上星期經過屎棋既極力邀請後
我終於都陪佢去睇佢好想睇既"2012"
我地好彩前一日就去左買飛
又咁岩開左一場新場
所以我地都算買到一個幾後既位
第二日一早就起身去
本身都好地地
但後來我前面個個人黎左
頂..咁鬼高既
好心咁高就咪坐咁前啦
搞到我成2個半鐘都係側哂成個身去睇
睇到我條腰又痛
真係幾好睇都會扣緊d分
我走時同屎棋講下次都係坐情侣位
至少無呢個問題
個劇情都OK既
上網同埋同事都有講過有咩好睇同有咩唔好
不過呢D戲真係要係戲院睇先震撼
音效同埋大影幕先令人有身同感受既感覺
如果買DVD或上網睇
一個MON仔..一個擴音器
點帶得出個氣氛呢
所以就呢個位我覺得幾好
至於劇情
去之前都聽得人講得多話無咩劇情、好散等等
所以去前無咩期待
一開始睇真係有少少迷網
捉唔到個重心
好彩慢慢睇落去都OK
但個戲情對個個主角真係誇左D
咁都死唔去
唔係掛
仲要係一而再再二三都係咁
死左可能會更reasonable、令人更深刻
但都有少少感人位同笑位既
笑位笑到戲院D人拍哂手掌
感人位就係個個印度人?
應該係印度掛
本身以為得我同Henry有去睇
點知返到黎發現原來好多人都睇左
佢地既評語都係好壞參半啦
但我就覺得幾好啦
不過比起上次睇個套twilight
好似睇完twilight興奮D..同埋令人想追落去
睇完2012..只會感到: 喔..就係咁
所以我幾想下個月睇twilight
之後既星期二就係vincent探我既大日子
其實我都覺得無咩野
最擔心都係佢要我同v姐一齊三人會議
點知到個日就開始有少少擔心
再俾阿廣兇一兇
即刻淆哂底
到下午時..連henry都睇得出我好擔心
唔通我真係做到咁出哂面?
不過都約定既時間到..vincent先打俾我話佢而家岩岩到
不過佢好快探完個同學仔就黎探我
係我同v姐係門口等佢時
老闆居然將佢到門close哂
搞到我同v姐O哂嘴
駛唔駛咁驚呀
所以我覺得老闆係唔鐘意我
之後因為無房間既關係
V姐同vincent只好係個open area到傾住計
v姐講咩就聽唔清楚啦
只聽到vincent係到問問題
v姐傾左一陣就到我傾
佢都係問下我返成點呀..做得開唔開心..同同事相處如何呢D問題
好快佢就走LU
真開心
我簡直如釋重負
呢單野過左就等星期六阿恒個餐喜酒
只要過埋我就暫時無大煲野住
琴日去飲阿恒個餐之前先去上環個間野到買智慧環
鬼叫我無智慧咩
好彩爸爸陪我去咋..個到真係幾恐怖下
我唔係指個間舖恐怖..而係周圍既環境
個條大街沿路既舖頭都關哂門
仲要無咩街燈
行左好耐去到橦商業大廈
搭上9樓
一開LIFT門真係嚇左一嚇
仲要推開個防煙門行到最盡頭先見到間野
好彩間野都燈火通明
打開門口
而個個看店既人係一個女人
咁都安心D
不過個到我覺得只係一個貨倉
好彩都容得下我同BA BA係個到揀智慧環
揀左好耐我地終於都買左4個
2個簡單2個難D
買4個都係因為個扣後面有coupon
買一送一
咁梗係買多D啦
買完我就好滿足咁同ba ba去阿恒個到
去到leo已經到左樓下
會合埋佢一齊上去
原來成張枱我地最早到
見到gogo..佢居然做兄弟
同henry同一命運
睇左一陣佢地既結婚相就見到v姐同佢未婚夫出現
佢未婚夫真係同張相唔同左bor
比佢張相更後生
不過佢地都幾襯呀
成日都打打鬧鬧
我地呢班花生友有福了
之後大家就默默咁玩我地D智慧環
佢地個個掛住玩玩到野都唔食
V姐未婚夫真係好勁..居然可以破解哂
連gary都要問佢點玩
之後我地都係食食野..抽下獎..玩下遊戲..玩下智慧環
咁就過左一晚
不過今次GARY好似無咁癲
至少無周圍去砍酒
可能無人同佢砍掛
其實應該係因為佢默默咁係到玩緊智慧環
v姐經過呢一次喜酒之後
佢發現佢結婚個日..只要買好多好多智慧環同埋其他益智遊戲就能治得到gary同henry
之後gary只係係最尾時要求同我地猜
不過LEO無大志唔肯一杯飲哂D酒佢
搞到GARY無咩癮
最後都係猜D白免仔
一開始LEO同佢猜
佢已經節節敗退
食左3隻白免仔
到最後佢扯埋我同V姐落水
4個人一齊猜
輸左既ALL IN
食哂剩返個3隻白免仔
第一round v姐同leo就win左
得返我同gary猜
好緊張
好彩我唔係太飽
所以我又唔係好驚會輸
可惜..POOR GARY
邪不能勝正
最後gary都係輸
但我地驚佢飽死
所以就饒佢一命容許佢只係食一件桂花糕
食左3隻免仔加一個桂花糕
再加一大盤既魚同鷄
gary今餐賺返哂
幫埋henry食返哂返黎
所以我成日都話..GARY你只係我既手下敗將..你又輸多一獲啦
之後我地返去時仲係咁笑佢
不過今次因為太遲先開始食野
返到屋企已經12點幾
我涼都唔沖就去訓啦
因為朝早又同屎盈去行街
夜晚又搞左一餐
所以我「崩潰了」
今次喜酒既唯一禮物-- 金莎 or 4粒心型朱古力
因為我d同事唔要
所以我要哂佢地
