Want: 5月 2012

2012年5月28日星期一

杜牙根(完成篇)

上次講到姐姐叫我一星期後再去睇
一星期後姐姐約我Lunch time過去俾醫生望下
lunch time飯都唔食就去
醫生摸下我D牙肉，又禁下我D牙肉
之後問我痛唔痛
我話唔痛wor
佢之後就用個棒敲我三隻牙問我邊隻牙痛
好明顯係feel到有一隻牙係痛好多
所以佢就話不如我幫你換下藥
我以為換藥好簡單
點知佢話都要打麻醉針LOL
好..之後又重覆做上次個動作..除左套個鐵圏
打針..鑽..插個支鐵線...補返
就係咁
半個鐘搞掂
咁我就腫住半邊面返公司...sosad
可惜..個痛並無好轉..
下一次覆診時..麥耀輝醫生就話..其實要做既我已經做左
佢話佢上幾次開過我隻牙黎睇入面係好乾淨
無咩問題
至於佢點解痛
可能係牙骨有少少裂左
所以你要諗下你想一世有呢種少少既痛照keep住隻牙
如果你忍受唔到呢隻痛就剝左佢啦
但佢勸我忍到就忍
因為佢話我D牙其實合唔埋
我咬野一直靠兩邊大牙ONLY
所以如果我再剝埋隻牙就真係更少牙幫手咬野
會令其他大牙既負荷更重啦
之後佢話我地不如俾半年時間隻牙
到時再返黎照X-RAY
如果牙骨真係有裂應該就睇得返家啦
我話OK
之後佢話既然都行到呢步
不如我幫你改放消炎藥入去啦
我好驚訝問: 之前個D唔係消炎藥?
佢話唔係呀
我話好啦
之後佢又再重覆個動作
打針..鑽..插個支鐵線...補返
好啦~ book到4月中覆診
個晚隻牙一直都痛痛地
係之前補完唔會有既感覺
但痛左一日到就無事
慢慢地我發現隻牙無咁痛
食野都開始食到
我太開心啦~ 終於好返啦
5月覆診
醫生問我點
我話無事LU
佢都好開心
佢話咁就好啦~你唔駛剝啦
佢又幫我敲下三隻牙睇下有無分別
今次真係分唔到佢敲邊隻打邊隻wor
好啦~ 咁就可以放牙柱+封牙LU
今次因為隻牙已經杜左
已經全程無感覺
加上個心頭大石放下
我係醫生整緊隻牙有幾次差唔多訓著左=.=
幾好訓..
最後醫生叫我可以返返去做牙套
同埋一年後再返黎檢查LOL
希望一年後我記得..
而家就係時候諗下去邊到整牙套啦
overall黎講我覺得麥醫生係唔錯既醫生
佢講解幾清楚
雖然佢人唔咩熱情
同我無咩兩句
但唔知點解俾佢睇牙時我係好放心
好信任佢
同埋佢連lunch time都幫我整牙
我真心覺得佢係一個唔錯既醫生~
我真係唔知如果俾其他醫生睇我隻牙係咪會一直咁痛落去定其實一開始就唔會痛
但最重要都係個結果
結果係麥醫生最後都救到我隻牙
俾咁多錢都係值得既..
下一步===>整牙套!!

2012年5月26日星期六

泰國曼谷自由行 - 泰好睇之大皇宮+玉佛寺+鄭皇廟篇

[How to get there]

首先要搭BTS 到 Saphan Taksin 站
出左閘之後就搵返指示牌出去

exit 2

沿住條路行唔夠10分鐘就會見到碼頭
雖然見到碼頭咁既物體
但就無指示邊到搭船、幾錢等等既指示牌
又見唔到網上人話既有個人係到買飛
只見到個counter買express ticket

