去旅行我最鐘意就係shopping
每次去都會做哂資料搜集有咩一定要買
去時就會帶定勁多環保袋同一個大袋for我hand carry
返黎時就一定係超重既恐懼中
不斷驚要加錢先寄到倉
好彩, 每次都有驚無險
今次當然都唔例外
今次我癲到拎埋箱
我已經上網睇過邊到有箱拎
家樂福有
但我發現唔係每間家樂福都有
我去台中個間就無得拎
反而去台北美麗華摩天輪隔離個間就有勒
任拎
呢個係蕩蕩既
我既, 只係計個喼
加埋個箱就過24KG (香港航空係每人24KG), 同姐姐講我地2個人share返就OK~
好勒, 進入主題~~
~~~~~~~~~~~~~ Day 1 ~~~~~~~~~~~~~~~~~~~
第一日無買到任何野XD
~~~~~~~~~~~~~ Day 2 ~~~~~~~~~~~~~~~~~~~
又係逐樣講下
由最上排開始
上左一: 世家白桃烏龍茶包(TWD 75)
係家樂福買, 以為佢係天仁茗茶出, 點知買返黎先知唔係, 係世家出既, 有少少sad
因為成日都好想買D果茶試下, 所以先買一盒
點知發現原來果茶同我想像中既唔同/.\
飲過一包, OK LA~ 唔算好好味, 但又唔會覺得難飲唔想飲
上左二: 日出太陽餅(twd 280)
日出既包裝都知係好靚好特別
太陽餅係郵寄盒既包裝
所以要close up一下
打開後有一段交字介紹太陽餅
正面, 好鐘意佢個SLOGAN: 日出, 叫太陽起床, 有齊佢間BRAND NAME同PRODUCT NAME
因為驚一個人食唔哂
所以日出D 野食都同蕩蕩share
日出既太陽餅真係好鬆化
一咬就散哂
比起其他我地試過個D鬆好多而唔係好實
好似酥皮一樣
同埋佢奶味好重
幾好味~~
至於個餡似老婆餅既餡, 所以無咩特別, 但日出既餡唔甜, 幾好
上左三: 日出17號鳳梨酥(TWD 380)
17號同普通日出既鳳朵酥有咩唔同呢? 就係17號係有放咸蛋係個鳳梨酥餡入面
所以食時更香
17號鳳梨酥既盒就唔靚啦
藍色一個盒
日出既鳳梨酥係出名好食
佢個皮鬆化
餡又係真係用鳳梨做, 唔係用冬瓜蓉, 切開個餡見到一條條絲咁既餡就係, 睇下上面張圖就知咩係真係用鳳梨做
17號一打開係一個稜形既餅, 入面仲食到淡淡既咸蛋香味
good!!
上右一: 林信一福堂檸檬餅 (TWD 420/12個)
網上有2間賣檸檬餅好出名既店, 呢間一福堂我地都係見近近地, 又有時間, 諗左好耐先決定去買
好多網友都大讚檸檬餅好好味, 軟軟既蛋糕外層包住一層檸檬朱古力~~諗起都好想食
我地struggle買唔買既原因係佢放得唔耐
因為佢外層既朱古力放耐左會軟, 所以食用期係室溫放3-5日左右
其實好想買返去做手信, 因為我覺得好味~~又特別, 至少HK買唔到
但3-5日後我地仲係台灣, 所以放棄了做手信呢個approach
但我地照埋左一大盒, 每日拎一舊食下
very good~~
但真係越早食哂越好味, 放左我諗超過3日就會變得怪怪地
又未去到變壞, 但個外脆內軟既特色就無左囉~~
檸檬型既檸檬餅, 外層係用紙包住
剝開紙後, 有一層膠袋包住
咬開後見到軟軟既蛋榚~~~好好味~~
左下角: 天仁茗茶既凍頂烏龍茶(TWD 200)
都係因為覺得要係天仁茗茶買D茶葉返去, 咁岩必必應該好茶, 所以買俾佢做手信
但又無咩聽到佢D feedback, so唔知好無飲~
上面第二排左2: 乖乖(TWD 17)
好細個食過, 但咩味同咩樣已經唔記得
知道得台灣有得買, 所以專登買左一包黎食
點知...食完都係記唔起我食過D咁既野
kaka~睇黎我無咩記性
上面第二排左3: 日出土鳳梨酥(TWD 360)
香港有好多鳳梨酥, 台灣最出名都係鳳梨酥
但我好記得我之前好憎食鳳梨酥, 因為HK買到個D好難食, 個皮又硬, D餡又甜
所以我就覺得鳳梨酥就係一樣咁難食既野
但, 我個FD有一年去左台灣, 買左盒好貴既鳳梨酥俾我, 哇~~好好味~~原來台灣D鳳梨酥係咁好味家
所以係我去台灣前已經做哂research, 邊間既鳳梨酥好味
日出既係數一數二好味, 當然都係數一數二貴..
