台中台北7日6夜自由行 - 上引水產

上引水產係呢幾年台北新興既旅遊景點之一
係人話去台北, D人都實會講: 你記得去上引到食野
佢其實係一個海鮮市場
當然係好乾淨
入面仲要有一間好出名既壽司店叫立吞壽司
另一邊就係一個高級supermarket
有D似Aeon

我地係搭捷運去到行天宮站
之後可以揀搭的士or行去
我地最後揀左行去
其實如果有google map, 行去都唔耐, 大約15MIN左右

一入去就見到海鮮市場, 呢個唔係我地target, 所以我地當然無睇就行過

但我見都唔多人買, 平定貴我都唔知啦~~

之後因為我地太早到, 個企吞壽司10點先開

所以我地就係入面周圍行下
其實有一半地方係類似super market咁

行行下竟然發現D刺身好平!!

我諗一定平過企吞壽司

我地忍唔住買左盒黎食

咁大盒, 又咁肥美, 都係台幣180蚊咋!! 抵到爛

上引出面有D企位俾大家食野~好好家

一盒2個人食已經好飽, 因為真係好肥美~~

咁差唔多10:00, 就要去排隊食企吞

9:30已經多人了~

我地都等左一陣先入到

個到D野compare返台灣野, 我覺得唔平

但compare香港, 我覺得平少少囉

不過, 又要企係到食, 仲要收我service charge

我覺得唔抵

咁既價錢, 我寧願買左盒三文魚刺身食

食物質素, 可能我唔識食啦

我又唔覺特別新鮮, 咪同HK既一樣囉

所以, 我地都唔係叫左好多野食, 就閃人啦

下次再有機會黎台北, 我都應該唔會再黎呢到~~