行左一round先知原來就係係express ticket個counter後面D石登到等就得
係個counter 右手邊就係上船既地方
要突個頭出去先望到個碼頭

碼頭上面插住4支顏色既旗仔
我諗係代表呢個碼頭有邊D色既船會埋站
我地去個個地方

下面張圖show哂每條LINE去咩站

皇宮係N9站Tha Chang
所以基本上除左藍、黃線之外既船都去得
但..價錢係會唔同
咁我地都係搭返最大路最多人搭個個橙色線
等左無耐船就黎
好多人一齊上船

點分邊條船係邊條LINE?
我地一開始都唔知
後黎發現每條船尾都有支旗仔插係上面
旗仔既顏色就應該係代表邊條LINE

上左船就會有個女人黎收錢
佢收左錢會俾張飛你

佢好勁..記得哂咩人新上船未收錢
我發現泰國人既記憶力係超強家

個日天朗氣清
好彩咋
影D相真係好靚
藍天白雲再加埋D建築物~
正~

當係船既左手邊見到鄭皇廟时
代表下個站就係N9~ 係時候落船LU

見到個牌就好落船啦

一路船沿住條路去到一個類似市集咁既地方

最繼續行就係露天既市集

再向前行過條馬路就見到大皇宮啦!!

繼續沿住皇宮個外牆直行
沿途都有幾多騙子係到家
我地都俾其中一個騙子睇中
但個騙子有新花款
唔再話皇宮無開
其中一個見我地著住背心就勾搭我地話: 你地唔入得皇宮家..因為你地要著有袖既衫..我帶你地去睇寶石
我地咁醒鬼會上當咩
我地同佢講我地有外套就閃左人LU

行5分鐘到見到一道門打開左有警衛係到
又有人又入又出就係入口啦

入去首先會見到左手邊有好多人
原來係D唔岩衣著既人要排隊借衫
咩衣著唔得睇圖就一清二楚

我地唔駛借衫所以直接行去入口

首先要買ticket先

個ticket要keep住D飛尾
因為可以免費去柚木皇宮
雖然我地plan左去
但最後都係放棄左
另外仲有一張ticket(粉紅色個張)係入錢幣博物館
值得入去嘆冷氣囉
如果趕時間..真係唔駛去
個錢
幣博物館就係係正大皇宮個入口處右手邊(下圖既右手邊個橦)
好隱蔽家

買完飛就keep住行就見到個入口

一入到去就周圍都金碧輝煌
真係閃到眼都打唔開
其實自己睇緊咩都唔太知
始於無導遊係到
走馬看花咁影下相同睇下

金

好金

都係金~

玉佛寺係皇宮入面家
但入玉佛寺要除鞋同埋唔准影相家~
一個鐘都唔駛就行完LU
出左金光閃閃個玉佛寺個位就入唔返家啦
之後就會見到D好歐陸式既建築
有D都係博物館
係咁而睇下影下相

好得意既樹

行哂成個皇宮唔駛2個HR
我地最後見到有D舖頭賣記念品有得寄post card喎
好啦~ 寄返張俾寶貝先
郵費+post card都只係THB15咋
抵!!

我個張

蕩蕩個張

熱到成個癲婆咁仲係到寫post card

寫地址時蕩蕩問左個好問題
就係我地寫中文地址時係咪當地郵差係唔識睇
~"~
所以記住寫返ENG 地址
我地返黎後大約一星期到就收到張post card
如果係諗住為左個郵戳而寄既話可以同你講可以慳返筆
因為係無郵戳睇..得一個好簡陋既印仔
但作為一個心意/手信我覺得係唔錯既
因為收到既人應該都幾開心

寫好哂搞完一輪後就要去下一個景點: 鄭皇廟!!
由皇宮去要行一段路到N8碼頭再搭船過去對面
當然都可以搭返返去既船到N8
但我地又唔趕就行下
點行呢?
首先要回歸原點
沿路返返去搭船黎大皇宮個個露天市場先
之後就唔駛過馬路
直接向船黎個方向行
經過哂成個露天市場 (下圖)

直至見到一個類似廣場/公園既地方 (下圖)

就係個碼頭
大約要行15分鐘到
搭到對面只要THB 3
要係個櫃面俾左錢先上船

上船既碼頭

船到啦~~~
搭唔夠5分鐘就到

要去COUNTER到買TICKET入去
THB 50

賣飛既COUNTER

另外鄭皇廟都有腳裝上既要求
但都可以租衫
不過同皇宮唔同既係佢真係租
者係要俾舊錢出黎
有部份係退唔返
唔似皇宮咁全數退得返
所以最好都係著返岩既衫去啦!

