整牙套篇1

話說我杜好左牙根
麥醫生只會杜牙根..唔會整埋牙套
所以佢就叫我去返張心怡醫生到整
因為我係張醫生轉介過去既
本身我一開如無諗住返返去張醫生到整
唔係因為佢唔好
而係因為我係前排JOIN左公司既dental plan
係JOIN 恒健
佢3百幾蚊包洗牙一次仲有其他野
咁我去睇諗住話哂都JOIN左PLAN應該會平D啦
點知個日去洗牙順便問埋個價
點知洗牙由個牙醫自己洗
但我真係未試過咁差
D洗牙水係咁流出黎
佢都顯得有點手忙腳亂
我個時已經驚驚地由佢黎幫我整牙套
之後洗完佢再幫我照埋X-RAY
發現我有3隻牙蛀左
咁我就叫佢話埋俾我聽補牙同做牙套既價錢
哇~點知貴到喊
牙套要3千幾
補牙都係由3百幾至4百幾一隻
我拎住張報價單都不禁皺哂眉頭問已經係優惠左家啦?
個護士話係
咁我就唯有話等我再睇睇先
就走左人
心諗咁貴不如去返張醫生到整啦
話哂佢技術應該好過呢位醫生掛..
咁就走左去book張醫生
本身諗住之前都俾佢檢查過牙齒所以唔想請咁多假又檢查多次
直接諗住第一日就去整牙套
點知張醫生話唔得! 佢話因為隔左上次睇都有一段時間..佢想檢查多次先..同埋同我講多D關於牙套既野先再整=.=
其實我都約略知牙套係咩同埋有咩類型
不過佢話要就唯有咁啦
第一次去見張醫生佢手上已經拎住我杜牙根隻牙張X-RAY圖
我幾supprise
估唔到原來麥醫生會俾張圖佢
不過仲好
免卻再照多次x-ray既麻煩
咁佢就拎住張x-ray同我講下啦
佢除左發現左我杜牙根後面隻牙蛀左外..仲讚美下我杜牙根個隻牙
因為專科做既關係..杜得好靚=.=
我真係唔識睇..但成萬蚊做..做得唔靚我會殺左佢囉~
之後醫生問我補唔補返隻牙
咁我心諗補啦..唔係蛀落去都唔知會點
張醫生之後就同我講解下成個做牙套既過程
不外乎係磨細隻牙=> 倒模=>拎去工場做隻牙套出黎=> 一個星期後套返隻牙套入隻牙
張醫生就話佢會幫我磨細隻牙時順便幫我補返後面隻牙
之後佢就再同我講下唔同牙套物料既分別
叫我揀
有3款: 全瓷, 半瓷半鋼, 全金
全金一定唔要啦..咁樣衰..人地以為我係阿婆
全瓷就貴過 半瓷半鋼因為難做D wor
全瓷主要係for 門牙既
因為美觀問題
咁我個隻係大牙..所以我就揀半瓷半鋼
半瓷半鋼就係指外面都係瓷面入面係鋼面
無全瓷咁美觀既原因係因為佢條邊都會有少少鋼面走出黎
所以放係門牙到既話都會無咁靚..怪怪地囉
我大牙梗係無所謂啦..邊有人咁留意我隻牙
全瓷就係最出面同入面個面都係瓷面..但唔好以為成隻牙套都係瓷黎..其實係出面同入面既瓷面中間都係鋼黎家
如果成隻牙套得瓷既話就唔夠堅梗
全瓷既牙套除左美觀上有需要時就會用外..另一個原因係有D人對鋼有敏感..所以就要用全瓷
我一直對任何野都無敏感
所以就唔駛用全瓷啦
咁張醫生講左咁多野俾我知後就叫我揀
咁我當然揀半瓷半鋼
OK哂約下星期其中一日黎倒模
不過佢臨放我走時問埋我駛唔駛打麻醉針
LOL

我心諗唔係掛..做牙套都要打麻醉針?
我問佢點解
佢話因為拆個臨時牙圏(牙圏係杜牙根成個過程時一直戴住..用黎臨時保護住隻杜左牙根既牙..以免係杜牙根其間至做牙套前食野時會整壞隻牙..會係做牙套時除左佢) 時會整到D牙肉..打左就唔會痛
我就問除個牙圏要幾耐? 如果快就算啦..可能2,3下除左..咁都唔係痛2,3下..點都無打麻醉針個下痛咁耐掛
張醫生就話唔知家喎..佢話你個牙圏好match你隻牙..所以應該都幾難除=.=
咁者係要打啦
算啦..我杜牙根都打得多..接受了
張醫生就叫我諗下..下次做牙套時再話佢知要唔要落麻醉藥
另外提起個牙圏..諗起有網友問過我可唔可以唔做牙套
咁張醫生都有講過
佢話可以! 話有人因為經濟能力負擔唔起所以無做牙套
因為我地杜牙根時隻牙就會有個臨時牙圏套住佢
起一個保護作用
咁一直唔做牙套就用個臨時牙圏當係牙套囉~
當然無牙套個保護作用咁大啦
但都好過無
同埋個臨時牙圏唔係同隻牙度身訂做
佢只係牙醫係D fix size既牙圏中搵個最岩size既套住隻牙
所以保護起黎都無咁好
但張醫生話我個牙圏真係同我隻牙好岩size wor
好fit
不過我都係會做返牙套..安心D^^
好啦~ 等下星期做倒模~
下一篇