09年回顧

話咁快一年又過去啦

我又老一年啦

真係唔認老都唔得

腰酸骨痛

所以我見到有凳就最開心

即刻飛奔去坐

09年好似比起之前幾年更精彩

因為placement既關係

前幾年只記得不斷上堂..做assignment..溫書

就咁就一年

雖然Placement都係返工等收工..星期一等星期六

不過..間中既低B野、識到既人同埋經歷都好值得回味

話就話係出黎做野

但我點都覺得似渡假多d

因為比起final year

返工真係得閒好多

星期六日又可以去玩

唔駛留係屋企做功課溫書

可能係PP既關係

d同事對你個要求唔會高

仲會對我好似佢地個女咁TIM

俾人照顧既感覺真係好

返工都返左半年

真係話短唔短，話長唔長

記得一開始唔熟時..每日返工都係渡日如年咁

返工第一日就後悔了..後悔揀左placement

心諗: 點解同屎盈講既placement生活唔同既..

我D PP同學仔去左邊?

過左第一日就知原來真係唔同

我呢一年既伙伴係我既同事唔係我PP既同學仔

大驚

一開始無野做真係好悶

不過..過左2,3個月

每日同佢地出去食飯就慢慢混熟了

而家俾佢地串AND恥笑已經成為佢地既嚐好

不過咁樣仲好

認認真真好悶家嘛

我真係好慶幸俾V姐揀左入佢TEAM

因為我覺得係呢TEAM真係幾好

至少我地比較同心 & 白痴

睇到某D TEAM..我真係好難想像點樣係個到生存

一定DRY到爆

另外係呢半年最記得就係係咁俾人炸

炸左3獲

我D同事話我係3個最既PP

最串嘴既PP、飲得最多喜酒既PP同埋最無知既PP

真係唔知開心好定唔開心好

半年飲三餐喎

好彩個時同佢地熟左

所以去飲就當去見下世面
SO AMAZING

每次去都有唔同既感覺

ELLEN姐個次既期待又有少少驚

阿恒個次覺得去同D同事REUNION

V姐個次簡直係當食生菜同埋去玩

V姐個餐搵日再寫出黎

我生日個日佢地幫我慶祝雖然有少少尬尷

但我都好開心

佢地對我咁好

呢年算係我最開心既一年生日

前幾年生日都係溫書

今年生日同佢地食完午餐

又有肥棋請我食晚餐

真開心

所以我覺得請佢地食TEA食野食都係賺左

佢地俾到我既野真係好多好多

今年我都經歷左佢地望左好耐既搬新屋

由舊房搬到新房

感覺同佢地又close左好多

因為henry坐我隔離

反正我最鐘意就係同henry吹水

簡直合哂我心意

同埋可以係呢一年試哂2款工作環境

令我發現

OPEN AREA都唔係太差姐

至少成TEAM真係會團結好多

最後..發現09年只記得PLACEMENT既野

09年前部份我一D都記唔起..好似一片空白

所以..我真係好鐘意呢份工同埋D同事

希望我下年都可以KEEP住呢個心態啦!!

除左識到班同事、學到野外

我09年都好開心我可以有時間運動同陪我既家人同朋友

之前..我真係太著重學業啦

初中時就唔識太珍惜呢D野只掛住玩電腦

到左高中就開始忙會考同高考

根本無時間陪朋友同屋企人

到左大學又鬼死咁多功課同考試

就算放假都只想休息下

今年經歷左一D野

令我知道屋企人同朋友既重性

今年..正好

可以陪屋企人飲茶食飯

可以陪朋友出街吹水

真係滿足

不過我都知快樂既時光過得特別快

好快過埋下年既頭半年

恐怖既FINAL YEAR又殺到啦

真係要好好享受埋接下黎個7個月

2009年 Low B Club 大事回顧

 

+ + + + + + + + + + +  Low B Club 2009大事排行榜 + + + + ++ + + + +

第一位: 屎盈搭上了顥丞

 

呢件事簡直係震驚整個LOW B 界及IT界及放射治療界

 

成為左各個LOW B人茶餘飯後既話題

 

成件事是咁的

 

屎盈之所以搭得上顥丞都係全靠2個紅娘--水水同埋wing yan

 

係佢地既極力既推薦及X擁(請教我寫)下

 

顥丞最終都係落搭

 

打左俾屎盈作出左一個令佢一世都會遺憾既決定

 

所謂一生足成千古恨就係咁啦

 

屎盈即刻咬住顥丞唔放

 

仲極力約顥丞係太古城幽會

 

孤男寡女係太古城相處左成幾個鐘

 

我曾經問過屎盈佢地做過咩

 

但佢唔願意透露..真係小氣

 

佢只強調無食飯囉

 

睇黎佢真係為左之後有藉口再約顥丞出黎

 

