估唔到咁快2010年就過去
2011又黎啦
代表咩?
代表我死期不遠...FYP..
真係做到人都癲
日日起身就坐係到做FYP
做到咩日子都唔知
做到咩時間都唔知
做到眼訓就訓覺
訓完起身又再開始
好痛苦呀呢D生活
算啦~
而家唔係COMPLAIN FYP既時候
成個2010好似無咩印象我做過咩
但諗真D
我呢年離開HA返返校園..我去左交流團
好似就係咁多
成年就係得呢2樣野
離開HA係一件幾傷感既事
因為要離開共事一年既同事
佢地帶左好多開心回憶俾我
所以離開後我地一直都KEEP住聯絡
隔一個月到食一次飯
幾密呀
交流團呢單提唔提都算
反正無識到咩新朋友、無咩開心回憶
唯一得著就係去過世博
之後既YEAR 4生活就係不斷上堂落堂
做功課趕PROJECT
同學仔都係個幾個
2010就咁完結
2011係我另一個轉捩點
至少我要真正踏出社會
諗諗下..其實又唔太想
好似..縮返係學校生活都幾好喎..
不過如果可以遇到一班好好既同事應該都係唔錯既
前幾日雖然好想上黎寫下野
但都無動力
今日雖然唔係好得閒
但發生左既野真係令我不吐不快
所以一定要上黎發洩下先得!!!
一向..應該話placement前
我對係我周圍既男仔感覺真係唔太好
因為佢地欠缺男仔應有既風度
可能我見開個D係咁'
由中學..到大學我識個D都係咁
中學時以為只係佢地未成熟
到大學..大家都踏入20歲
都係咁
以為全部男仔都係咁啦
原來又唔係家喎
見過一D真係超有風度
係呢一年placement中
我更印証真係只係我識既男仔有問題
因為一年plecement中我終於係知道"男人"同"男仔"既分別
我識既同事們都好有男人既風度
可能係呢一年俾佢地"竉"壞左
返到大學
好似對男仔無風度時既表現更加接受唔到
雖然唔可以否認好似係呢一年內佢地係變得有少許成熟
但..dump左睇過既報紙咁難咩? dump左食完既糖紙咁痛苦咩? 去排隊買野食真係咁辛苦咩? 我唔明囉..
呢D好似唔只關風度事..好似連本身身為大學生、有修養既人應該做到既事都做唔到
唉~
係公司係人地照顧我
返到學校居然要我照顧返人地
有時睇到都眼火爆
講返今日
去canteen食飯
肥婆幫我地霸左3個位
少左一個喎
咁唯有搵多張chair坐主席位
當時我、蕩蕩同個2個男仔企左係到
照理..身為男仔好應該去張羅
唔知佢地係不滿定咩啦
只識得企係到抱怨
不斷compalin complain and complain
complain有用咩
我同蕩蕩只想盡快搵到張CHAIR等佢地收聲
蕩蕩終於搵到張chair
放埋係個位到佢地都唔肯去坐
不滿個位係走廊
我忍唔到話我去坐囉好無?
佢地即刻話好
然後先坐埋去食飯
呢D咪就係男仔有既風度囉..真係令我嘆為觀止
肥婆都睇唔過眼問我點解要就佢地
我而家都睇唔過眼自己
個時只係我唔想肥婆難堪者
只係想食餐安樂茶飯
當時又唔覺得自己屈辱
但到左放學返屋企再諗返既時候
就覺得我人係咪真係太軟弱、太怕事呢
可能佢地無當我地係女仔所以無男人既風度
只係經過呢一次..真係對佢地好失望
希望我將來既識既人可以有返應有既風度就好啦
快D 擺脫大學生活同佢地!!!
琴晚去左飲阿FUNG個餐
期待嗎?
少少啦
但好似見完佢地無耐
再加上以為會見到JOE
又要煩著咩
所以唔係太想去
但個日始終會黎既
補完習交收完返左學校等
真係等到我好眼訓
6點到肥仔就約我去食時新
唔知點解
同肥仔AND小丑神食野時
好似搭唔上嘴咁
我變返摺人? 定開始唔熟呀?
總之無論食野..定後黎一路行去黃埔..定係到睇公仔時
我都無咩同佢地有交流
可能已經無共同話題啦
著住高踩鞋行左成日仲要係吉之島等潺仔文
我真係唔係太想
只想快d坐底
最後我同johnston忍唔到閃左
但..最後..迷路既我們仲遲過佢地去到
真係連個天都玩我地
去到邊死人gary笑我個柒頭
好叻
成程都ok既
只係..好似好多野我唔知
始終我都已經唔係日日同佢地一齊返工個pp
係個時好掛住pat pat
pat pat係到就好啦
至少我地可以同病相憐下
最後
搭車既問題又搞到我心情低落
到而家我都唔知發生咩事
到而家你叫我再揀過我都唔知要點揀
我要同PAT PAT傾計
佢地仲約左我2日
佢地睇黎真係好...得閒
唉..佢地係我在任期間搞呢D活動我一定好開心
而家呢? 唔係唔開心既
只係..無呢個心情者...