不過一世人可能去得一次, 梗係要買
至於做research其間, 都知咩係土鳳梨酥
土鳳梨酥就係個餡用真正菠蘿整, 唔似普通鳳梨酥咁用冬瓜蓉整
以前一直以為鳳梨酥係用菠蘿整, 原來一直都俾佢個名呃左
所以如果想食真正既鳳梨酥, 就記住要買土鳳梨酥啦~~
講返日出既土鳳梨酥, 包裝又係好有心思, 又係扮係包裹, 好岩送俾人
保質期唔長, 要食就快~~
有埋post card講下做鳳梨酥既經過, 得閒可以睇下
舊鳳梨酥係圓型既, 細過17號鳳梨酥
個味都好好~~酸酸地既, 都係有一絲絲既鳳梨係入面, 所以推介~~
上面第二排左4: 福記鐵蛋(TWD 59)
因為之前細佬去過台灣, 買過幾款鐵蛋返黎, 所以食過知福記其實係最好食, 好有咬口, 味道又岩岩好
去到家樂福見到就買左幾包
因為無打算拎黎做手信, 所以買得唔多
同埋原來都唔平家一包仔/.\
所以我同蕩蕩都係買左4,5包左右
上面第三排左2,3 : Dr. Wu Mask x 2 (TWD 826)
Dr. Wu係好出名, 有用開既人去台灣係必買既, 但我無咁highclass用咁貴既野
都係代fd買
屈人寺做特價, 2盒 TWD 826
我諗點都抵過hk買掛
上面第三排左4,5: 怪獸村買既麻薯X2 (TWD 160)
見難得去左怪獸村, 一定要買d特色野走
買食既應該係最大佬, 就買左呢2盒麻薯俾fd做手信
味真係唔知好無食啦
因為都無問返佢地
上面第三排左6: 廣源良綠豆粉(TWD 109)
廣源良呢個台灣BRAND又係好出名抵用
去台灣我都有諗過買
但係屈人寺見到個價, 真係令我覺得好鬼異
因為點解會貴過香港?? 無可能家喎
以為自己記錯左, 但都係無買到
至於呢個綠豆粉都係蕩蕩幫佢姑姐買
但真係貴過hk買..所以而家我諗無咩人會專登去台灣買廣源良掛
最底個排左1: Loreal 深層保濕水精華(TWD 379)
呢個係女神係我去前介紹我用既
我地傾開我茶親d skin care都好似吸收唔到, 會好笠
佢就叫我試下用呢個, 話易吸收D
所以難得去左台灣, 見好似平過HK就買黎試下
最底個排左2: Loreal 冰感保濕凝露(TWD 315)
呢個就係我屎忽痕, 見到好似幾好, 就買黎試下
最底個排左3: NARUKO 白玉蘭眼霜(TWD 349)
牛爾出既brand又係我好想試既
但我呢排都唔茶skin care
所以自己都唔敢買, 驚買左唔茶
呢支就係買俾我阿媽, 俾佢試下好唔好用
最底個排左4: MJ眼睫毛液(TWD 340)&眼線液(TWD 330)
都係代同事買
比HK平好多~~
最底個排左5: 屈人寺送既班比化妝袋
好似係因為買左上面2支MJ既野滿TWD 588就會送
但我唔太岩, 就俾左秘書啦
佢大喜~~~~~~~~~~~~~ Day 3 ~~~~~~~~~~~~~~~~~~~
day 3係清境, 所以無咩點買野
首先係左上角個一大盒既鮮乳餅, buy from 清境農場入面既手信店(TWD 200)
佢話係用鮮羊奶做既
都有得試食, 有少少奶味, OK既
