清明節

成個月無寫啦

中間有好多野

但就因為懶咩都無寫到

好彩世上有相機呢樣野

睇返D相

就記返起我做過d咩勒

逐單逐單講啦

清明時因為我細佬準備緊AL

所以我俾我爸爸捉左返去

一去先發現原來我從小學之後就無係清明返過去

個日下午先施施然出發

一路都好順利

只係個D三輪車真係..超級"登"

只要坐完我真係明白咩叫"登"到飛起

基本上我個pat pat騰空既時間係多過貼住個位囉

"登"到返鄉下時已經夜晚7,8點

點知成程我爸爸係唔理我

要我獨自面對我d親戚

我仲係同埋我既堂姐一齊訓

犯賤既我仲要唔記得帶睡褲返去

成晚都著住條牛仔褲訓覺

真係痛到想死

成晚都X轉翻側

我訓既床同埋間房

第二日就陰公囉

行去3個祖先既墓到拜山

3個祖先分別係祖公、曾祖夫同埋爺爺

先後次序都有分別

又祖公開始..到曾祖父最後係爺爺

3個都係係D草叢中間

簡直係攀山涉水

幸好無落雨

唔係真係爬梗街

去爺爺個墓最辛苦

因為要過好多田地

點知D同志們將蓮隅種係個路中間

蓮隅係種係泥入面

所以我成隻腳就咁踩左入去

我個Puma鞋就咁壯烈犧牲左T^T

呢條就係我地行既路

好幼好多泥

路側邊就係田 or 蓮隅田

又再攀山涉水

圖中為我爸爸

要帶好多野去家

大伯佢地就拎好多紙家具、紙車、紙大屋去

到左望落去個view真係好靚

一片片既田

good

掃墓時仲有一個好特別既地方

就係越拜越少人

首先祖公係最多人既

因為佢係爸爸既爸爸既爸爸既爸爸

所以最多子孫

之後曾祖父就會少左d子孫

最後一齊拜爺爺個d人就係同我最親既

我d堂兄弟姐妹

其實係掃墓時我大陪份時間就同其他小朋友一齊企係到望

最後拜一下同埋插香就ok

真係幾無聊下

拜完食埋午飯就起程回家

SO NICE

係部船上既view

返去前去KFC到食下野

估唔到個到有KFC

更估唔到KFC有薯條

你地有無食過KFC薯條呢?

無食過既話千祈唔好食

因為真係好難食

回程既車..回程既車終於靚好多

最後就順利回到家了

不過..今次係爺爺到帶左D"手信"返黎

唉..睇黎一世都係手上家啦

可能想我每日見到都諗下我成日都無去拜佢

反省下我自己掛