最後一日
因為飛機唔會等人
所以RAY係唔會放我地周圍行家今日
第一站係去俾人SELL保肝食品
因為琴晚執行李同埋同vicky吹水吹到好夜
所以成日都好眼訓
佢SELL野我就係隔離訓覺
下一站就係去土產店
間土產店D野真係好貴呀
我地一包朱古力米通都要一萬WON=$7X
駛唔駛咁貴呀
但我地又係其他地方搵唔到
迫住係佢個到買
為左洩忿
我地係佢個到狂試食
最搞笑係我地同另一個團友圍住個魷魚SO一路食佢D魷魚SO一路吹水
個到既staff忍唔到走黎趕我地
我地堅持
佢最後要閂埋個盒唔俾我地食
但佢食水真係深呀
我地係一間小食舖買既糖一包先2000WON..仲買5送一
佢個到居然買6000WON一包
哇~呢間野真係不知所謂
但最後我地都係佢地個到買左一箱薯仔NOODLE
又係其他地方見唔到
唯有係佢個到買啦
買完野就去水晶城睇水晶
RAY係沿途既車上話睇電話繩就OK啦
平平地又靚
其他個D唔駛睇
佢講到好似企係我地個角度為我地設想咁
其實我覺得佢只係sell個電話繩從中賺多D佣者
望住個電話繩中間舊紫水晶
信佢係真就傻啦
真既紫水晶買俾我地六十幾蚊?
邊有咁大隻甲X隨街跳呀
雖然個樣唔錯
但都係算數啦我
返HK旺角買仲平
其實RAY佢算好好
至少佢唔會迫我地買野
我地唔買佢又唔理我地
有時佢仲會叫我地唔好買TIM
佢自己都講過導遊係水晶店係賺得最多既一個地方
但佢一向都唔鐘意HARD SELL人
所以佢都係由我地自己睇
佢仲成日見到我地無興趣企埋一邊時主動走黎同我地吹水
呢種導遊邊到搵呀?
最後食左餐豐富既中餐就去63 CITY
個餐九大X真係食到我地死
超多餸囉
最後一個地點係63 city
RAY話無咩團會去63 CITY
但呢橦大廈係全首爾最高既大廈
可以睇哂成個首爾
首先去63 city入面既海洋世界
一踏入去首先同我地見面既係企鵝
好得意家佢地
之後都係睇下D海洋生物
不過去過ocean park既水族館時
你就唔會覺得有太大既興趣
因為同ocean park比...小巫見大巫
但佢仲有樣野係ocean park無既
就係你可以伸隻手指入去個箱入面俾入面D魚食死皮
一開始我同wing yan淆底淆左幾耐
點知又真係幾好玩喎
搞到我想養返D魚黎幫我食死皮
之後就會搭電梯上63層睇首爾同漢江
一開始好期待
但上到去好失望囉
首先好濛
我唔知係我地個日大霧定係佢個玻璃污糟啦
總之望出去就灰灰濛濛咁
之後成個首爾又無咩野睇
咪見到D車..一推推既樓
唉
我諗夜晚會好睇好多囉
所以如果真係去睇一定要揀夜晚
因為日頭真係不外如事
同埋個到聽wing yan講係my girl就係個到拍
but...睇唔出囉
只可以講一句: so?
最後就係去個到既蠟像館
又係悶到訓著
入面D人我全部都唔識
事單影幾張相就算
我最愛既FRIENDS
我最愛既LOST
最驚嚇係去到一個位俾個個吸血疆師捉左我地入間鬼屋
我全程可以話係眉埋隻眼走
根本無去欣賞佢係入面D恐怖蠟像
但我覺得個個人好變態囉迫我地入去
最後我地就搭車去機場等飛返HK
去到搭退稅、登機個D野
我地搭7點幾既飛機
但因為天雨關係
delay左半個鐘
本身想訓下覺但係都係訓唔著
最後11點半到到HK機場
沒有留言:
張貼留言