令人望之卻步既斜梯
TOTAL有3層
但我地只敢上一層
已經嚇到死左
落既時候要鼓起勇氣先敢行出第一步
好彩佢有條繩索俾人做扶手咋

好快就行完
沿路搭返船出去N8碼頭

總括而言
我覺得皇宮同鄭皇廟都係值得去一次既地方
始終都係得泰國睇到既野
又唔算貴
咪當係一個經歷
不過真係去一次就夠
因為真係幾悶..

泰國曼谷自由行 Day 2 (4/5/2012)

Planned Schedule:
大皇宮+玉佛寺 (9:00-12:00) =>鄭皇廟 (12:30- 1:30) => 文華 high tea (2:00-4:00) => 考山路 mama tour (4:30-5:30) => 唐人街 (林真香, dinner, 掃街) (6:00-8:00) => healthland(Chong Nonsi BTS) (9) =>back to hotel (11)

Actual Schedule:

大皇宮+玉佛寺(1:00) => 鄭皇廟(3:00) => 考山路 mama tour => 唐人街 (林真香, dinner, 掃街) =>back to hotel

第二日係參觀日
但真的好岩..我地居然揀中泰國唔知咩大日子既前幾日去參觀皇宮
所以皇宮只開上午
12點後就唔能夠入場啦
不過好彩我地一開始plan都係上午去
所以影響不大
想知邊日皇宮會開最好上返佢個官網有講

今日朝早起身食完個豐富既早餐就出發LU
今日成日主要既交通共具係船~
因為有幾個旅遊景點都係搭船就到
所以我地將個幾個行程編埋一日
首先係去參觀皇宮同埋鄭皇廟先: 泰好睇之大皇宮+玉佛寺+鄭皇廟篇
去完鄭皇廟已經3點
趕唔切去食我地既文華tea
所以決定放棄
直接去考山路既mama tour報名: DETAIL
去完考山路個人已經好攰
係個時我係好想坐下..休息下
話去咩唐人街已經想死
所以我地諗不如直接去healthland
但諗諗下去完healthland之後先8點幾
個時間又好尷尬
去行街又唔夠時間
返酒店又好似太早
諗黎諗去都唔知點算好
好啦..唔理啦..去healthland先
搭船出返去BTS站
點知因為有位坐
搭船又搖左成半個鐘先到
到站時發現隻腳好似無咁攰
好似又可以行返街啦喎
所以我地又搭返船去唐人街
唐人街我地做過咩可以睇返: 唐人街篇
返到酒店又十一二點
真係好攰
沖完涼仲要吹頭
早D訓先得~因為聽朝要早起去水上市場啦!!

~ Day 2 完 ~

2012年5月25日星期五

泰國曼谷自由行 - 泰好食之小食篇

去到泰國梗係要不斷咁食
但回顧返成個trip
好似食左既小食其實唔多..
點解會咁LOL

~ Day 1 ~
係夜晚central world個頭D街邊買既牛油煉奶砂糖栗米(THB 20) !
D粟米好好食
好爽
一D都唔會"霖"
加埋牛油就好香~
不過煉奶再加砂糖..
真係好鬼甜
我好唔鐘意咁甜既野
已經叫左佢no sweet 家啦
仲係咁=.=

街邊常見既小食之一: 菠蘿
每一舊THB 20

係返去搭bts時見到有m記
佢得2款PIPE
2款都係hk無
一款係菠蘿PIPE
可惜買哂lu
另一款就係下面既粟米PIPE (THB 19)
好好味~
我鐘意~
好香粟米味
本身想翻兜
翻兜再
翻兜
可惜唔知點解無左下文..

