我真係要反省下..
我要反省下點解我個BLOG咁少人睇..數埋都唔夠十人
一定係我寫D野太無聊了
但我又自得其樂
..所以由得佢啦
寫BLOG最緊要我ENJOY姐
我又要反省另一樣野..我覺得我今年好HEA囉
HEA係指HEA D PROJECT
我之前做PROJECT好努力家嘛..仲份份都好完美
我一直都係靠PROJECT攞分..但今年
做邊分就HEA邊份
每次臨交前..都諗住得過且過..咁死得啦
因為我成日覺得人地分PROJECT都係HEA..我個份應該唔會係HEA得黎最差個份掛
就係我拎住呢個宗旨..HEA左幾份REPORT出去
TURN OUT咪發現原來人地唔係HEA囉..而係好認真
真係無奈
但經過我苦苦思索左幾程車後，我發現最大既原因唔係出係我身上
組員既質素同埋HEA既程度係會潛移默化下影響住我
就係因為佢地..我就同佢地鬥HEA
點知兩敗俱傷
多謝上天賜給我那麼好的組員
佢地陪我玩..陪我HEA..陪我死..THANK GOD
但我今晩好欣賞ARRAY..睇完佢個BLOG後
佢好敢將佢D感覺寫出黎
講真..可能佢唔介意或佢只EXPECT佢D好朋友會睇到
只有我的朋友睇到
但我個尺度一定無佢咁寛..所以我欣賞佢
所以所有最TOP SECURITY既野我都寫係我屋企個本日記到
不過你地諗都知咩係TOP SECURITY既野..不外乎係鬧你地既話
但我都覺得好危險..因為無鎖無剩咁放係個櫃到
真係係人都可以拎黎睇..睇黎我要諗下其他更安全的方法了
所以我要反省
睇埋佢其他BLOG..原來佢文筆幾好(除左有粗口D文章)..點講呢
如果只睇佢個BLOG..會令人聯想到一個很有文學氣息既人
因為佢當中有好多反思..無論下對佢自己定對其他事
但點諗都唔會諗到係個MK FEEL既人寫..所以..真係人不可以貌相
但你地睇下你地..寫埋D好無深層意義既野
羞唔羞家..輸俾個串嘴人
我地要爭氣呀!!
Low B Club 加油!!
Love is the blue!!
