台中台北7日6夜自由行 - 7-11 Dinner

清境真係無咩餐廳
除左國民賓館入面有扖据外, 真係只有留係民宿入面食
我見既然都係d咁comman 既野
不如試下食7-11
去到7-11, 見想食既野就買黎叮
咁就一餐啦
其實都有D幾好味家

餃子, 不太好食, 很油很淋

呢隻好好味

聽人講話好正, 唔覺囉, 咪又係公仔面, 只係舊肉大D

關東煮, 第一次食, 幾特別

熱狗, 最抵食同最好食, 其實都係普通熱狗, 但係係自己加醬同料, 鐘意幾多就幾多
超開心~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

茶葉蛋

買返民宿食, 好味喎~~~~~~

台中台北7日6夜自由行 - 青青草原

青青草原應該係所有去清境既人既目的
餵下羊, 睇下羊, 同羊影下相
我地都係
羊我真係未真實咁見過
我地滿懷希望咁去
但去到個日落住雨
我地既心已經死左一半
sturggle左好耐應該幾時去
不斷驚會唔會唔開, 會唔會無羊睇, D羊會唔會返哂屋企
但心諗我地去清境就係為左睇羊, 點都要去博一博
所以我地照係落車個到等車
架車都係個一架, 就係載我地由台中黎個架
其實架車係會上到去青青草原
咁由呢到去青青草原個程又係係套票到包左
搭一兩個站就到
去到門口都係好冷清, 都知無咩人咁堅持落住雨都去睇羊
即刻問係門口售票個個阿姐有無羊睇
個阿姐話梗係有啦
咁我地都放心D
套票又包埋個入場巻, 俾左個阿姐我地就入左去
都要行十幾分鐘上一上個山丘先見到D羊
因為落雨, 得好少羊出黎食野, 佢地group哂係一個有D樹遮一遮既地方







































但剩返幾隻既羊係放左出黎淋雨=.=
咁佢一見到我地就好興奮
遠遠地望住我地, 一步一步咁行近
佢地應該以為我地會俾野佢地食
但我真係好驚
因為, 咪以為羊係好順良
其實當你真正見到佢地時
就會發現佢地其實都幾大隻
所以我知, 如果我地一餵野食, 其他羊會發哂癲咁圍住我地
我真係唔敢想像
仲有就係唔好同佢地有眼神接觸
因為一有, 佢地又會好興奮
以為你想喂佢
最後, 因為我太驚既關係
我地慢慢行上山
行到上面, 一間賣手信店出面
居然俾我地見到一班BB羊
真係好cute
佢地就有圍欄圍住




佢地又係一見到人就好興奮
我地決定餵佢地
佢地就係飲奶既
支奶可以係手信店到買
D羊一見到我地拎住支奶
就癲哂咁湧住個個位
同埋真係餵時要捉實個支奶
唔係, 佢地都幾大力, 會搶走成支奶家
最後, 餵完之後我地就入左去買手信
都買左DD
買左咩可以睇返手信篇=> 手信篇

我地都買左支羊奶黎飲, um...係有dd SO味, 但都可以接受既

最後..因為真係太冷清, 我地都決定放棄了..
點解..同我地心中既藍天白雲下, d羊滿山走既畫面差咁遠..