因為第一間酒店樓下有間7-11
所以每晚返上房前都會去7-11試下唔同野食
知道泰國d yogurt 好平
所以每晚都會去買2樽黎食
消化下D野食
同埋有助排便haha
第一晚就買左2款yogurt
一款係西梅味..真係好西梅
都係第一次食西梅味yogurt
另一款就係好大路既士多啤梨味

另外我地見到包魷魚波就超開心~
睇埋個價仲開心
但唔記得左幾多錢
只記得係平過HK好多
一直都好鐘意食
魷魚波波
但耐何係HK一細包都好貴
佢咁大包都唔貴
打算試過好味就勁掃
最後我真係係big c掃左好多包返黎
haha

細數唔記得幾多錢
總共係7-11買呢3樣野total THB 45

~ Day 2 ~
因為無買酒店既早餐套票
所以朝早就走左去樓下掃街
行左一round買左以下既野食

逐樣講啦
後排最左手邊係沙律(THB 40)
好正常沙律
有D菜, 蛋, 番茄仔咁
但佢D醬唔得
我唔鐘意佢D醬
太甜
沙律我覺得應該酸酸甜甜
同埋食唔出佢個醬其實係咩醬
最後覺得可以不用一試

左2個個就係油炸鬼
以為同hk既有咩唔同
原來係一樣
只係細舊d
佢有咸有甜
總之就同hk一樣啦
THB 8有4舊

再隔離係串燒
豬肉串燒
幾好食呀
總共THB 20
有幾多串已經唔太記得lu
3 OR 4串到啦

之後最右手邊就係2支綠茶

7-11 買的
都係見網友話好味唔太甜先買黎飲
一支奇異果味
一支雜莓味
好彩我揀奇異果味黎飲
好味d, 清新d
無咁甜
覺得試完一次就得
因為無咩特別

到前面個排
右面個2樣野都係7-11買
都係睇網友大力推薦先買黎試
最右面係多士

我地係買吞拿魚味
好味~

右二就係火腿芝士牛角包

正~
呢兩樣野都係急凍既食物
俾錢時可以叫d職員幫你整熱佢
呢兩樣覺得值得一試
7-11呢4樣野TOTAL買左THB 70

最後一樣就係琴晚想試但買唔到既菠蘿PIPE

好甜
所以我都係鐘意粟米味多d

食完早餐出發去第一個景點時
一落酒店樓下
我地又俾d街邊當吸引住
因為太多新奇好食既野啦
首先係呢樣燒香蕉(THB 20 3條)
有2款家
最左身邊個2條係已經無左香蕉皮先燒既
另一條最右身邊黑媽媽個條就連皮燒既

因為我覺得黑色個條好噁心
所以得蕩蕩食過
估唔到佢話黑媽媽個條好食d lol
因為我只食過無皮個舊
我只講到個舊係咩味
其實好好食
佢燒過後外面un un地
入面就好香香蕉味
呢樣野我係之後係泰國見到一定會再試

因為唔記得影個檔口
唯有係bts高空影過去
就係橋底下左身邊婆婆個攤檔買家啦~

另一樣野我地都係街邊買既就係呢樣野
估下入面係咩
係一條好長既司華力腸囉
外面包住一層脆脆
要趁熱食呀
唔係層脆脆就會軟左家啦

沿途由大皇宮行緊去碼頭時有好多街邊檔
我地買左D芒果(THB 40)黎食
好硬身同好爽
一D都唔似HK食既芒果
我諗係因為佢呢D芒果係好青時就切出黎賣掛
可以一試

一路行一路都好口渴
所以見到有泰國奶茶(THB30)賣就即刻買
叫左佢小甜..都係好鬼甜
但d味同hk奶茶真係差好遠
hk好濃茶味
佢就好濃練奶味=.=
俾我揀我都係鐘意hk奶茶多d
但一開始飲既味都幾特別既
岩哂d鐘意甜既人
同埋真係好多冰
呢個真係好抵讚~拎住杯野已經夠哂涼

