淆底

6,7, (8)

得返個幾月

近排又係覺得自己好黑仔

前排同肥棋膽粗粗去補個內蒙古交流團

我地2個人都以為間野咁摺

一定無人知有呢個團啦

覺得應該去到掛

點知真係跌哂眼鏡

話有成百幾人補名

又係要多謝FACEBOOK啦

FACEBOOK真係呢個世紀最最最偉大既發明

我終於明白我點解唔太鐘意玩FACEBOOK

因為佢成日黑住我

咁我去之前都覺得INTERVIEW無咩野

咪當去吹水囉

點知去到

都係超緊張

我覺得我自我介紹時因為用PTH所以係到語無論次

我真係好佩服我自己

後面個D題目一DD啦

至少我覺得我睇個D資料係有用

呢次INTERVIEW我有2個得著

第一就係我原來都係好驚INTERVIEW

我覺得我講野時係好震

我諗其他人都發覺掛

第二就係原來時下既年青人真係好勁家

講野當吹水

又有紋有路

我係佢地面前真係自愧不如

去完之後當然自卑左半晚

訓完一覺又無左件事LU

前日收到間野話我係後備

睇黎我都唔算最差

有十幾人墊我底

希望我去唔成啦

因為有另一個大煲野

就係extend問題

呢個問題又一顯示我既缺點

我諗下次INTERVIEW講我有咩缺點時真係可以講下

但唔知覺左之後會唔會即刻唔請我呢?

本身都無諗過extend

因為以為要extend一個月同埋以為pat pat leo都唔extend

所以v姐問我時我諗都無諗就話唔extend啦

咁v姐就reply返老闆

好啦..到第二日

pat pat leo又話想extend

我O哂嘴

之後我地3個pp開左一次歷史性既會議

地點為leo間房、賓間房同埋走廊

我地3個「知知怎怎」講左好耐

唉..我咪樣衰衰咁同v姐講話我extend返囉

最令我不解既事情發生啦

v姐唔支持我遇左家啦

但點解其他同事都唔支持呢

係我同唔同朋友既深入討論下得出左以下2個可能性

1. 佢地為左我好，想我放下假

2. 佢地唔想再見到我

係邊個我都唔知

只係佢地既反應令我同leo都感到驚訝

當然我地係去食飯途中又「知知怎怎」講左好耐

所以個程飯我係食得心事重重

應該我既心事重重都有影響到佢地掛

我既憂悠寡斷影響到咁多人我真係好唔開心

其實都有前科家啦

好似一年前accept個offer時又係咁

本身都拒絕左個offer

點知又係淆底accept返

不過我都幾欣賞我個次食回頭草

唔係我食回頭草

我都唔會有呢一年咁開心既placement生活啦

算啦

人生就樣衰呢2次

希望我今次咁樣衰extend能夠如我所願啦

個人趣向

好似繼下一站幸福之後好耐未睇過一套咁好睇既劇啦

我呢一年都成日係到煲劇

但我唔會專登開個Post去講一套劇

因為我覺得我唔識評論

我只會好膚淺咁講下套劇有咩好有咩唔好

但呢套劇因為我真係好鐘意

所以要寫低佢

之後拎黎翻煲再翻煲

之前煲左原來是美男啊、燦爛的遺產同埋愛你千萬遍

美男同埋燦爛的遺產都係d人話好好睇所以去睇

但美男個劇情好似似層相識

唔記得同邊套劇集好似

男女主角都唔錯

但始終睇時都係為左開左個頭就唯有睇埋落去

睇完之後就唔太記得LU

燦爛的遺產好似仲平凡過美男

可能感覺燦爛的遺產無美男咁華麗既外表掛

睇完之後就更加快忘記

愛你千萬遍仲衰

我停過一排無睇

一個真係人物關係超複雜的劇

佢又要逐個人物都要講下，所以就拉到超長

我睇到而家先睇到36集

離5X集仲有一段距離

但之前煲時我ba ba同我ma ma又好鐘意

唔通又岩師奶睇?

至於我近排熱棒既係「個人趣向」

好好睇

因為佢唔但只男女主角靚

仲幾好笑

我成日笑到gap gap聲

至少睇時唔會悶

下下都只係得情情搭搭都會悶啦

所以呢套劇雖然又係翻炒同居題目

但加入gay既情節俾人一種耳目一身既感覺

真係唔錯

再加上男主角十分之靚仔

不枉係我最欣賞既劇集之一

得我追埋最後個5集

太興奮啦!!

