首先我就話我要落麻醉藥..
我都係怕牙肉痛
咁就打針again..
今次打針無杜牙根個D咁痛
張醫生話因為杜牙根要打多一個位
個個位係最痛
i got it
個個位真係好鬼痛
痛到入心入肺..
咁等麻醉藥發揮效用時就開始啦~
開始前張醫生已經好好同我講話想去廁所就同我講聲..又話有咩唔舒服就舉一舉手
令我好貼心
首先要拆左個牙圏
點做我唔知
但都幾暴力
好彩打左麻醉針所以無咩感覺
之後磨細隻牙都無咩感覺
反而補個隻蛀牙時就好痛
原來麻醉藥係舒緩唔到鑽牙個隻痛家!!
可能我太明顯咁握實拳頭
所以連張醫生都知我痛
佢就話: 痛到忍唔到既話記住要同我講喎..其實你已經好叻家啦..捱過左杜牙根..呢D痛無需要再忍!!
聽到佢咁講真係覺得好感動
因為一直以黎同人講我杜牙根..無論家人定朋友定同事都只會喔一聲
但一直都好似無人關心痛唔痛..問候過我
但張醫生咁講就好似知道我地杜牙根個隻切身之痛..
杜牙根呢D野真係有苦自己知
無論點樣用筆墨都形容唔到個隻痛
忍一忍就過左勒
之後就印牙模
係真正印前張醫生有俾我"預演"一次
佢自己整左D泥膠咁既野俾我咬一次
呢次咬哂2邊
D泥膠當然唔好味..苦的!!
但要咬住5分鐘
唔可以郁
預演呢次係之後用黎做出我成排牙咬合既情況
好得意家
望住自己排牙
會諗: 原來我排牙係咁既~
張醫生同麥醫生係之前已經講過我D牙係咬唔埋
一直以黎我係得左右2邊4隻大牙幫手咬野
所以負荷好重
由個模型睇得更清楚
原來真係家
我好緊張問張醫生係天生定後天搞成
佢話天生
佢話天生人既上顎係突出過下顎
但我就唔同
我下顎突出過上顎
所以令到我D牙合唔埋
佢仲話如果我要改變其實都幾大功夫
cool牙都唔得
要做手術
不過佢就話: 其實你都咁耐囉~你又無咩大問題e.g.漏口等..都唔駛搞咁多野啦!
我totally agree~
我一直以黎都唔知自己有呢個問題
都過左咁多年
就算啦
預演完後就到真正印家模
今次印既牙模就係用黎交俾工場做牙套既模
連用個舊泥膠都唔同
係好黏家
所以張醫生會係我個嘴附近塗一層花士霖
醫生話咁就附止D泥膠痴實左我個嘴..如果無查既話會痴實你個嘴扯唔返出黎
查完就塞舊泥膠俾我咬住
哇...苦到呢...仲要咬10分鐘
好鬼辛苦
之後除出黎個下要用力拉開我個口先得
因為舊膠個痴力真係好勁
幾驚我D牙會扯甩LOL
完成哂張醫生就會用膠整個臨事牙套套住我隻牙
用D膠水痴住
但就叫我唔好食香口膠個D
因為個牙套真係好臨事
如果甩左要返返診所叫張醫生痴返
咁我梗係好乖盡量唔用到個邊食野住
so far一個星期後都無甩到
搞掂哂就等一個星期套上個牙套~
到一星期後套牙套時
原來先係我既惡夢
咪以為套牙套好簡單
只係將個牙套套入隻牙到
如果你真係咁諗你就錯啦
首先套牙套係無打麻醉針
所以牙肉又會承受哂D痛
為何咁講呢?
張醫生會先除左個臨時牙套
好簡單就除到出黎
之後醫生就會係新個個度身訂做既牙套入面加入強力既膠水
加滿滿後就好大力塞入個牙到
呢個都唔係問題
塞左入去再做返D調整e.g.磨下隻牙令到個咬合更好
我就有要求將隻牙磨返入D
因為唔知點解我覺得新個牙套好似突左出黎咁..條利成日頂到佢覺得好怪
咁磨完就到最痛苦既時候
連張醫生都話佢每次做呢一步都覺得好殘忍..佢都唔忍心
因為D膠水會由個牙套到必出黎
令到牙逢中間都有膠水
所以需要用牙線將好逄中間既膠水整走
張醫生用牙線好大力咁挫入去
每挫一下就好似俾條牙線係牙肉到介一下咁
好鬼痛
因為D膠水太多太堅強
真係整左好耐
最好幾經辛苦終於搞掂
當然牙肉就流哂血
最後走時張醫生仲不斷咁講辛苦哂你
我幾suprise
居然有醫生會咁講
我就話:辛苦哂你就真
佢即刻話: 點會呢? 你要忍受個痛
走既時候仲帶住張醫生俾個份溫暖~真好!!
張醫生人真係好
都未遇過D牙醫咁好人咁親切
一路鼓勵你一路關心你
張醫生每做一樣野都會講得好清楚同埋會有咩感覺
我覺得係因為佢睇開小朋友多
所以每個客人佢都當小朋友咁好
其實佢咁既態度真係好好
因為好多大人都好驚睇牙醫
我覺得真係好難得有個咁好既牙醫
以後牙有咩事首選一定係張醫生