賣奶茶既檔口

因為唔識去考山路
所以又入7-11問下人
見到自己針忍唔到又買杯黎飲(THB 24)
但估唔到個杯咁大杯
飲到我地死死下

報完MA MA TOUR 時
蕩蕩死都要食街邊一檔既PAD THAI (THB 40)
佢話網上d人話好好味
好味係真
但個時我無咩心情食..因為太攰
但都覺得唔錯
記得買黎食~

仲有一條春巻tim

係行緊去搵唐人街途中見到一個攤檔賣緊泰國既甜品(THB 20)
睇個樣好似好好味
好COLORFUL
就買左一盒
最後就係...出事啦>"<
一望以為係煙un既糕點
點知係爽口..我唔鐘意..

係淆緊食唔食銀城D翅時

咁岩個時見到街邊有人賣D人話好好食既香蕉煎餅

即刻買黎試下食睇下係咪咁好食

因為見佢煎緊個個餅好鬼多油

我最驚

所以落order時不忘叫佢less oil and sweet

haha

佢煎時專登倒哂穫D油證明係少油
泰國人真係好nice~
好快手倒蛋漿, 加香蕉片, 包埋, 加練奶+糖就完成勒

食完覺得真係唔錯既小食
係到諗點解香港會無引入呢樣野呢?

係由唐人街行去mrt途中
見到有一個檔口好多人圍住
一望~哇~好似好好味咁喎
個檔口仲要整得幾靚

原來係用一d特別d既醬加上去d油炸鬼上面黎食
買一份啦~ THB 30

我地要既係椰子醬同士多啤梨醬
我鐘意士多啤梨醬多d
無咁滯呀嘛~
油炸鬼幾好味~
值得一試!!

返到酒店樓下

又俾d街邊檔吸引住

買哂黎試

逐樣講啦

第一樣係由呢個檔口買

類似一d羮既物體再加一袋米粉(THB 25)

但袋羮真係超難食!!
有一陣我頂唔順既味
我同蕩蕩食左幾啖已經放棄左成袋dump左

第二樣野係燒尤魚(THB 40)
呢樣野安全啦
好煙un

最後一樣係bbq豬肉(THB 40)
我地仲以為係咩咁特別
食落原來咪就係hk既叉燒囉=.=
仲要得好少..
勁無奈

最後最後當然唔少得7-11 宵夜(TOTAL THB 78)
好明顯又係YOGURT
今次買左4杯HAHA
仲有最左手邊個支MEIJI奶(THB 27)
d人話ok好味家喎
佢有幾種味
我地就揀左朱古力味
我地又係飲唔到個分別
但個價一定平過hk d牛奶啦
朝早拎黎飲係唔錯既一個選擇

~Day 3~

係上水市場食左幾樣野
首先係BOAT NOODLE
經過之前個2日既經驗
我地已經對細碗到喊既面無咩感覺
唯一特別係呢碗面係由船上整出黎

之後由個職員拎上黎俾我地食
始終係做旅客生意
所以都貴D
一碗面要THB 25

係我地食物隔離有個舖頭仔

個女人整緊d好得意既野食
望下隔離個簡介
原來佢整緊係泰國人好鐘意食既早餐小食(THB 30)
咁我地就叫一份黎試下傳統既泰國小食啦
佢係外面脆脆地
入面係一PAT野=.=
黑黑地食既係芋頭味..白色係洋蔥味..
唔好食囉..我地食唔哂就放棄左

係d船到見有人賣芒果糯米飯
我地想食好耐但一直都見佢唔到
終於俾我地見到
但我地又驚好貴
始級呢到係旅遊地點
我地問下佢幾錢
佢即刻係個保鮮紙上面寫50
蕩蕩一見就走人
個女人之後就即刻減價
最後就THB 40成交
呢次係我地唯一一次成功壓到價
但蕩蕩話佢無打算壓
只係覺得THB 50唔抵所以先走人
既然佢肯減就算
有咩感覺? 好多人話好食..我地又不太覺
只鐘意食d芒果
d
糯米飯加上椰汁太甜..好滯..
所以試過就得