真係深謀遠慮、十分有手段

 

不枉係最有機心既人

 

好野好野

第二位: 顥丞被屎盈搭上了

 

(內容同上，不再重覆，歡迎肥FAN以顥丞角度撰文一篇)

 

第三位:澍澍結婚了!!!!!屎盈唯移情別戀顥丞+DD

 

澍澍終於係今年同miss so拉埋天窗

 

呢樣野都唔詭異..話哂澍澍都咁大個

 

最詭異既係居然請我地去

 

可能佢想叫屎盈死心..佢只愛miss so一個

 

屎盈個日著到成隻雀咁諗住去踩場

 

佢去之前仲當住我同肥FAN面誓神砍願話要將澍澍從miss so手上搶返黎

 

不過..佢居然係婚禮到見返佢既舊情人--DD

 

DD一個既燦爛又含蓄既笑容完完全全將屎盈"夫老"(請教我寫)

 

佢地就係咁舊情復X(請教我寫)

 

而係呢個moment..大家都睇唔到既係left foot望住屎盈同DD

 

繼續係屎盈背後一邊落淚一邊默默祝福佢地..之後慢慢咁fade out

 

之後內容同上

 

從而得知屎盈搭上顥丞時係一腳搭緊2船家

 

不過屎盈係同顥丞第一次約會後突然良心發現

 

前一晚屎盈仲好忐忑同猶豫不決究竟係咪應該拒絕顥丞

 

最後都係拒絕顥丞第二次既約會

 

係第二日佢就好似left foot咁含著淚光send左封絕情sms俾顥丞

 

顥丞亦都只好無奈地接受屎盈既決定

 

+ + + + + + + + + + + + + + + + + + 完 + + + + + + + +  + + + + + + + +

ice-cream cup

好耐之前係千色店見到佢

個樣好似好靚咁

忍唔住買左返黎

經過我幾個月既奮鬥

我終於完成

不過仲未拎出office到擺

因為..無膽

但係..我覺得佢係我整咁多個入面最好睇既一個

遠睇係OK..近睇就..唔建議囉

至少..理想同現實唔係差太多

理想

:

現實

:

同場加影我既智扣系列同埋成日對住我笑既多多

 

我覺得我有少少鐘意佢

生日

前日係我生日

 

真係有喜又有愁

 

愁個單都唔想再提

 

總之就一言難盡

 

諗住同屎盈傾訴下

點知佢居然叫我唔好再煩住佢

 

呢d咪係人情冷暖囉

 

去左hsbc之後就當哂我地死

 

算吧啦

 

本身我都諗住靜靜地咁過左我個生日

 

呢d野俾同事知道左就唔好啦

 

之前就見過有2位同事俾人發現左佢地係個一個月生日

 

咁就"拿"野

 

全部人請佢地食lunch

 

唉

 

唔好意思家嘛

 

所以我都諗住應該無人發現

 

點知前一日就俾人篤爆左

 

facebook真係一個害人不淺既社交網站

 

我第一時間就埋怨henry

 

點知henry好無辜咁話唔係佢..係shirley

 

我就大驚

 

真係無諗過

 

咁佢地就叫我諗定第二日食咩

 

 

我當晚放工後又諗住同屎盈討論下呢個問題

 

佢講左2句之後又叫我過主

 

唉

 

呢d咪係人情冷暖囉

 

當日我就十分苦惱

 

好啦..

 

生日當日以我毫無主見既性格一定做唔到一個咁大既決定

 

所以最後都係v姐話事\^0^/

 

去左權記食飯

 

仲叫埋壽包tim..囧

 

我咁大個女第一次食壽包

 

原來壽包入面有蓮蓉家

 

之後開開心心食完個餐

 

俾錢個下...表過不提

 

直到shirley拎出佢個布丁叮俾我食

 

我其實真係好多謝shirley

 

佢專登買同帶返黎俾我地食

 

但我地又唔生性...再表過不提

 

之後同ba ba討論我個function討論到7點到就閃人

 

無啦啦走走下肥棋就打黎

 

佢都岩岩放學

 

係mtr相遇後佢就請我去食飯

 

 

雖然佢唔夠錢..不過好過無啦

 

wing yan都有send sms祝賀我一番

 

係途中水水曾經打過黎..但miss 左個call..

 

唯有返到home再打返俾佢

 

佢祝賀完我之後就發表佢fyp既偉論

 

係我臨近生日既尾聲時

 

我就係到諗:仲差屎盈同肥fan bor

 

 

咁我唯有第二日返工上去facebook check下

 

上到去only見到肥fan同wing yan既留言

 

今個生日我十分多謝我d同事

..becky

..wing yan

..水水

同埋肥FAN

 

至於一直潛水既屎盈

 

你真係要反省下

 

自己個生日風流快活就得啦

 

唔駛理我家啦

難為我約你出黎食飯你都推我

 

唉..呢個咩世界

 

呢d咪叫反轉豬肚就係屎囉

 

雖然我都ignore哂佢地既生日..但你睇下佢地幾自動自覺

 

你做過d咩呀?