由9月1號到而家都無再寫過BLOG
因為真係好忙
加上原來YAHOO個BLOG同我用開個個GOOGLE BROWSER唔夾家囉
所以更加無動力上黎寫
final year真係令人好洩氣既一年
FYP想做但偏偏就亳無方向
題目改完又改
完全搞到我勁迷網
我每日就係擔心個FYP
要一年後..無咁耐..幾個月後先能夠拋開呢個包袱
功課係忙..而家有好多功課好多MID-TERM等緊我
我就成日走去睇VIDEO
唔生性~~~~~~~~~~~
唔驚死~~~~~~~~~~~
不過講真
2個月過去啦
一開始真係仲係好掛住我D同事
每日都同蕩蕩COMPLAIN
慢慢
做功課既時間已經唔夠用
所以連掛住佢地既時間都無
好事黎既
不過我都有係FB同佢地KEEP住CONTACT家
只係肥仔ONLY..
開學無耐賓賓就棄暗投明歸順於我地肥妹
算佢聰明
佢而家上堂食野都一齊
前幾日
因為PROJECT既事又同某位同學不和
聽到賓賓咁SUPPORT我地真係好安慰
估唔到佢係咁
之後..夜晚同佢傾MSN
佢講出佢既秘密(其實都唔算秘密..只係佢諗既野..關於我既)
心情又唔係叫唔好既..只係淆底者
有時諗我係咪唔應該再咁樣做呢
因為咁樣做原來真係會令旁觀者有所誤會
我真係唔想咁囉
好驚..
不過我諗熟悉我地既人就知我地其實唔係咁囉
好似都無咩野要寫
係喎..NOTEBOOK
上星期拎左部NOTEBOOK啦
真係好白=.=
白到我唔敢用隻手直接DIMP佢
好驚佢會污租囉
成日諗辦法保護佢
諗到我頭都大埋=.=
朝早起身就去左南京大屠殺遇難同胞絕念館
個日大家都著深色既衫
我其實都一直唔太敢面對呢件事
我盡量唔去睇D短片、相，唔去聽日本人用咩方法去殘殺中國人
因為一知道左我就會好唔安樂
但館始終都要入既
可能呢段歷史真係太恐怖或大家都比較攰
去到時好多人都比平時靜
館前面有好多雕塑
有人逃難既雕塑
亦有紀念死難者既雕塑
係入館前我地有個渡念既儀式
首先默哀
之後再送上花圈
入館前已經俾導遊再三提醒館內唔可以影相
整個館都係好黑
無咩光
同時又播住一首好哀怨既音樂
我只記得一入去中間有個好大既池
中間放住咩我唔太見到
但我地行跟條路旁邊有一塊好大既牆
上面刻哂唔知所有定部份既受難者既名
一入去咁既氣氛令到我起哂雞片
當然展示左好多當時既物品、相片、報導
比較特別係每樣展品下面除左有中、英介紹外
仲有日文
其實我都無咩認真咁睇
我只記得有一個係一個地方
我唔知係咪模擬出黎定係真係係個泥土中掘出好多骸骨
每副骸骨旁邊都有個號碼
真係好似案發現場咁
另外有一個細館仔名叫十二秒
我好好奇個名
睇返佢名下面既介紹
先知原來十二秒呢個名係有個好深既含義
十二秒係指係南京大屠殺既日子裡
平均每十二秒就有一個人既生命流逝
所以個館入面每十二秒就有一滴水滴落
而館旁邊有好多人既相
一滴水滴落後其中一張相就會著一下燈
跟住就會熄滅
呢個館係我成個交流團最印像深刻既館
係館裡除左參觀外
原來都有手信買
我又買左唔少
不過同成個南京大屠殺係無關係
只係南京手信
去完就好趕咁食埋最後一餐飯又坐4個鐘頭車返上海
返到上海就即刻去火車站搭車
搭完火車去到廣州再轉旅遊巴
經深圳灣過境
真係聽都未聽過呢個地方囉
去完世博個夜晚我地就要坐4個鐘頭車去南京
到南京時已經11點差唔到12點
去到間酒店
見個大堂好似靚過我地上海個間喎
個個人心入面都大喜
點知
上到房
陰暗既走廊
殘舊既家具
我地仲要一開始開唔到門
搞完一輪先開到
入到去牆上仲有血跡
嚇到我roommate傻哂
最後叫人抺走佢
又安安樂樂訓左一覺
第五日
朝早都係斷去參觀
去左總統府舊址、南京博物館、中山陵
總統府舊址就係..一位總統住、議事既地方
個位總統係..我都唔太記得
查過後原來係蔣介石
好金碧輝煌
我以為總統唔會住D咁既地方
一見以為係皇帝住
因為又龍又金
咁總統同皇帝又有咩分別呢?
