琴晚
經歷左一個我覺得有成日咁長既十分鐘
令我(and屎ying?) 又崩潰左成晚
久久不能平伏
雖然placement我覺得整體黎講係好唔錯
但梗係會有感到十分有挫敗感既時候
偏偏就唔係工作上
而係待人處事上
工作上我係放一百個心
因為我有好多"後盾"
遇到唔識既野一定有人幫我
同時間競賽先係工作上唯一令我感到有壓力既地方
偏偏係同人相處上我梗係覺得自已做得唔好
當然整體上係無問題
但深入去睇獨立一件、兩件事時
每次事後我都會對自己當時既表現感到好失望
所以每次都係一陣風吹過
第一次係我衰多口
因為同D朋友玩得太癲玩慣左
去到公司以為擺返同朋友相處個一套出黎就OK啦
點知咪死囉
個次我深深明白到同同事相處同同朋友相處係2個截然不同既模式
同同事相處既方法真係需要多d時間去鑽研鑽研
因為覺得同同事相處係要拿X得好好
太疏離一定唔得啦..埋唔到堆
太CLOSE又唔得..因為每位同事既性格唔同
佢地唔係好熟你個為人
太過火又唔係人人接受到..唔係人人都好似朋友咁包容我既錯失
總之仲有大把野等我去好好學習學習啦
琴晚個次貌似無咁大煲
其實仲令我有更大既挫敗感
以為經過上一次有所進步
不過面對一個人對你掏心掏肺
但我只係得個驚慌個樣
只能答..喔..係呀..i see
完全係諗唔到講咩
腦入面一片空白
到個個人都睇得出我好驚嚇..唯有好落寞咁走
我又知道我根本幫唔到人..即使我好想幫..
真係有心無力..力不從心簡直係我既寫照
之後仲要衰多次
唉
點解我每次都會壞事呢
其實一D好簡單既安慰說話都講唔出
一D關心既慰問都會覺得難以啟齒
我真係咁無膽咩?
每次大煲後就只會好慌張..再求助於朋友
可能..我真係無咩見過大風大浪..
每年都算叫平穩咁渡過
一有就只會縮去朋友到
未經過咩大挫敗所以呢二十一年就好似咩都無學過
除左書本上既野外
鼓勵人唔識..安慰人唔識..激嬲人唔識點補救
因為..呢D都係我之前個二十一年未遇過的
再加上圏子窄
就當然有咁既後果
不過都好既
總算及早試過啦
第一次衰左唔知要點做..只會一個人好擔心..好慌張
見到浮板就仆過去..只識問人點算..只識諗點算點算
根本唔知諗完要行動
第二次醒左少少..知道要點做
但只係照板煮碗咁將第一次補救既放法用多次
呢兩次之後
我發現sms係一個偉大而有用既發明
可能對於我呢D唔敢講出口既人黎講係好有用
有咩都用sms講哂
避免面對面既尷尬
亦都可以俾我諗好耐..諗清諗楚自己要講D咩..要點講出黎好D
唔似電話咁考即時反應
I LOVE IT!!
不過..始終都要學習點樣可以好自然咁面對一切人、一切事先係治標又治本既做法
我都學會..我真係有好多好多野要學習改善
但呢D..真係要一點一滴累積返黎
枉我仲上過GE個科人際關係堂
好似..唔咩有用喎
有用我就唔會每次都搞到自己食唔安訓唔落啦
真係係現實中學到既野比上堂學到既更多..感受更深
就係琴日..有一個人令到我有咁深既體會
佢既行為真係令我好欣賞同感動
雖然SMS講過
但都多謝哂~!
同埋都要講句對唔住..我講既野都好似好癈
咩都幫唔到
希望你快d好返啦...
你一定可以搵到個更好的!
TRUST ME.
沒有留言:
張貼留言