返工

返工都返左....個幾星期掛，係咪妒忌我？呵呵呵~~~好你少少咁啦

 

因為蕩蕩下午去左返工，我無得發表偉論，所以我唯有寫BLOG。

返工好叻咩..啍～

 

份工幾好呀，雖然返得少，但幾開心，

 

我諗呢份係我做過幾份入面最無咁辛苦既工掛。

 

最先個份人流統計員就唔計啦，太MINOR了，同埋得個累字。

 

之後個份工廠-.-|||，雖然賺到唔少錢。但...個D錢有血有淚的...

 

同埋係班師奶入面梗係有D格格不入，因為我實在太YOUNG了

 

之後份PART-TIME元氣，雖然做得唔長，但..就係咁囉，你明我明，係咪？

 

之後就係呢份，D同事都好KIND，

 

無解啦，佢地做開呢行係比較仁慈，我唔識既野佢地都會教我..

 

比起蕩蕩，我覺得自己好幸福。

 

好似佢比同事排斥，所以佢成日係LUNCH TIME打黎同我吹水，

 

不過我都好明白佢既，有個咁既大粒野，POOR～

 

雖然份工都無咩大問題，但成日要TALK TALK TALK。

 

第一日真係唔得，頭2個HR我覺得我把聲己經越來越細聲啦，仲係到狂飲水。

 

但星期二同四就好D，反正我都係得閒先講幾句，

 

但無得坐囉，要行黎行去

 

不過返左個幾星期，好似己經習慣了。

 

同埋知道原來D伯伯同婆婆都唔係太難教，仲好好人，會問你凍唔凍，

 

AND我唔識答佢地問題都無鄙視我

 

最鬼異係佢地都好IN，有個伯伯拎左個記憶卡同個CARD READER俾我叫我幫佢插，

 真係O哂嘴，我咁大個女都係第一次見到CARD READER，仲要問我點插..

 

我梗係唔識啦，為免個伯伯係到鄙視我，我啦啦聲去問人，

嚇死我啦..但個伯伯好似更加鄙視我囉

 

仲有D學生想學FLASH－我唔識

之後又有想學接駁音樂－我都係唔識

 

又有想學寫網頁－呢個就BECKY唔識..

 

SO可想而知D伯伯同婆婆幾好學AND有錢，一堂要50雞的

 

至於今日，上午教左個學生WORD同小畫家，

 

都唔知係我太TIRED定呢2個科題太悶，我都唔咩想出聲..個學生講野我都唔咩想講野，太頹了

 

不過之後先最頹係要派傳單，係葵興MTR前派..

 

阿SAM知道之後細細聲同我講叫我唔駛派走佬-.-|||，咁會唔會衰左D??

 

雖然我唔咩LIKEY，不過賺人錢梗係要做返D野

 

我從中做左個非正式的統計：原來男人拎既機會高好多，我既結論係因為我太美麗了

 

SO EVERYBODY，如果你地要派傳單就專派俾男人，不過以你地咁既身材...咁就..算吧啦

 

之後呢，有2個人問過我路，答到1個人

 

不過有一個，可以叫阿禪既人，

 

佢叫我派傳單就入D派，因為有蔭、唔會曬

 

同埋有人會拎左你既傳單會講唔該，真係咩人都有