上星期五晚同班同事去左鹿鳴春食dinner
聽聞一個月前訂位先有位，所以我就以為係一間裝修得好靚既酒家
點知上網一睇，原來係一間老字好，出名食京菜
但外面就唔靚，類似係D唐樓入面
不過估唔到入面都幾乾淨
同埋真係好多人，仲要係有D外國人
睇黎間野真係好出名
但我對京菜真係無咩研究
應該話，我從未食過
所以拎起個餐牌，一頭霧水
得個名，又唔知點既樣，又唔知點煮
反而我D同事就好有思緖
每人都諗定好一碟餸
我就唯有執人二攤，叫甜品--拔絲香蕉，外皮脆脆甜甜香香包裹著熟透的香蕉
我地有食出名既片皮鴨、齋鵝、雲吞雞、花素蒸餃、京燒羊肉、小籠包、蔥爆牛肉同埋火腿津白
其實講係出名既餸，但我食落去真係無咩特別好食
可能我對呢方面無咩研究
總之見到有就食啦，唔好蝕底
食完埋單千幾蚊，不過呢餐vivian請
因為佢12月結婚喎
佢係食緊時宣布
點知睇個勢，我個team應該好多人都蠢蠢欲動
睇黎我今年收紅色炸彈會收唔少
不過講真呀，我只去過一次婚禮，仲要係大陸
所以香港既婚禮係點我真係幾想見識下
睇黎我呢年應該係呢方面既"視野"(蕩蕩AL ORAL 個人演講題目)會擴闊不少
另一方面就應該係酒量
佢地居然唔信我未飲過酒
未飲過酒有咩奇
我識D FD都真係未飲過囉，我地乖孩子黎家嘛
佢地仲要到而家都唔信，因為佢地見我個日飲左一杯
又係佢地恐嚇我話飲唔哂同埋飲得最慢就要成支飲哂佢
我就不停咁飲，不停咁飲
點知原來cheating= =
好彩我無咩事，只係個喉嚨好唔舒服
之後佢地仲要去bar飲酒
我最後都係好無大志咁淆底
跟左"爸爸"返屋企
好彩咋，唔係今日聽返佢地講
佢地劈酒劈到3,4點
算吧啦..我玩唔起
俾我屋企人知我仲唔死
叫我辭職都有份
就係咁歡送完我既上手
不過星期四仲有一餐lunch
真係多姿多彩既生活
相later再post..太眼訓了
