第二日又會轉RESORT
所以朝早又執哂所有行李上車
第一站去浸溫泉
個水世界有溫泉有桑那有水上樂園
咁我地一心諗住浸下溫泉先啦
點知搵極都搵唔到喎
桑那個到又唔敢入
因為入去要除哂衫
太赤裸啦
我未咁OPEN
所以我地唯有去上水樂園到玩
個到有D按摩池
都ok家
最後居然俾我地發現到大啦吧
哇~~~超開心呀
即刻衝去排隊
應該係佢太隱閉啦
所以無咩人
我地3個同另外三個韓國後生人一架船
我地一開始入個滑梯就嗌
我地3個加一個韓國女仔由頭嗌到落尾
一開始係勁黑
咩都睇唔到
只FEEL到自己係咁滑黎滑去
俾人FING黎FING去
我梗係成程又"眉"實隻眼
去到一個位FING到成個人好似俾人扯出去時
我忍唔到打開少少隻眼睇下發生咩事
原來去到個大啦吧既中心部份
但又即刻再嗌過
所以到最後
我都係唔知係個大啦吧時係點滑
好似無玩過咁
鬼叫我細膽咩
玩完就係時候去下一個景點: 雪嶽山國立公園
呢度有得睇ray口中既半月熊
我仲記得半月熊係咩
其實我幾鐘意聽ray講故仔家
佢講得黎又唔會悶
但可能佢個聲音有催眠作用
聽聽下個眼皮就會慢慢DUMP落黎
但呢個神話我係完整咁聽哂
其實韓國既出現有三種講法
第一種話係由中國既一個我唔記得係咩族既後裔
因為個個族會周圍走
所以走到韓國落地生根
咁就有韓國人
第二種說法就係話中國一個古人我又唔記得係邊個
佢幫秦始皇搵長生不老藥
因為搵唔到..所以走左去韓國個個地方避開秦始皇
咁就有左韓國人
聽聞韓國人都唔信呢2種說法
佢地信韓國人係神仙既後代
話說一個神仙同一隻熊同一隻老虎落左黎人間
咁隻熊同老虎就好想變到好似個神仙咁用兩隻腳行路喎
所以佢地一齊去求神仙將佢地變做兩隻腳
個神仙就俾個考驗佢地
要佢地一個月都唔食肉
要食素
老虎食左幾日終於忍唔到出左去食肉
而熊人就揀左係冬天時實現呢個考驗
因為佢去左冬眠..所以到佢冬眠完左時已經過左一個月
咁神仙就將佢變左做一個女人
之後就生左後代..就係韓國人
個半月熊就係個隻熊人
咁RAY係車到講左段傳說後再帶我地去個到影下相
之後又放我地自己去行
個到幾靚家
周圍有好多樹
想像到一到秋天係紅葉時係會幾靚
行行下就會見到個大佛
RAY梗係唔會放過任何講野機會
佢講下個到朝拜既人既習俗咁啦
我都無咩留意
又係影左幾張相就上車走人
下一站見到個名已經唔想落車
就係去睇軍艦
聽到都悶
不過個歷史又幾好聽家喎
可惜前面我訓著左
我一起身聽到已經講個潛水艇著火
個潛水艇係北韓個邊送D特務黎南韓
咁等到南韓到個潛水艇睇時..北韓既特務已經走哂
咁南韓就大範圍咁去搜捕返D特務
咁佢地搵到時見到有6定7個特務既屍體
佢地都係俾人殺既
咁即係代表仲有一個北韓特務仍然在逃
最後捉左個個特務..之後佢點我已經唔記得左LU
最後南韓政府深深不忿
所以就將個潛水艇DISPLAY出黎..旁邊放個軍艦
個軍艦仲要揀個大過潛水艇幾十倍既
再起個公園俾人參觀
當然2個入面都無野好睇
對我呢D無興趣既人相都唔想影多張
循例行一round就算
睇完就即刻去隔離個正東津車站
呢個我又真係有興趣去呀
點解? 因為我最愛既紅薯夫婦去過個到睇日出家
所以我去到時個感覺勁鬼異
係電視睇到既野居然可以俾我親身見到
入面仲有幾張紅薯去個到既相
仲有佢地既簽名
超正呀!!
去個到不外付影下路軌影下海
可惜真係俾好少時間我地呀
影得個路軌黎已經捉我地走
個海同D雕像都未影
個到仲有個印章俾我地印低做個紀念
呢個車站又係韓國人既最
今次係最近海既一個車站..囧
咁都好講
啦啦聲影完就去下一個景點-沙漏公園
又係一個極度無聊既景點
只係去睇一個好大既沙漏
漏完一次代表半年
點解要去睇?
ray咪話韓國人好重面子
難得整左個全世界最大既沙漏
所以咪去睇囉
睇完之後食飯返resort
今晚個resort好過前一晚
超靚
又有wifi
真係爽歪歪
大廳
開放式既kitchen
浴室
睡房
由間屋望出去個夜景
禁禁下電視時..竟然俾我睇到我追緊個套韓劇"你能聽見我的心嗎"
即刻睇靚仔
仲影左佢相
沒有留言:
張貼留言