總統唔係知道自己唔係最高權力既咩
搞到我都好混亂
中山陵最靚
雖然係露天
又熱又曬仲要行成二百幾級樓梯上去
但行到上去望落去既風景真係超靚
最上面就係孫中山既陸墓
個到唔俾人影相
當然有大陸人係唔理
好差
係山腳個到有好多手信買
我地趕頭趕命咁買
呢個團另一樣好差既地方就係無時間俾我地買野
搞到我地每次買野都好似偷咁樣
食完午餐後就去南京大學
邀請左南京大學既講師黎同我地講下南京近代史
當然係好悶
但D人係一於少理爬哂入到訓著哂
我覺得好失禮囉
無論幾攰都應該尊重下人地
至少係坐係到唔係爬係到囉
俾人睇到原來香港既年青人都係咁無禮
完全唔尊重講野個個人
唉
都無眼睇
聽左半個鐘到就由一位南京大學生帶每組去參觀南京大學
參觀時又係另一個我覺得好羞家既野
可能我係組長
至少要好留心個南京大學生既介紹
同時都要好感覺我組兩個男生
佢地全程都同個南京大學生有互動
至於另外我地組既女仔
唔知係因為見到有人已經係到「敷衍」緊個大學生
佢地係完全唔理人地
咁我都覺得算
但重點係聽到好明顯係有笑聲傳出黎
FEEL到個笑聲既意思
唉
又一次覺得好失禮
我覺得唔理人都至少要有基本尊重人地既表現
都扮下聽囉
係我組既問題定係其他組都有呢個問題呢
要問下BECKY先知
南京大學既教學大樓全部都好古式古香
南京大學周圍都有大樹
環境好好
可惜問過個大學生
原來有D大樓係無冷氣
心諗唔係阿FA
咪熱到死
同個大學生都有傾過南京天氣
我地直言南京天氣太熱啦
HK一定好好多
佢亦都驚知原來HK係唔會落雪家
之後我地就去埋大平天國紀念館
都係好古式古香
環境都好好
不過
有件事超好笑
話說每一車人都有一個景點入面派黎既導賞員同我地講解下每個景點
之前我地參觀既景點都有呢D導賞員
咁今次個個導賞員都好悉心落力咁講下每個景點
我地當然都好用心咁聽
同埋落力咁影相
之後帶帶下就帶左我地去一間專買紀念品既屋入面
佢就好落力咁推薦我地買呢D買個D
但個到賣既唔係D咩可以催財運既大字畫就係一把六、七十蚊既木梳
我地當然不為所動
佢見我地唔買野
就即刻黑哂面
我當然就即刻?包花生出黎食
之後佢就帶我地出返去D花園仔
但佢已經完全唔介紹我地景點
直接帶我地去一個地方係影相
佢之前就好大聲咁同我地講話會幫我地免費影一張相
影既地方仲係成個館最靚既地方
就係下面個張相個到
去到已經有哂相機攝影師
仲打哂燈咁
真係好PRO喎
D人只要一企上去
音樂就會響起
後面跳舞個D人會即刻跳哂舞
我就無影
但其他人就影啦
個女人仲好落力叫我地影
NO LA
都知佢地做咁多野唔會有好野
之後佢就又帶我地去另一間屋仔
已經見到電腦上面有哂我地睇先有份影相既人D相
佢就開始推銷哂8R就幾多錢、加埋金邊又幾多錢
我地當然睬佢都傻啦
佢就俾一張我諗1R SIZE既相俾有影既人
仲細過D貼紙相
我地班人就開始係到冷潮熱諷話
「真係好開心呀~原來真係免費有相」
「真係細到自己係邊到睇唔到」
我當然食到成地都係花生
笑到死
個到D人個樣勁嬲
但又耐我地唔何
我地就拎住張1R相閃人
食完晚餐就去書城到行
咪得BECKY會真係去書城到行囉
我地班人梗係唔會咁無聊去到南京行書城啦
我地行出幾條街
個到超多野食
但我地真係無時間食野
我地用極速既時間去掃街
買左d手信
全部都係食既
第四日成個上午同下午都係遊世博
世博MTR
世博入閘..咁都影到我FD
上午大家齊集一齊入中國館
我對入中國館真係無咩興趣
亦唔覺得興奮
因為唔覺得入面有咩特別野
咪又係館
呢個館真係串嘴到爆
以為我地已經預約左就唔駛排隊就入到去