銅鑼燒

上星期同埋今個星期我都整左叮噹豆沙包

但份量有D唔同

上星期個份整完之後發覺好腥

係雞蛋個隻腥

所以今個星期就搵過另一張食譜

即刻好好多

同埋漲得起

個餅皮即刻好食好多

我覺得銅鑼燒係我暫時整得最好食既一樣野食

我要加油

上星期既制成品

今個星期既製成品

上星期食譜(here)

今個星期食譜 (here)

"潮滯"的長洲之旅

多得屎盈「英明」既領導

我地3個係上星期落雨落得最多最大的星期日去左長洲一日遊

我早就話星期六去家啦

佢又死都要星期日去

佢開心啦

經過我地3個係香港站狂奔後總算趕到1:30班船

當我地差唔多到長洲前15分鐘就開始落雨，一落就落到6:00到先落完

我地出左碼頭後見到好多同我地一樣咁sad既人係碼頭到滯留

我地就死冒雨走出去

點知發現個雨勢真係好大

所以諗住去食下野醫肚先

我地去左大排檔到食左個差唔多$20既面

我地食得好慢好慢諗住得個雨會落細D

到我地食完好似真係細左喎

點知出左去買左個平安包同葡X之後又即刻落大雨

O哂嘴

個平安包我地一開始以為係饅頭OR蓮蓉包

點知原來係老婆餅個D涵

唔鐘意食

我地又好狼狽咁諗住去食糖水順便係個到避雨

點知一去到我想食心太軟個間糖水舖居然無開

一陣風吹過

我地唯有失望而回

行去食其他野

走左去另一頭食d小食

細細粒魚蛋 $14/4粒

係個到做個個阿嬸係咁叫我地放上FACEBOOK

我就係唔放

佢真係好煩

但我地都係佢個舖到避左陣雨

不過佢個檔口係咁漏水

咁就算啦..將張相放係呢個BLOG到當報恩

諗住去食好出名個阿婆紅荳餅

點知又唔開

我真係想死

想食咩都唔開

我地得出既結論就係出名既舖頭都係好串嘴、唔憂做

咁既然唔開我地都要影返張相留念既

呢張相屎盈嫌影到佢個手臂太粗要重影

重影完咪又係咁粗

之後我地就走去食雜果冰棒而放棄左薯片棒

影完呢張肥FAN又COMPLAIN影到佢好肥

又要求重影

重影完咪又係咁肥..都唔知佢地做咩咁介意

之後食既時因為肥FAN想試下頭啖湯，就食第一粒

但佢食時係由屎盈幫佢揸住支棒，而佢就咬住第一粒既提子

但佢無論幾出力咁諗住扯粒提子出黎都係唔得

差少少連佢既門牙都扯埋出黎

我地發現咁樣落去唔得

所以決定走返去無開個間紅荳餅舖頭一邊避雨一邊食埋支棒

當我食粒提子吐出粒核時

居然咁岩跌落係肥FAN隻鞋到

佢應該諗住帶返屋企種掛

後黎居然俾肥FAN發現個舖頭有個四輪車

睇過我地LOW B CLUB之前搞個個單車之旅都知道四輪車對屎盈黎講真係情深意重

佢同車輪車既關係係不可分割既

所以佢逼不及待咁要同架四輪車合照一番黎回味當日單車之旅美好的回憶

食完玩完一番之後我地就諗住去再睇多次間糖水舖有無開

但佢依然串嘴

我地唯有去食另一間糖水舖

食左我最愛既紫米露之後訂左D芒果糯米糍俾我d同事食

但佢地唔咩欣賞

得gary 同henry肯食

都係佢地最愛我

我愛死佢地

後來我地諗住睇下仲有咩記念品買

買完就打算走

行行下時發現一個好有趣既店名「燒烤殺手」

笑到我地gap gap聲

我地發現左一間好靚既凍蠟店

個到d野好靚呀

我地買到樂而忘返

我買左以下既野

$10

$17

手機繩 $10

入面寫既字好有meaning

臨走前屎盈見到有個女人踩住單車飛快咁同我地擦身而過

屎盈即刻同我地講話個女人係踩4輪車

我同肥FAN

我地即刻向後望

驚見佢真係用好快既速度踩緊4輪車

我地就同屎盈講話:你既將來

最後我地就搭7點半既船返去

so tried