2008年9月28日 星期日
love is the blue, yeah!
呢排忙到咩咁,都冇咩時間上黎同你地吹水
我要特別鳴謝蕩蕩講呢個消息比我地知,佢真係留意保怡
最開心係FANFAN啦,難得TVB終於肯SO佢
我地為左慶祝呢件事特別準備左保怡限量版LOGO
我地怕蕩蕩覺得佢個保怡太細而唔開心,所以特登畫左個大既比佢
我都要講返句 love is the blue, yeah!
2008年9月10日 星期三
LOGO
LOW B CLUB所有成員都有份,仲要有埋會長親筆簽名,真係有錢都買唔到
但係水水好耐都冇浮過上黎,所以得佢仲未有
至於呢張,講起我就嬲,竟然有人咁大膽私自更改我既設計
其實我第一眼淨係認得鄭嘉穎,因為胡杏兒轉左直髮,不過蕩蕩就猛咁話係胡杏兒呀
睇真d原來真係,佢地應該係拍緊烈火雄心,個陣大約5點幾,都ok多人圍觀,不過我
地都係睇左一陣
可惜我地撞到個個唔係林保怡啦,唔係實等佢拍完再攞簽名
2008年9月6日 星期六
情花開
我琴日睇左我偶像既新劇既第二集
發覺好似越黎越好睇
第一集頭個PART較悶
好彩後面開始好睇返D
睇完後就順便去睇下有咩花絮
睇到其中一個花絮..講我偶像跳下面"情花開"個舞
佢NG左5次..因為導演厭佢跳得唔夠放、唔夠姣
之後佢第6次就豁出去
導演就大叫好
但我偶像就好DOWN..跪左係到想喊
O哂嘴囉
其實佢一開始都唔係好想接呢個角色
厭呢個角色太過自戀..同佢本身性格唔同
我覺得身為演員..演多D唔同性格、唔同背景既角色
我覺得係一種對自己挑戰囉
就係個角色本身同自己性格好唔同..你都演到深入民心咁先叫好
如果演返自己..咁算咩演戲
同埋觀眾都知道你係演戲..就算係劇入面係壞人、係自戀既人
大家都知只係演戲,並唔係真..咁仲有咩問題呢
做戲梗係要投入家啦
所以佢話佢驚FAN會唔鐘意..我真係覺得佢諗法好幼稚
不過..佢最終都成功塑做到呢角色..SO佢 STILL係我偶像
2008年9月2日 星期二
家鄉
終於係今日下午3:00返到黎啦
一路返黎都好頭痛..係車上忍唔住都係訓左
星期六早上九點幾就開始起行
搭完車到上水再轉乘東鐵
過關好快者..但唔知點解..奧運都過左
但過關仲一定要放哂所有行李到X光機檢查
唔止海關要咁..連車站都要
上左長途車..已經差唔多FULL哂
唯有坐最後排..但坐坐下就越黎越熱
真係扑街
登底又熱、登背又熱、仲要不繼有熱氣係側邊噴出黎
熱到死..所以就算我好眼訓都無訓到
搭左接近3HR就到左吉隆
之後就要轉搭一架巴士到七里亭
坐巴士先好睇..人車爭路..車同車爭路
完全無跌序可言
平安到逹七里亭就再轉搭三輪車
三輪車先係極品
條路平係無問題..但如果條路唔平..死梗
大陸D路幾可係好既..所以我係咁"登"
"登"到屎忽都開花
佢仲要開得快-->FUCK!
之後到左渡頭(碼頭)
就要搭船
不過架船就十分簡陋..要同d摩托車/私家車一齊搭
poor
最後就係上山既路
我仲係好細個時..係無車上山..要行
但而家好好多了
有摩托車/三輪車
我去時就搭三輪車..返黎時搭摩托車
搭三輪車又係得一個字:"登"
搭太約半個鐘就到我家鄉了
我成家一入到嫲嫲間屋..發現嫲嫲起緊身著衫
當佢見到我成家時..佢忍唔住喊
可能佢太想見我地了..
而且..嫲嫲瘦左好多
佢而家仲要唔可以成日落床..佢一日三餐都要我叔叔煮好拎俾佢食
佢仲要食得好少..一餐只食兩啖
佢落床都要用一支竹撐住..而且佢應該唔咩睇到野
幸好佢都可以講到野..
記得我臨走前..嫲嫲仲一直捉住我隻手
叫我記得多D返去俾佢見下
嫲嫲隻手真係好瘦..
佢咁樣講都令我地好感慨
因為嫲嫲佢真係受太多苦了..而家到了老年仲未可以享福
有時..覺得佢可以快D同爺爺一齊仲好..
不過..我地應承左嫲嫲新年會再去探佢
<==D親戚夾夾埋埋都俾左成$90我..唔包我一開始發脾氣丟左個$5
訂閱:
文章 (Atom)