唉
今日仲悶過琴日
無咩野做
vivian同爸爸又去左開會
雖然好free
但都好靜
所以好眼訓
因為太得閒所以周圍上下網
vivian唔係到所以大膽左
但睇得多都唔好意思
因為我後面個兩位同事都好努力咁做野
最後的結論就係唔知做咩好
諗住周圍搵d user「吹水」啦
但居然個個都唔聽電話
真係豈有此理
咁我真係無野做啦
唯有坐係到發下隅痘、X想下
隅隅下又諗起我個運動大計
唉..好似好折墮
鬼叫你地個個屋企附近都有個體育館咩
我個山卡啦地方
毛都無條
講咩體育館
就係咁我先咁折墮
居然要去無雷公咁遠既柴灣
我本身都唔想做
不過我見我近年真係周身病
唔係腰痛就頭暈血壓低，唔係頭暈就頸痛
總之就死啦
二十歲就咁多病，點捱呀
所以我都係聽從醫生既建議
做多d運動，希望會有幫助啦..
今日返工
受到幾位同事既讚揚
VIVIAN係我一返到OFFICE就感激我上星期既勞苦
但我好似成個月都好勞苦喎..點解就係感激我上星期?
SO鬼異
應該係VIVIAN上星期成個禮拜都無理到我所以感到guilty
i see
之後henry都好欣賞我
OK啦..因為我日日都食哂所有D CASE
每日同D USER打「交道」
呢樣野係我D同事最驚
但我又幾接受BOR
特別係D態度好既USER
所以佢封左我做「case神」= =
我唔咩like呢個名
之後阿fung又讚美我做d 大煲野做得好快
但應該係佢無野講so..
點解你要妒忌?你真係小心眼又心機重
hsbc單野都係因為你咋
唔係你周街唱駛做今日東方頭條?
近排真係好得閒
我每日都係到「擔」天望地
手fing fing腳fing fing咁就一日
但我d同事就忙到飯都唔食..又ot o到好夜
最諷刺都係我琴日同蕩蕩係青衣城搗亂完一餐之後就去KFC食晚餐
食飽出黎時..居然見到我一位同事，佢居然岩岩先放工
真陰公
我d同事咁我真係唔係太好意思早放工
但我真係無野做bor..無野做到要偷偷地打呢篇blog
之前我仲過分..偷偷地上facebook
點知好衰唔衰睇到肥fan upload既bowie改圖
笑到我死..但又唔敢笑出聲因為成間房都好靜
我d同事都好認真咁做緊野
so我最後忍唔到衝左入廁所
今日食飯又人丁單薄..之前成十個人但今日得五丁友
唉~我都係帶飯算啦
我d同事唔係多野做到唔食lunch就係減肥
每次聽佢地講話減肥時我又呆左一呆
之後就默默咁放低我食緊既野
心諗:佢地咁瘦..都仲要減..真係唔明佢地
諗完之後再沉思一輪
都係決定我行我素
所以又再繼續狼吞虎嚥
==========================================
我覺得我呢份工太extreme了
一係就多野做到死..一係就好似而家咁
what should i do?
岩岩我先發現
原來最慘唔係無野做
最慘係有野做但唔識..仲要煩住已經好忙既同事T︿T
真係慘..我以後都唔敢嘈無野做啦
近排見周街都大減價
咁我對美妙既遮仔鞋又成日受到d小心眼既人既卑視
再加上我密謀諗住去做運動
咁我就雄心壯志咁入運動家睇下邊款波鞋靚d就買佢返黎
點知..d鞋真係好有問題
睇落去ok..著上去簡直不知所謂
每次我著上去個d小心眼既人又係旁邊到驚叫，又不斷嗌唔好
潑熄哂我團火
繞
究竟係你買定我買啫
不知所謂
不過呢
我諗住聽日再戰馬拉松
如果我成功買到一對新鞋
我會將我對美妙既遮仔鞋拎出黎拍賣
拍賣所得既收益會拎黎捐俾台灣既災民
呢對既遮仔鞋絕對係絕無謹有，十分珍貴
不坊同大家講，蕩蕩同BECKY已經私底下同我暗示佢地想得到呢對鞋黎珍藏
所以大家記得踴躍落BID
世上邊有免費既午餐呀? 事上係有的
因為我星期五先食左
首先要好感謝Glavin, Andy and Martin
佢地真係寬宏大量
我地PP無見過佢地，唔識佢地都請埋我地去食buffet
個餐我地應該全層樓都盼望左好耐
免費buffet喎
仲要唔係平
搞到我都好期待
不過一開始我team就出師不利
居然係最後一team先到
d人已經食左三輪啦
感覺蝕哂
所以我地team都馬不停蹄咁食
不過，我覺得個到野食款唔夠多
但每一樣都係好食
少但精
就好似沙律都有成幾十款
太誇了吧
食完少少熱盤，就即刻食我最愛的甜品
點知..好失望囉
因為得好少款
一D唔係分好一件件而係一盤盤既都俾人挖到慘不忍睹
所以我只食左一件cheese cake..一件糕點..一件pancake..一杯hazzgen dazs
再加上一件黑森林蛋糕
咁少..好唔開心
不過個日真係食得幾開心既
氣氛幾好
但最後都係唔知請我既係邊3個人
總之都要多謝佢地and我期待下一次既免費午餐
