泰國曼谷自由行 - 泰好行之Saen Saep運河

俾個司機係考山路dump低後
我地決定去Erawan Tea Room 到high 個tea
等夜晚再去睇show
考山路真係一個令人好憎既地方
點解咁講? 因為每次係考山路都要諗點去其他景點
因為佢無駁MRT / BTS 搞到好唔方便
上次報MA MA TOUR個次就係搭MRT再駁船到
今次我地既下一站目的地係BIG C個頭
我地當然可以照板煮碗咁好似上次咁搭返船出返去MRT走人
但好似好崎嶇咁
我地之前上網google過點樣由考山路到直接去到Platinum Fashion Mall個part
答案就係係市內運河搭船去啦
個運河名
叫Saen Saep運河 
睇返網上資料先知原來呢個運河主要係當地居民既一個交通工具
所以好少旅客會走去搭
但無計啦~想快D直接D到就唯有試下搵呢個碼頭
呢個運河碼頭叫Phan Fa Pier
同考山路都有一段距離
我地主要參考以下幾條網址:
http://www.wretch.cc/blog/amykc/32733524 
http://www.backpackers.com.tw/forum/showthread.php?t=464524 

咁我都講下我地點去啦
但因為都係睇住上面D資料+問人+撞下撞下先搵到
所以唔係記得好清楚點行
都係沿途有影下D建築物
大家可以靠搵呢D建築物黎指示你地行得岩唔岩方向
所以大家都係掛住個勇字去試下啦~

首先我地去到考山路..已經唔知點行
向邊個方向行都唔知
所以我地唯有向後行先
向後行既意思係唔係向考山路最頭個一個佛像個方向行
而家反佛像個方向行
之後我地去到一條大馬路
條大馬路係大到四線行車咁
如下圖
 
之後我地問左一個坐係電單車上等客既司機
佢當然無對我地點
但大家記住都係唔好搵呢D人/男人
始終都危險
佢一睇我地印出黎個 碼頭名既泰文就即刻話好遠家~要行唔知幾耐bra bra bra咁講左好多野
之後仲話佢載我地唔知收我地幾錢去到個到
佢見我地話NO佢就"介紹" 左另一個係旁邊閒坐既男人我地
叫我地問佢..話佢好勁咩都識
咁我地唯有行過去問個個男人
個男人又係講類似D咁既野
我地就唔理佢只問佢下面個張圖點行
因為我地睇上面個網誌有睇到個網友會行經下面個個景點
佢就答左我地向邊個方向行
都係反考山路個佛像既方向行
所以我建議想行去搭運河既網友可以用呢個景點問下人點去易d
因為呢個建築物都幾出名同易認
泰國人應該都識去~
 
就係咁
我地就自己行
一路行一路討論點解D人係咁話好遠
後黎我地得出左個結論
應該我地指俾佢地睇個個碼頭泰國名係錯既..我地COPY錯目的地個個碼頭俾佢地睇
所以佢地係咁話遠
我地覺得佢地又唔會呃我地既..因為問左幾個人都咁講
好勒~唔理啦..keep住行睇下先
慢慢見到我地follow住個個blog既建築物
首先係馬路中心會見到下面一舊金色既野
 
之後就係我地就見到問人點去個個建築物
好~又到多一個check point
keep 住直行
行左都唔記得幾耐
 

 

之後見到個M記同一D分叉路
唔識行可以去M記問人
但我地太stupid
終於俾我地遇到騙子
我地諗住自己再撞下點行時
可能個樣太迷網
有兩三個又係閒坐係路邊既男人問我地想去邊
我地就問下佢點去個碼頭
又俾佢睇個碼頭名
佢就問我地去個到做咩
我地就話: BIG C
佢地就同我地講: 今日係咩大日子~BIG C唔開
我即刻意識到佢就係網上D人成日講個D大皇宮出面既騙子
所以佢一咁講我勁想笑
問佢BIG C原來都會唔開咁巴閉家
但佢再keep住講:我帶你地去睇佛呀~
我即刻講: No thanks~ 
之後就拖住蕩蕩走人
走左人之後蕩蕩居然唔知佢係騙子=.=
我話好明顯係啦..BIG C點會唔開呀..用腦諗下都知啦
真係頂佢唔順
咁都信..
咁我地憑自己直覺行

行行下見到同一個路牌
 

下一個目標係
 
有張女人既圖
聽聞係總統夫人? 有網友話應該係大公主~ 又知多樣野啦
過左佢就會見到下面好靚既一個裝飾
 
我地驚見路牌到有指去柚木皇宮=.=
我地決定放棄既柚木皇宮
我地當時有諗過好唔好而家行去..
當然就放棄左繼續搵個碼頭
最後
 
同你搵到個牌係Phan Fa Lilat就代表碼頭不遠了
經過埋下面好靚既一個建築
 

7-11旁邊就係個碼頭入口
 
條橋下面就係個條運河啦~


YA~終於到LU
 
上船先要俾錢
上船我地好驚..因為無人扶
但都OK~因為船上面有一條條柱
捉住再跳上船就得

船旁邊有D廉
最好拉起..因為D水真係會淺入黎
好dirty~
 

 

張ticket
thb 12
  
搭緊時最好數住幾多個站到目的地
我地去個個站好易認
見到plantium fashion mall座building就落船
去BIG C就係下面個碼頭落
 

 
好多人都會落車家呢個站~