 

nothing

 

真係nothing come from nothing囉

 

我對你真係好失望

 

你而家自唔自卑?

麻木期

前幾日又hea左幾日

 

又無去跑步

 

唉..唔生性

 

都係阿邊個

 

搞到我自暴自棄

 

我點解會同佢一齊placement家

 

我都唔知係咪前世得罪過佢

 

佢下下都要串我

 

我做每樣野都串我

 

佢仲要教壞哂阿Joe 既lion

 

真係每個月對佢一個鐘都噁血

 

我地擺明就係2個世界既人黎家啦

 

好心佢就同返佢星球既人傾計算啦

 

做咩要理我先

 

不過可能我之後黑佢面定係佢突然間良心發現

 

佢居然reply我封email

 

咁就算啦..

 

之後上星期四去左睇專科

 

排左成年終於有得睇

 

點知一搞就搞左2個幾鐘

 

真係唔知佢搞咩鬼

 

政府既野真係咩都慢慢黎

 

約10點

 

點知佢成10點半先開始睇症

 

好彩我早到

 

所以好快就到我

 

但個醫生就不知所謂囉

 

咩都唔同我講

 

仲同我睇睇下病時傾電話

 

真係O哂嘴

 

同我X例check 完之後就叫我去照x光同排物理治療

 

個x光房真係幾恐怖下

 

入到去得張鐵床同X光機

 

之後就空空蕩蕩

 

訓上去真係有做手術既感覺

 

不過就咁訓係到..個放射師會幫你對好位

 

影左2張就閃得

 

本身諗住同屎盈一齊食Lunch

 

點知係unexpect佢搞咁耐既情況下

 

我唯有帶住我既罪惡感同我d同事食飯

 

講起guilty就唔開心

 

呢單野就係因為我咳同感冒期間將d病毒傳哂俾我d同事

搞到v姐發哂燒要請病假

搞到阿峰有少少咳

搞到henry有少少感冒

成team都病就係因為我一個人唔戴口罩

 

係個一日我深受折磨

 

見到V姐更加無地自容

 

而家V姐仲未好返..

 

都係我既錯

 

下次我唔會再相信D奸炸+心機重既人講既野

 

真係上左一堂重要既一課

 

前排我地team既人因為受到v姐定情信物既影響

 

所以牽起一陣智慧環既熱潮

 

繼我買左幾個智慧環之後

 

henry又拎多3個返黎

 

仲未解到...點解咁難..

 

佢地又個個都解哂啦

 

我仲係差下面個個

 

真係好煩

 

henry話2步就可以解到

 

但點解我仲未解到

 

煩死我

 

我已經日日返工同放工密密地係地鐵到埋頭苦幹

 

但都係無成果

 

 

呢個都搞唔掂點挑戰再難D個2個

 

ok易..我買黎都係為左做鎖匙扣ONLY

 

近排返工返到好麻木

 

好似已經無左之前個種興奮啦

 

每日返去就係係咁做野

 

唉

 

so dry

 

仲會有咩新衝擊呢

 

今日v姐派帖啦

 

 V姐真係好識做人

 

佢請哂成層樓既人食西餅

 

當然D西餅我有份去拎同揀

可見我係幾咁重要

 

V姐就一邊趁人食TEA時一邊派佢既喜帖

 

咁樣無份收既人就唔會好尷尬

 

因為個個都掛住食

 

V姐真係諗得好周詳

 

大家將來可以效法下

 

就係咁我月尾又有得飲了

 

但大家應該會好期待呢餐掛

 

因為好多人會去

 

仲要係一個同我地咁CLOSE既人結婚

 

所以GARY已經準備定個人會係咁砍酒

 

佢啦啦聲申請定第二日請假

 

真係勁恥笑佢

 

 

 

中間個個標誌係V姐專登設計家..睇唔睇得有咩含意呢?

 

中英對照..應該係為左阿JOE..

 

 

今日狂煲原來是美男啊

好靚仔呀

 

超好睇

 

我已經一日衝左4集

 

好彩已經大左結局

 

咁我就唔駛每個星期等到頸都長埋

 

之後又有套韓劇「魂」好似幾好睇

 

但係講鬼既..我又驚

 

之後我今日又發現原來NIP TUCK已經出左第6季啦

 

又要追

 

日劇方面好似「血色星期一」同埋「白色的春天」聽聞幾好睇

 

點算呢..咁多好野睇

 

睇死我

 

最後俾你地欣賞下屎盈好想入去既青衣城SANRIO