近排我真係覺得我衰開有條路
好似呢年我行緊衰運咁
踏入2010年都無樣好野
真係由年頭灰到年中
呢幾日病左
放工返到屋企就即刻上床訓
雖然訓覺鼻塞好痛苦
但好過係電腦面前玩到腰酸背痛呀
上左床就咩都唔駛諗
一訓就係第二日
前排無心情做野
因為HENRY都無心情
點知佢今個星期突然發奮圖強
心諗: 究竟發生咩事呢?
雖然我百思不得其解
但佢發奮我就好自然會想圖強
但因為病病地..再加上近排返工做support都唔知咩事..成日遇到d勁煩既case
所以都無咩心情
咁都算啦
大家已經為星期日既live run準備就緒
點知
今日v姐佢地見完老闆之後就十分凝重咁開會
我同henry都feel到拿野
原來老闆嗌停
星期日Live run唔到啦..
我地成team簡直一片愁雲慘霧..除左仲係一無所知既johnston..cliff..同埋shirley外
我同henry因為無份開會..所以只好默默咁係到做野
lunch都唔敢去食
講真..當其他teammate係到愁緊時
仲邊有心情食飯
遲左半個鐘先去食飯
我地team d 人都滿懷心事咁去食飯
陰公既ellen同埋leo只好好無奈咁陪我地食飯
總之
當一件已經向4千幾位人宣布左既事但最後都係兌現唔到承諾既話
承受既壓力係幾大
當全部人都肯包容一次既錯後..期望自然就會更大
下次live run時..無人肯包容一丁屎咁細既錯
當仲要係更少budget更少人既情況下做到一丁屎咁細既錯都無既話
承受既壓力又係幾大呢
今日..我諗我地成team既士氣已經完全被打沉
學henry話齋: team 不成 team啦
見到成team人都咁忙咁煩
真係搞到我覺得自己好癈
佢地講既野我唔明..都唔知幫到佢地D咩
我諗我唯一可以做既就係Physically 咁坐係到
唔係同佢地講bye bye個下真係好內疚
慶幸既係..今日係星期五
至少有2日俾我地收拾心情
今日本身要condemn..但唔知Leo見我病定見我地愁
佢都癈事煩我
癈事我又要同阿賓嗌交
講真..今日真係無心情同佢嗌交
所以佢同阿賓密密做好哂所有野..
到我心情好返d..真係要多謝佢地
同埋..本身一個天大既好消息係而家知道都變得好"秒"小
就係henry唔駛走啦..走既係cliff...
cliff真係過左海就係神仙啦..
但我地幾時先可以過到個海..
