之前見到佢個廣告555蚊任做
兩個人一齊仲送一次大部位
所以捉埋肥FAN一齊去JOIN
琴日終於去左做第一次treatment 啦
我前幾日一直都好忐忑
雖然不斷上網search過+becky+肥FAN佢地既exprience都話我聽係唔痛家
但..我真係好驚痛
所以我覺得只係佢地忍痛既程度同我唔同..先話唔痛者
所以我就繼續keep住worry
到琴日..約左十一點半..我十一點二十分就到左啦
網上好多人話佢地服務態度一流
可惜..由我上次同肥FAN上去做consultation到我琴日上到去為止
我都感受唔到佢地既服務態度係一流
consultation時個姐姐講野超快..好似趕收工咁
雖然佢都有keep住問我地有無問題..但完全感覺唔到佢係好有heart咁問
似例行公事多D
所以真係有問題我都癈事出聲..
到今日上去..應該係佢地個system好似出現左少少問題
入到去見到佢地好忙咁打電話整電腦
只見到有另一個客人企左係旁邊似等緊佢地
而我就完全唔知應該做咩
因為第一次上去做加上無人理過我
我企左係到一陣
見都係無人理我
唯由走去個梳化到坐下
等佢地忙完先
好彩過左無耐..有個姐姐好有禮貌咁過黎問我係咪booking做treatment
我交左張咭俾佢佢就幫我搞埋..完全唔駛我走出去個counter到企
之後好快幫我約埋下一次treatment既時間
係5月尾
無耐個姐姐就帶我入間房換衫
換好個姐姐就幫我做treatment
佢首先幫我戴副黑超先
因為我有肉粒..所以係佢戴之前好緊張同佢講
佢話我剃毛時再幫你睇下
咁我就安心哂..佢會先剃哂D毛毛先
呢part我覺得好痕..可能我平時剃時無剃咁貼掛
所以唔係好慣
好想縮但又唔縮得
好想笑但又唔敢笑
姐姐話我有倒生毛喎..O哂嘴
我明明無拔過毛..只係剃
所以姐姐問我你係咪有拔過
我話無喎
佢都好質疑
佢都話我D毛孔大..要搽多D lotion 同磨沙
打算之後再買返D黎搽
剃哂兩邊就搽返D凍gen
真係幾凍..我又縮
之後佢就用部機係每邊打左8下到啦
好快
我因為第一次做驚好痛
所以成程查實個拳頭..姐姐可能以為我好痛
所以都有keep住問我痛唔痛
其實一D都唔痛囉
係我自己驚者
一分鐘都唔駛搞哂兩邊
之後佢就會抺走D gen..貼2塊冷凍貼落去
叫我夾實5分鐘
之後佢就出左去得返我自己一個人係間房到
5分鐘後佢就入黎話我走得啦
就係咁第一次有驚無險咁完左LU
得我好好睇下個效果點先!!
