佢不斷話very special
又話而家係個好popular既景點
好多人去睇
咁就衰左..俾佢dum左我地去
係水上市場到集合
打算上車時先發現原來我地唔係搭返原來個架車黎
車上面都唔係今朝個班人
變哂其他團既人
太sad la
因為架車好舊
比起搭黎架車差好遠囉
最衰係我地係最後上車
去到所有雙人位已經俾人坐哂
我同蕩蕩唯有分開坐
由水上市場搭車半個鐘都唔駛就到
去到落車後個司機會帶我地行一段路仔點去個鐵路市場
記住記住記得條路..因為之後要自己行返條路出去搵返個司機同架車
個司機就會係個鐵路市場一個位同我地講返幾點架火車會黎同埋幾點集合
之後佢就會走左人
我地就勁無奈..完全唔知要做咩好
唯有跟住D人向前行
但個時連車黎既方向都唔知
只係見人行就行
打算搵個地方好企D睇到架車黎
成個街市都係係個路軌2邊擺檔
所以我地行都係行係個路軌上面
同埋地下有D濕..路又凹凸不平..真係幾難行
加上又多人
發現旅客多過真係當地黎買餸既人
所以行緊時已經後悔黎左
一路行一路睇下有無空位可以ZIP
但D空位已經俾D旅客霸左
所以我地企左係個市場差唔多最尾個到
好啦..搵到位企時已經差唔多架火車夠鐘黎
差唔多夠鐘時D檔老闆已經收好哂D野等架車黎
架車黎啦~~~~~
全部旅客死迫難迫咁突個頭+相機去影架車..包括我
但當然影到人頭多過架車
之後架車駛到我個位時隔離檔個老闆好好人拍我叫我影下下面
喔~原來影下架車係D餸上面行過都無事~
架火車就咁行過
之後D老闆就好快咁放返D野出黎
就係咁完左=.=
其實有咩好睇呢
真係上網睇人拍D片就夠
人地D片更清楚
之後好無奈同蕩蕩去下廁所..驚之後搭2個鐘頭車會急尿
好彩我地有問到司機廁所係邊
係個個市場後面個火車站到
呢個就係個火車站
又係收錢既廁所~
一人thb 3
去完出黎驚見架火車原來仲未開泊左係到
就影下佢
架火車停左係到等人上車
啦啦~各位咪以為就咁完
我地打算行返去市場再出返去搵司機時
驚見D檔口又開始收埋D野
原來架車係會倒返轉頭走
火車倒返轉頭駛走
因為我地知時已經太遲..所以都無咩影到咩野
但記住唔好好似我地咁stupid走去廁所
留返係個原位等佢返轉頭再影過啦如果之前個次影唔到/影得唔係咁好
架火車走左後
我同蕩蕩就開始搵返個出口
但我地其實一開始無留意到個出口
所以都驚左一陣搵唔到
因為我地無呢個司機個電話
只有載我地去水上市場個個司機電話
到時真係搵唔到個司機都唔知點算
好彩..我地撞下撞下都搵得返
所以大家如果跟tour去記住認住佢帶你行個條路啦
去到齊人就開車走
又係咩都無買到
因為個到基本上真係一個市場
斷估唔會買D餸返去掛
所以上左車後諗返個呢個景點..覺得係廢
完全後悔黎過
無野特別..真係上網睇仲好
我就唔會推介人地去勒
特別如果只係去呢個市場而唔去個上水市場的話
搭咁多個鐘就係為呢個市場真係唔值囉
就算我係順便黎呢個市場我都覺得唔值
因為為左個車黎個一兩分鐘都無就俾THB 100又搭車搞一餐
下次都係咪搞
沒有留言:
張貼留言