直係一個挑戰

首先我未決定揼邊間

諗住去到再搵

同埋我係第一次返去揼

好驚俾人屈小費同錢

去到福田口岸mtr對面停車場有一團人企係到

原來個d就係唔同桑拿既人

咁難得有人係到

我同BECKY就問其中一個人幾錢

哇~~

一問就不得了

十幾個人即刻圍住我

一人一句再不斷塞唔同宣傳單張俾我地

我已經聽唔到佢地其實講咩

幾經辛苦

我同BECKY狂奔返去mtr入面

坐底再慢慢睇個d宣傳單張

最後揀左間最平: 水域明珠國際會所

中式雙鐘¥69

等佢既專車都等左十幾二十分鐘

上到車

得我同BECKY

其實你咪話唔驚

佢分分鐘買左我地豬仔我地都唔知咩事

好彩有驚無險到達左

其實都幾遠離福田口岸

近會展中心站

間門面都好似幾靚

我地第一次黎

都唔知發生咩事

入到去櫃枱既小姐會俾條鎖匙我地

之後佢會幫我地禁LIFT上2樓

上到去見到有分男女賓

入女賓到沖身先

我沖左唔夠二分鐘就走返出黎

放哂野入LOCKER

我一開始好WORRY駛唔駛拎埋電話同銀包

因為聽聞好似話會俾人偷錢如果放係LOCKER

但問個到既阿姐

佢地又話唔駛

話呢到好安全家

咁我只拎左電話走

之後就上一層

上面係有好多SOFA俾人按腳個d

一上到去就有人問你駛唔駛按腳

我地話唔駛

之後睇下想按咩

中式定泰式

中式先啦

平平地試下呢間質素如何

咁我地就話中式

之後再上上一層

一間間房咁

我地入左去坐一陣就有2個女技師

一個年輕d一個老d

佢地個個都FEEL到我地係第一次黎

個房有電視

但我地爬係到

佢地就由按駁頭到腰到腳

有幾下真係幾痛

腳完全無感覺

得返半個鐘到

佢地就叫我地轉返正面

按摩頭同頸

之後就到手同腳

完哂後佢地原來要我地即時寫低俾幾多錢小費

佢有一間係空既

其他就有得勾¥30, ¥40,¥50等等

咁我地第一次就俾¥30拉

等下次問下人先睇下¥20得唔得

至於話佢地按成點

佢地係有少少蝦我地第一次黎/我地太細個..個樣

所以我FEEL到我個技師有時係會掛住睇個電視停左隻手

同埋有時會好似無用力咁

不過第二日真係周身骨痛

係咪即係代表WORK呢?

但鬆左又好似唔太覺

之後我地都無再留下間房到

又無用到佢任何設施

因為我地趕住去家樂福買野同WORRY我D 錢有無俾人偷

涼都無沖就走人

數下d錢又真係無事喎

走時俾左¥10小費個LOCKER D阿姐

算啦

佢地好明顯想收小費

咩都幫哂你拎

拎鞋拎衫

佢地又俾杯水我地飲

益下佢

加加埋埋TOTAL用左¥109

但呢間野好左可以俾港幣

個利率都幾高

去到87

所以我地用盡哂我地全身既港幣

再補多¥16就得

之後我地仲問佢可唔可以車我地去最近既家樂福

佢地都肯喎

仲話我地聽係邊間

原來係中心城個間

個間又近MTR

VERY GOOD

司機送我地到中心城之後

我地就去掃貨

野食就無掃

野飲都唔敢掃

因為上次拎到我地死死下

我買左百幾蚊野呀都

但排哂出黎又好似好少

前:

左一: 樂而雅零觸感特薄30片: ¥23.3=$28.4

平hk少少

我mama超鐘意呢款

hk買10片10蚊..仲要係特價時先係喎

左二: LIPTON奶茶杯

有四款味: 巧克力熱咖奶茶, 麥香旋舞奶茶, 香芋雅倩奶茶, 同埋原味

每杯¥1.6=$1.9

左三:雀巢絲滑拿鐵

¥4.8=$5.6

BECKY係咁話呢個好飲同埋係hk好貴

所以見佢平平地咪買支黎試下囉

左四: 果王魚皮花生

¥2=$2.4

平所以買黎食

中:

左一: 杏仁脆百奇巧克力味

見hk買一大盒要二三十蚊

佢一盒仔¥8.3=$10.1

好似幾平咁

買黎食下

左二: 百醇抺茶慕斯(48G)

¥6.5=$7.9

左三: 慕斯百奇濃郁抺茶味

¥7.6=$9.2

左四:LIPTON香濃原味奶茶包 10包

¥12=$14.6

左五: 嬌爽超凡吸收護墊 50片

¥5.7=$7

呢個真係超抵..

後:

左1: 家樂氏可可片190g

¥9.9=$12.1

左二: 七喜檸檬500ml

¥2.6=$3.2

buffet+揼骨之第一站: 四海一家

琴日終於返左深圳玩啦

我最主要想去揼骨

因為做左FYP之後個駁頭同條頸都勁緊

想上去揼好耐

becky就主要上去買書同食buffet

琴日終於實現我地既理想既大日子

plan好係去揼骨先再去食buffet

所以為左趕場buffet 11:30開始

我地plan好8半去揼骨

點知becky遲左差唔多成個鐘先出門啦

所以去到已經9點幾十點

所以我地改返去左華強路站買電腦野先

點知個到既電子市場真係好原始..買既野

一推我唔識既零件

後黎去到賽格電子廣場先有電腦用品買

我本身打算買dvd rw同埋notebook既保護膜

保護膜得一間舖頭有

keyboard既保護膜都要5蚊一塊

之後問佢MON既保護貼..要成15蚊囉

貴過淘寶勁多

最後買左KEYBOARD個個就算

我URGENT D要用

DVD RW仲離譜

淘寶18蚊有10隻

間野3.5一隻

另一間仲衰..8蚊一隻

你唔好去搶

啦啦霖買完啦啦聲搭mtr去世界之窗站既四海一家食BUFFET

為左平d..我地食LUNCH BUFFET

再加埋肥棋既生日星座

再有8折

每個人138咋唔駛加一

折埋就平均每個人124蚊人仔咋

食到一半先發現原來張紙係間餐廳既地圖..

日本菜

飲品BAR

熱盤區

點心區

水果

甜品區..定時會有棉花糖拎

定時先會出家

仲要係拎哂就無

不過好好食!!

個到真係超多野食

一開始以為LUNCH BUFFET會差d啦

點知唔會囉

我覺得同DINNER一樣

個到勁大

一開始勁驚當失路

由11:30食到2:30

超抵!!!

好彩個日平日唔多人

我地2個人仲分到張4人枱

真係幾好呀

個到乾淨, 大, SERVICE不錯

有一個STAFF企係到負責收碟

收得好密

咁既質素真係比得上香港d酒店BUFFET

但平過香港BUFFET好多

可惜就係變返做港幣就貴好多

124=15x港幣

幾SAD

個到d前菜同壽司幾好食

甜品就真係得重口味芝士蛋糕比較好味

但佢居然一d都唔硬

有少少失望

其他既甜品就真係無咩特別

唔算好食亦都唔算難食

但勝左多款

hagaz-das一定唔可以錯過

原來佢係有分開放時段

每次每人只可以拎一球

所以我同肥棋要輪住去拎

佢都有7,8隻味

都幾好食呀

但我食唔齊咁多隻味

食左5,6球到咋

真係太FULL啦

熱盤我就唔係食好多

但見個樣都ok

所以我覺得都算抵食

我地最後食到2點半先走