非也
預約左都排到痴線
至少排左半個鐘先真正入到中國館
最好笑係排隊時
我真正見識到大陸人既插隊表演
今次仲要唔係大人
而係小朋友
我地成個交流團係排埋一齊入
點知有個小朋友唔驚死
習以為常咁左穿右插咁打尖到我地交流團中間
係面我後面
我同我其中一位組員見佢想打我地尖
即刻"AR"住個位
佢死ZIP難ZIP都過唔到我地
被迫咁俾我地團人夾住
最勁都係後面我地團其中一個女仔
佢好型咁用普通話訓示個小朋友
叫佢你想入館就要排隊
你咁樣係有辱中國人等等
但個小朋友一D都唔驚唔知羞恥
反而個樣係勁不屑勁輕挑
俾人鬧完仲要繼續想打尖
見到佢
我真係好想知佢父母係點教育d小朋友
我都終於知道點解D大陸人成日打尖
因為中國D小朋友就係咁樣長大
排完後我見到個小朋友搵返佢MA MA
即刻係佢面前眼泛淚光咁指住我地班人
應該係想講我地點樣對佢掛
可惜佢MA MA都係無理佢
正常呀
自己個仔做錯野
唔通仲有面目黎鬧返我地?
我地都係幫你教好個仔咋
入完
真係不出我所料
我只記得我坐個架火車仔同埋睇過一套短片
由中國館內可以見到澳門館同香港館
中國館入面有兩條長電梯
由電梯到影落去
好多人排隊坐中國館入面既火車
好出名既3D清明上河圖
我又唔覺得有咩特別
咪上面個D人仔識郁..
入面仲睇過咩我已經無哂印像
可想而知入面係幾咁無聊
真係唔明d人排生排死咁想入去做咩
我寧願用排中國館既時間排下其他館
因為聽聞有d館真係好得意好好玩
好心D人用腦諗下啦
入面真係多人到爆
好快我地又「失散」左
經過琴晚一役之後
我發現我真係唔太鐘意影相
我亦都唔想waste太多時間係等人影相個到
所以我就同左妹妹佢地一齊遊世博
妹妹佢地真係咩都無所謂
不過佢地都幾鐘意休息
我又唔介意既
因為我都會覺得tired
我地都係影下相
買下手信
館就無咩入
因為大館真係好多人
只好入d細館
個日真係好熱
但個天真係好靚
最後就集合返坐4個幾鐘頭車去南京
由世博呢一日得出既結論就係
就算俾錢我都唔會再去多次
又熱
又多人
同埋我真係無D人咁有毅力去排幾個鐘頭隊為左睇個十幾分鐘野
除非我真係有架輪椅識得扮雙殘
唔係真係去完命都短幾年
去完世博個夜晚我地就要坐4個鐘頭車去南京
到南京時已經11點差唔到12點
去到間酒店
見個大堂好似靚過我地上海個間喎
個個人心入面都大喜
點知
上到房
陰暗既走廊
殘舊既家具
我地仲要一開始開唔到門
搞完一輪先開到
入到去牆上仲有血跡
嚇到我roommate傻哂
最後叫人抺走佢
又安安樂樂訓左一覺
雖然間酒店好舊
但我又真係訓得幾好
無醒過
一覺訓到大天光
第三日原本係去世博
但轉左第四日先去
所以我地就去左睇寶安鋼鐵廠
聽完個講座、睇完佢地博物館之後
就坐住車"遊"一次佢地成個製造廠
間廠真係好大
我諗有成個青衣咁大
仲有碼頭同埋大船
真係睇到我眼都突埋
原本之後去睇F1賽車場
但因為有賽事
所以就無左
轉左去...都唔太記得去邊
都係D無聊野
因為發生左D事加上明明whole day遊世博變做得半日
所以committee就問我地今晚想唔想改去世博
當然門票就要自己出
我心諗都黎到
同埋世博夜晚係最靚
所以都決定去
我成team只有個2個小妹妹唔去
入到世博
我組員當然馬不停蹄咁影相
我想影都無
因為真係部相機影唔到任何夜景
又不斷入d少人排隊既館
可惜
我無帶肥仔送俾我個本passport
所以都幾無引
後期太tired
已經好頹
已經唔想拎印
唔想影相
完左返酒店又即刻去訓
我入過去唯一既大館..入面有空中飛人睇
我覺得最靚既俄羅斯館
