我地係12點幾飛機
韓亞OZ724既機
領隊約我地10點係機場等
我個喼太大
我一個人拎唔到落去搭車
所以我叫我細佬幫我拉落去
去到等車時居然見到蕩蕩係架車到
即刻好狠背咁拉個喼上車
好早我地就到左
無耐wing yan就出現
居然...佢MA MA又黎左
個下幾O嘴
心諗駛唔駛呀
送埋黎機場
都廿幾歲人啦
咁過左10點仲係無領隊出現
就叫wing yan打去
原來佢去左大堂中間
見到有幾間旅行社都有團出發
同我地同一架機
就連星晨都有2團一齊出發
咁我地搵返我地個領隊RAY
肥肥地
一開始聽佢講野勁唔慣
聽到想訓著
順便睇下D團員
超老囉
大部份係兩公婆
有一團師奶
有兩對公公婆婆
得幾個後生仔女
對比隔離個團
大部份係後生人我地幾sad
係機場磨左一陣影下相我地就上機
我地係三個一齊坐
好令我suprise係個位有一張毛氈, 一個攬枕
仲有部電視仔俾我地睇movie同打機
超爽
起飛無耐就即刻派晚餐
都幾豐富呀
有一盒飯, 一個薑餅, 一個沙律, 一個包同一杯野飲
但個飯太硬啦
餸就OK
薑餅都不太好食
不過飛機餐不敢期望太多
但好好笑係我地仲食緊個飯時
空姐已經開始收野
最奇係D人又真係俾佢地收
最後我地附近得我地三個仲係到食緊
搞到我地幾緊張
不過我地三個仲好緊持食哂佢
唔明D人做咩唔食囉
幾好食呀
好快部飛機就熄哂燈訓覺
但我又訓唔著喎
咪係到玩下部電視機囉
坐左3個鐘到就到仁順機場
因為韓國比香港快一個鐘
所以我地要較返電話
對錢既人就對
我地就係HSBC對左每人一千五百蚊
所以都唔駛對
到機場因為太早未有旅行巴我地唯有係個機場到行下
去間便利店睇下有咩買
最後我同蕩蕩平平地買左2舊飯團
最激氣係去到韓國諗住開漫遊
但又開唔到囉
個3既男人又cheating我
真係好想殺左佢
原來機場有wifi
所以即刻上去FB SEND MSG叫肥棋幫我同我屋企人講我到左
第一站就係去賭場
每人都可以免費玩一次賭大細
我WIN左5000WON
大約三十幾蚊啦
之後係個到狂飲野飲
因為RAY話呢間酒店既coffee平時好貴一杯
入到去唔入就對唔住自己啦
下一站係去統一公園
統一公園有d雕塑
入面仲有一個博物館..收錢的
但RAY叫我地唔好入
因為入左去會好心UP
話入面將最恐怖既相POST出黎
令我諗返起我係南京入個個大屠殺博物館
統一公園原意係想南韓同北韓統一
detail既我己經唔太記得
上面個雕像ray第一句問我地: 你估下邊個係細佬邊個係阿哥?
之後又問我地邊個代表北韓邊個代表南韓
原來矮個個先係阿哥, 高個個係細佬
矮個個係北韓, 因為佢戴個頂帽係五星帽..代表共產
高個個係南韓, 因為佢戴個頂係鋼帽..
另一個角度睇到個地下有條裂痕
呢個就係三八分裂線?
代表住南北韓分裂
跟團既好處就係咁..至少唔係自己望下就算
有導遊講下個邊既歷史
呢一個鋼像係講出戰爭既恐怖
重點係個鐘到
佢個時間係指住4點
代表北韓偷襲南韓個一日係4點鐘
係大家訓得最熟既時間
ray話北韓真係太衰
RAY講左幾個比較出名既銅像背後個意思之後就放我地自己去睇
當然我一向對呢D野無咩興趣
所以行左一圏就算
最後我地搭3-4個鐘頭車去到雪嶽山
沿途RAY梗係係咁講野啦
但我諗成團人已經好tired
所以我地個個都訓到死左
去到雪嶽山第一站係去踩單車
踩個個叫海洋號鐵路腳踏車
4個人一架車
當然我地要拆啦又係
咁我同蕩蕩就同一對公公婆婆一架車
個到真係凍到想死
我諗得個十幾度
仲要係個海隔離
個手同腳係凍到薑左
但唔努力踩又唔得喎
因為會阻住後面D人
所以蕩蕩好努力咁博命踩
好彩佢最尾會不斷入隧道
隧道入面有唔同野睇
我覺得最靚係有幾個隧道會有燈飾同埋幻彩燈
超靚真係
終於俾人奴役完一日
夜晚8點幾返到渡假屋訓
間屋入面有大床有搭搭米
我真係好想試下訓搭搭米
所以我地決定左訓搭搭米
有獨立KITCHEN
飯廳
睡房
搭搭米房
浴室
仲有露台tim
沒有留言:
張貼留言