本身諗住買一大盒做同事既手信, 佢入面都有17-20包
但後黎都係放棄左, 拎黎派俾熟既同事
右邊個2包, 一包係牛蒡片乾(TWD 120), 一包係蔬菜乾(TWD 120)
2包都係由紙箱王個間手信店買
因為個個姐姐好熱情, 係咁俾我地試食
一試, 我地就愛上
我就買左2包蔬菜乾好味d, 因為好多唔通既蔬菜E.G.番薯乾, 豆乾, 芋頭乾等等真係好好味
牛蒡片乾顯得就比較失色, 係個到試食因為未食過牛蒡, 所以就覺得好特別買左
但食多左, 就會覺得單調左d, 都係蔬菜乾好味d, 另外個到都有一款水果乾, 都好好味~~
以為佢話到明100%台灣製造, 以為得台灣先有啦, BUT係返左黎無耐, 我發現原來hk都有得買, 仲要平d tim
所以...唔好再受騙了..
右下角個個木盒既係麻薯黎既, 係清境STARBUCK附近一間店買, 間店成間都係賣麻薯, 佢講到好似好出名
試食過, 都幾好, 有抵喎, TWD 180有28粒, 仲有好多味揀, 所以我買左一盒, 拎黎做手信
但個盒好化學, 好易爛, 所以帶佢返黎好痛苦..
左下角個張藍色紙都好特別, 所以想介紹下
係由買牛蒡片乾間店俾我既
係環保袋黎家
平放係一張紙咁
但放左野係中間, 再一拎起, 哇~~即刻變左一個靚靚既環保袋雖然我無用, 但都覺得個設計好特別, 專登帶左返hk
~~~~~~~~~~~~~ Day 4 ~~~~~~~~~~~~~~~~~~~
2樣野都係台灣好出名既食品
左邊係好出名既糖村牛軌糖
又係又有一張單張介紹下佢d PRODUCT
雖然貴, 但真係好好味
我地一人買左一盒大既(600G) (TWD 350)
一盒有4x粒左右
返黎hk自己食, 都送左d俾人
同人分享下好味既野~~
佢奶味好重, 又唔甜, 好正~~最緊要係佢每粒都有好大粒既杏仁, 好香口, 怪唔得咁貴同埋咁出名啦!
右邊就係我地專登搭車都要去買既微熱山丘既土鳳梨酥(TWD 350)
一去到, 就有一件土鳳梨酥食同埋一杯茶飲
個到裝修得好靚, 但..好多蚊, 所以真係要帶定蚊怕水!!
之後見到好多人買成箱走=.=
好癲~~
我地都係各買一盒咋
一盒10件, 一打開就見到有咭片, 放便送俾人寫低d說話
幫同事買多盒, 佢之前想去, 點知發現佢CLOSE左, 為左完成佢心願, 所以買左盒俾佢~
比起日出既鳳梨酥, 微熱既就偏酸d, 同埋個皮佢無日出咁鬆化, 好睇各人口味, 我就覺得個皮日出係好味d
但就鐘意微熱個餡~~
~~~~~~~~~~~~~ Day 5 ~~~~~~~~~~~~~~~~~~~
九份, 真係買左勁多手信
好多係可以拎黎請同事/FD食
正~~
呢個櫻花蝦超好食
推介~
可以拎黎就咁食or送飯
值得買
 |
黃媽媽應該好多人識
佢D蒟蒻係好好味
但...佢D人既服務態度真係幾差
下次唔會幫襯
呢個豬肉紙勁正~
首先佢有幾款味揀
每款都好好味
最好係佢個包裝
一個盒咁
帶返香港唔驚會碎
後悔買得太少
呢個蝦餅..我覺得一般
一食覺得好多粉整成
所以不推介
