只要搵到個同我地要去逢甲夜市個架車有接駁站就可以搭
好彩真係有
上左車再去一個好荒蕪既地方轉車
用左又差唔多成個鐘先到逢甲夜市
真係幾多人
開始掃街啦
1. 甘梅薯條
見到唔太知係咩, 但見都有人買, 就試下啦
食完原來係炸番薯者
係炸得幾好味, 但落個D味粉真係同個炸番薯唔太match
仲要食完都知係勁重味精
所以記住係台灣夜市食野, 成日有得揀咩味咩味個D都係唔好要, 要返原味最好
2.爆漿去骨雞腿卷
見有成5-6人係到排隊
心諗無死啦, 實好味
點知...一拎出黎, 車~~~~~~~~~~~咪腸仔
咩叫雞腿巻?
又加埋D味精粉
3. 炒麵麵包
蕩蕩一見到就話要買黎試
好出名家喎~
咁就買左茄汁肉醬味
咪就係意粉同麵包格梗夾埋一齊食囉
佢D茄汁味又唔重..好失望
後黎..先知原來成個夜市有好多間炒麵麵包
正宗個間超多人排隊
所以又得出個結論係去夜市要知道正宗個D店既名, 因為太多假野
正牌店
4. 手工粉圓
我地俾上面食過個D野食味精搞到勁渴
真係忍唔到要買杯野飲
所以見到有野飲就去買
我地叫左個佢話NO1 既黑糖鮮奶粉圓
都幾好
但蕩蕩話解唔到渴喎
5. 起司馬鈴薯
我同蕩蕩好鐘意食薯仔
仲有cheese
梗係要試下
叫左個肉鬆味
點知...又出事
個肉鬆味勁怪
完全唔match
D cheese又係味勁怪
個薯仔又唔好食
最後...食左一半就throw it away lu~
6. 米血糕
睇台灣節目時成日都會聽到米血糕呢樣野
但係HK真係無見過同食過
去到就梗係要試下
見又幾多人排除就跟風
一舊長方形既野, 上面有D蔥同西芹, 仲有D粉
主要係個舊糕, 係用糯米做既
其實我覺得都OK家
只食舊糕就寡D
但有埋D蔥,西芹同D粉就幾好食
但好飽同好滯
我食唔哂
所以都係食左一半就放棄LU~
7. 臭豆腐
呢間野係正豬血糕隔離
又係好鬼多人圍住
仲要有外國拍攝隊係到拍
睇黎真係好出名咁喎
咁我地買一盒試下啦
點知真係好大盒
佢叫就叫臭豆腐
入面個個人仲要戴哂口罩
以為有幾臭啦
點知原來同HK D臭豆腐唔同
完全無臭味
都唔明佢做咩叫臭豆腐
佢出面就淋左D甜甜地既汁
到個主角臭豆腐, 個外層真係炸得幾可口
但內裡...怪怪地
好似變左味既豆腐咁
怪唔得叫臭豆腐啦
我地食得好辛苦, 發現真係食唔落..點解係夜市買既野無樣岩我地口味??
8. 印度拉茶
係我地決定放棄夜市D小食, 打道回府途中
見到呢個檔口
好似好特別喎
就買袋印度拉茶黎試下
個男人會表演佢既拉茶技術
當然幾好睇
但我著重好無飲多D
佢用個膠袋裝住, 好特別
幾好飲喎~重點係重茶味~我鐘意
9.雪糕
呢檔口係印度拉茶隔離
見好多人拎住杯
咁我地都試下
佢講明唔加水
食落口真係同我係HK食開個D唔同喎
真係幾好味喎
正~
10. 免剝殼旋轉烤蝦
故名思意, 就係個蝦可以成隻食, 唔駛剝殼
但我覺得買既人多數都唔係為左食隻蝦
而係為左睇佢睇佢部機
望住隻蝦由生變熟
不過真係要等幾耐先有得食
11. 牛B葫蘆王
呢間係出名既店, 終於食得一間店係正宗而唔係假野
佢係D凍左既水果, 外面有層糖
佢都有教食用既方法
但要諗下先知點食
12. 燒粟米
因為蕩蕩好想食, 所以買
要等勁耐不得止, 仲要唔好食
個粟米勁淋, 唔知想點
佢用既燒汁又唔好味
唔會再試
行完成個夜市
發現真係唔係好岩我地既胃口
亦都因為咁, 我地cancel埋第二日打算去既夜市
行得咁辛苦, 不如留係酒店休息下
行完呢個夜市既心得就係: 要食正宗間店~ 唔好咁易俾D假店迷惑住
夜市真係好多野食，好豐富﹗不過個胃得一個，真係要揀間正宗既，咁冇死﹗
回覆刪除[版主回覆06/22/2013 14:33:14]無錯...可惜我食極都係D冒牌貨/.\